1 Webena 11:16 - mzwDBL

¹⁶ A ɡɛ saŋ dɛ Kooro Devid soɡe bela baa ma danjwɛkpeɡ baro deŋɡare bɛl doa, asɛ Filisti laa tena ɡe do Bɛtlɛham.

1 Webena 11:16 ပူးပေါင်းရင်းမြစ်များ

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Samoɛl 13:23

Filisti tena le laa tena la bini bane, ba ka che ŋwɛnɛ waa chɔa kaa Mikmas dɛɛ daah bela.

1 Samoɛl 13:4

Anomanta, Israel tena la bwa aa noa kɛŋɔ Sɔɔl kpo Filisti tena laa nomoa bela o ne o laa tena aa soɡa la, Filisti tena hah Israel tena kohona. Israel laa tena la bwa baa cheme, dɛ ka ja Sɔɔl nɛɛ Gelɡal.

Yela 142:1

N do lɔŋɔ yerɛ Korowii, n soŋo ŋɔ ó na n sum.

1 Samoɛl 23:25

Kooro Sɔɔl ne o laa tena pa mun dɛɛ ɡaaɡe, asɛ Devid no kɛŋɔ ba dɛ ɡaaɡe o bɔr, asɛ o chwa ka so deŋɡare bɛl doa Mayɔn pua hɛŋle ɡbo harɛ ta. Kooro Sɔɔl ɡe aa noa kɛ o lɔ bela la, o tiu bela dɛ kaa ɡaaɡe o bɔr.

1 Samoɛl 22:1

Devid le bwɛjen Gat dɛ chwa ka sɔh bwɛjen Adulam bwebɔɔ bini. O dɔɔranar ne o mɛɛ dem tena aa no o waa la, ba la o be bela.

2 Samoɛl 5:17

Filisti tena aa noa kɛŋɔ ba fuɡe noo do Devid nyu ta dɛ cheɡo kora ta Israel harɛ bwa ta la, ba laa tena bwa iro dɛ kaa nyin o bɔr sibeɡra ne, asɛ Kooro Devid ɡe no ba wa, dɛ le ka chem ba bela waa soɡa danjwɛkpeɡ la ta.

1 Webena 11:17

Nyɔɡre dɛ kpo Kooro Devid, asɛ o ŋɔ, “N dɛ nyin nomɛl fe aa kaa dɔ nee kɔlɔŋ waa chɔa bɛne Bɛtlɛham doonyojen la ta ba tɛ mɛ ń nyɔ!”

1 Samoɛl 22:4

Anomanta, o ɡelɔ ba so kooro la be ɡɛ saŋ waa kaa sɔh bwebɔɔ la bini la bwa.

1 Samoɛl 22:5

Ate, Korowii keame baa dɛ yerɔ Gad ba ŋɔ Devid be kɛŋɔ, ó le bwebɔɔ la bini bela dɛ́ kaa Juda harɛ ta. Anomanta, Devid le bela dɛ kaa Hɛrɛt kɔne bini.