1 Webena 11:6 - mzwDBL

⁶ Dɛ Kooro Devid fa bolɔ ŋɔ, “Nomɛlbwa waa tɔ laa sie dɛ́ ka yo Jebus tena la, onee dɛ́ ɛ nomoa dɛɛ tɔ laa tena sie.” Joab o nya aa ɛ Seruya laanee wona ir dɛ tɔ ba sie la ba be, asɛ ba kpɔ laa sitɔɔ la tɛo.

1 Webena 11:6 ပူးပေါင်းရင်းမြစ်များ

2 Samoɛl 8:16

Dɛ haah bɛl baa dɛ yerɔ Seruya bibaa Joab laanee chɔ laa tena nyoa, asɛ Ahilud bibaa Jehosafat ɡe chwerɛ waa aa chiɡa bwa dɛɛ bil,

2 Samoɛl 20:23

Dɛ Joab, onee chɔ Israel laa tena bwa nyoa, asɛ Jehoiada bibaa Bɛnaya chɔ Pɛlet ne Kɛrɛt tena baa dɛ daah kooro la nyoa,

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Samoɛl 2:18

Dɛ Seruya bibaala batoro lɔ bela. Banee Joab ne Abisae dɛ Asahɛl. Dɛ Asahɛl won chwae kɛŋɔ kweɡla ken.

1 Samoɛl 17:25

Name dɛ Israel tena la dɛ bol ŋɔ, “Hé na ɡɛ baa nɔ aa naa dɛɛ ba ya be nɔ kenɛ? O balɔ dɛ baa muɡli ya Israel tena baah. Nomɛlbwa waa won kpo baa nɔ la, kooro ɛɛ tɛo kondɔɔh kohonaa. Wɛɛ berɔ lawɛ o bihaah tɛo ó mo, ásɛ dɛ ɡel naate mɛɛ nɛra ɡel toɔ bɔe Israel harɛ ta.”

2 Samoɛl 2:13

Asɛ Joab baa dɛ yerɛ o nya Seruya, ne Kooro Devid nomonome ir le ka chem ba tam bɛl waa chɔ Gebeɔn nyoa. Kooro Devid ne o nɛra soɡe tam la baŋ bɛl, asɛ banɔ la ɡe so o baŋ bɛl.

1 Koranar 1:7

Adonija ne Joab waa ɛ Seruya bibaa, dɛ Abiata waa ɛ sɔfo la ɛ nyoa beŋkpoŋ asɛ ba teŋɛ o nɛɛ dɛ chao.

1 Webena 11:5

Jebus tena la ŋɔ Kooro Devid be ŋɔ, “Haa won ba ya be bonɔ.” Kɛ ane a bwa, o yoo dɛ lɛ Jerusalam, asɛ baa yerɔ Kooro Devid Bwɛjen ne o danjwɛkpeɡ.

1 Webena 11:7

Belaa Kooro Devid ka so Jerusalam baa ma danjwɛɛ baro la ta. Gɛɛ a do baa yerɔ Kooro Devid Bwɛjen.

1 Webena 18:15

Dɛ Seruya bibaa Joab, onee chɔ laa tena la nyoa, asɛ Ahilud bibaa Jehosafat ɡe chwerɛ waa aa chiɡa bwa dɛɛ bil,

1 Webena 27:34

Ahetofɛl aa baa sewɛ la, Bɛnaya bibaa Jehoiada ne Abiata baa chiɡ o naa ta, asɛ Joab ɛ kooro laa tena sitɔɔ.

Yela 60:9

N Naa Korowii, umee dɛ́ kpɔ mɛ jo bwɛjen baa ma danjwɛkpeɡ baro nɔ ta nɔ? Umee dɛ́ tɔ n sie kaa Edom ɔ?