1 Webena 11:10 - mzwDBL

¹⁰ Kooro Devid banyoola ne Israel tena bwa baa chao o won di kora, ɡɛ Korowii aa baɡ ba nyoa, o kora che kiŋkiŋ laanee teŋa nɔ.

1 Webena 11:10 ပူးပေါင်းရင်းမြစ်များ

2 Samoɛl 3:21

Ate, Abna ŋɔ Kooro Devid be ŋɔ, “N dɔɔ, ɡel n ir warane dɛ́ la ka bol waa baɡle Israel tena ásɛ ba lɛɛ do, ba ne he fɔwɛ fɔo he di kora harɛ la bwa ta, ɡɛ he fa aa dɛ nyin la, dɛɛ nyiŋi ba nɛ.” Anomanta, Devid tɛ Abna ŋwɛnɛ o kaa deŋnesɔɔhna ne.

1 Webena 11:3

Anomanta, Israel nomonome la bwa ba Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ ta, ɡɛ Korowii aa cheɡɛ Samoɛl nɛɛ dɛ bol la.

1 Webena 12:21

Banee cha Kooro Devid wɛɛ yo nɛra laa, dɛ yon lɔ ka tɔ nɛra nɛɛ dɛɛ pa ba laala, dɛkalkɛ ba bwa ɛ banyoola, dɛ ɛ o laa sitɔɔla.

1 Webena 12:23

Laa tena baa kpɔ ba te dɛ ba Kooro Devid be Hɛbrɔn, dɛ́ ba yo Kooro Sɔɔl, dɛ́ lɛ o kora tɛo ɡɛ Korowii aa bola laanee teŋa nɔ.

1 Webena 12:24

Juda dea laa tena baa kpoŋe kwaa baa kpɔ tɔ ba te ɡbemɡbe, ne lampeare lɔ kaɡboŋa banumɛl lafraanuatoro,

1 Webena 12:38

Gɛ laa tena nɔ bwa kpɔ ba te, dɛ ba Hɛbrɔn sibeɡra ne kɛŋɔ, bá ba cheɡ Devid kora Israel harɛ ta. Dɛ Israel tena la kar bwa dɔ liire beŋkpoŋ kɛŋɔ, Devid ɛ kooro Israel harɛ.

1 Webena 12:39

Laa tena la di Devid be bela tɔpera atoro, dɛ di kwaa dɛɛ nyɔ sen ba bala Israel tena aa ɛa ba tɛɛ ba la.

1 Webena 27:1

Kenii Israel tena nomonnyuune ne nomonome baa chɔ laa tena kaɡboŋa ne lafare nyoo, ne ba nomonome baa dɛ tomɛ kooro, dɛɛ nyiŋi laa waa bwa ta benanyobir korobie bɛlbwa ta waa do. Dɛ ba bɔne ba bini, bɛlbwa dɔ laa tena kaɡboŋa fifraanɛ dɛ banaarɛ.

1 Webena 28:1

Kooro Devid yerɛ Israel nomonome la bwa cheme Jerusalam. Nomonome baa chɔ Israel deene nyoo ne nomonome baa chɔ kooro tomare nyoo, ne sitɔɔla baa chɔ laa tena kaɡboŋa ne lafare nyoo, ne nomonome baa chɔ kooro bibaala ne o laala ne kondɛɛre nyoo, ne koodem nomonome dɛ banyoola bwa.

1 Samoɛl 16:1

Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”