1 Webena 10:13 - mzwDBL

¹³ Kooro Sɔɔl kasinteŋ bɛ dɔe dɛ tɛ Korowii waa o sewɛ. O ta Korowii waa ta teŋɛ, hale dɛ ka bɔɔ dɛɛ le nɛn waa dɛ yerɛ lala be, ó baɡlo waa waa ɛ,

1 Webena 10:13 ပူးပေါင်းရင်းမြစ်များ

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

Yela 25:3

Nomɛlbwa toole dɛ kpɔ o te dawɛ he nɛ, he ɡel sihiih kpoo bwa, kɛ banɔ la baa vɛh he waa pɛɛpɛɛ la te, sihiih ɛɛ kpo baa.

Yela 73:27

Nɛra baa berɛ habɔɔ kpoe la bwa ɛɛ serewoo, ɡɛɛ nɛra baa wola he waa ta teŋɛ la, hɛɛ ba ɡela ba ɡe serewe.

Kaala 22:18

Haah bɛlbwa waa dɛɛ ɛ sɔm we-ɛɛla la chɛ kɛ bá kpoo.

Sɛɡla 2:22

Korowii ɛɛ teŋe nɛnchɔɡaa le harɛ nɔ ta, wɛɛ chuɡri wechɔɡ-ɛɛraa le o ta kɛŋɔ kpɔɡa kɛɛ daa ken.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Aesaya 8:19

Nɛra ŋɔ he be ŋɔ hé la voɡra baa dɛ bol waa woroworo ne ajɔsaara be dɛ́ ka jemɛ waane bini naa, dɛ a dɔ mun aa? Bɔkwa waa chɛ kɛŋɔ yá ka bɔɔ lala dɛ́ jemɛ weera waa bini nɔ? Korowii yaa dɛ tomɔ laa chɛ kɛŋɔ yá kpɔ ya waa dɛɛ bil o sie naa?

Lewi Dea Tena 19:31

Hɛ́ɛ berɛ nɛra baa dɔ daabii ba ne lala ɛɛ bol waa be la. He dɛ ɛ ɡɛ naa, dɛ he kpɔ doŋa dɛɛ kah he te. Menee Korowii haa dɛ tom mɛ la.

Lewi Dea Tena 20:6

Nomɛlbwa waa vɛh n toma dɛɛ la nɛn waa dɔ daabii dɛɛ yerɛ lala be la, n sie ɛɛ beɡre o nɛɛ dɛ́ pero le o nɛra bini.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.

1 Samoɛl 15:2

Nemenɛ Korowii ŋɔ, ‘Mɛɛ tɛr Amalɛk tena deŋnee, dɛkalkɛŋɔ ba naawa teŋe Israel tena ŋwɛnɛ, ɡɛ saŋ baa le Ijipt dɛɛ ba la.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.