1 Webena 11:5 - mzwDBL

⁵ Jebus tena la ŋɔ Kooro Devid be ŋɔ, “Haa won ba ya be bonɔ.” Kɛ ane a bwa, o yoo dɛ lɛ Jerusalam, asɛ baa yerɔ Kooro Devid Bwɛjen ne o danjwɛkpeɡ.

1 Webena 11:5 ပူးပေါင်းရင်းမြစ်များ

2 Samoɛl 5:9

Kooro Devid aa kaa yo Jerusalam dɛ pɔ o nɛra nɛɛ la, o kaa so bela dɛ pa o sɔn Kooro Devid Bwɛjen. O ma danjwɛkpeɡ baro dɛ le deŋɡare la wee leebɔr pera harɛ waa baro la ta.

2 Samoɛl 6:10

Dɛ waa berɛ dɛɛ nyin ó ba Korowii Ne Nɛwɛnyina Fɔo Daka la ne o be Jerusalam kpa. O ɡelɔ ba kpɔ ba cheɡ Ɔbɛd Edom dem, o le bwɛjen Gat.

2 Samoɛl 6:12

Kooro Devid baa no kɛŋɔ Korowii swee Ɔbɛd Edom ne o dem tena, dɛ komɛlbwa waa dɔa andɛɛɡa Korowii Ne Nɛwɛnyina Fɔo Daka la wa. Anomanta, o ne Israel tena bane la Ɔbɛd Edom dem silɛɛ ne, dɛ ka kpɔ Daka la ba Jerusalam waa ɛ Devid Bwɛjen la ta.

1 Koranar 8:1

Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Jerusalam waa ɛ Kooro Devid Bwɛjen ta ba cheɡ Korowii Dea.

1 Webena 11:4

Kooro Devid ne Israel tena bwa kpɔ ba te kaa Jerusalam, dɛ ba fa dɛ yerɔ Jebus, dɛ ka yo Jebus tena baa soɡe bela,

1 Webena 11:6

Dɛ Kooro Devid fa bolɔ ŋɔ, “Nomɛlbwa waa tɔ laa sie dɛ́ ka yo Jebus tena la, onee dɛ́ ɛ nomoa dɛɛ tɔ laa tena sie.” Joab o nya aa ɛ Seruya laanee wona ir dɛ tɔ ba sie la ba be, asɛ ba kpɔ laa sitɔɔ la tɛo.

1 Webena 11:7

Belaa Kooro Devid ka so Jerusalam baa ma danjwɛɛ baro la ta. Gɛɛ a do baa yerɔ Kooro Devid Bwɛjen.

2 Webena 5:2

Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Saayɔn, Kooro Devid Bwɛjen ta, ba cheɡ Korowii Dea.

Yela 122:5

Belaa Kooro Devid luɡe koranar fa so, dɛ bol nɛra waa dɛɛ pa bole.

Yela 132:13

Korowii le Saayɔn cheɡ, dɛ kpɔ bela ɛ o soŋnibɔr.

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 48:2

Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

Yela 78:68

Kɛ Juda dea nɛraa o le, ne Saayɔn Bwejen waa dɛ nyin bela kohona la.

Yela 87:2

O dɛ nyin bwɛjen la, dɛ ɡwaa Israel harɛ bobɛlbwa.

Yela 87:5

Baa bol bwɛjen Jerusalam waa ŋɔ, o binii harɛre nɛra bwa le dɛ ba, Nemenɛ Korowii ɛɛ ɡeloo ó do kpeɡri.

Yela 9:11

Hé ɡo yela kpɛɛ Korowii waa dɛ di kora Saayɔn. Hé bol waa waa ɛa harɛre nɛra bwa be.

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Wepila 14:1

Belaa n nyiŋi dɛ na Pebie la cheɡa Saayɔn Bwejen doa. Asɛ nɛra kaɡboŋa lafa fifraanaarɛ dɛ banaarɛ baa chwerɛ o ne o Mɛɛ la sɔna ba tili ta la che o be.

Sitɔɔla 19:10

Kɛ dɛ baa la aa nyin kɛ o chɔ bela jwaana kpa, dɛ pa kwaa baa paa dawɛ keeɡo ta dɛɛ so o ta la dawɛ keeɡore anɛ la ta, asɛ o ne o sɛno la kpɔ sie chaɡɛ Jebus waa ɛ Jerusalam.

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.