1 Timoti 6:9 - mzwDBL

⁹ Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

1 Timoti 6:9 ပူးပေါင်းရင်းမြစ်များ

1 Koranar 21:6

Kooro chaŋe o haah ŋɔ, “Nabɔt waa lɔ Jesreel la bee n ŋɔ ó yoɡ o daa koo tɛ mɛ, dɛ ɡɛ laa ɡe aa, ń tɛo bɛl o chiɡ o kon la naa ta. Kɛ o vɛoh ŋɔ waa kpɔ tɛ mɛ.”

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Sɛɡla 15:27

Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.

Sɛɡla 20:21

Dɛ he ta koɛh dɛ dɔ he te mumpar aa, a habɔɔ la, aa hen kɛrɛdɛ chiɡ.

Sɛɡla 21:6

He kpɔ nyosone ŋwɛnɛ ta dɛ dɔ kwa aa, a dɛ le he nɔn ta kɛŋɔ peu ken, dɛ́ berɛ ba seo ne.

Sɛɡla 22:16

Nɛn waa ɛɡre nyaara dɛ dɔ kwaa dɛɛ ja la, ne onɔ la waa kpɔ kwaa dɛɛ kɛ dɔɔhna la, ba bwa dɛ nya.

Sɛɡla 23:4

Bɛ kondɔɔh waa koh dɛ́ chɔɡ he te, ɡel a ɡɛ liire la, dɛ́ jemɛ he te lawa.

Aesaya 5:8

Hé bwɛɛlɛ, he banɔ la haa yawɛ deremi dɛɛ ja deremi ta, dɛ berɛ yawɛ kooni dɛɛ ja kooni ta, dɛ ka tel kɛŋɔ bɔr aa wola lee do tɛ he bala, asɛ he ɡbo lɛ harɛ dɔɔh dɛ so.

Sekaria 11:5

Nɛra baa dɛ yawa dɛɛ kpoora la aa deŋnetɛraa dɔ. Nɛra baa dɛ yoɡa dɛ bol ŋɔ, ‘Ya dɔ suuɡa, Kórowii jam!’ Hale nɛra baa dɛ teɡa la aa a nɛɛ sune.”

Nɛra Kura 31:8

Ba kpoo Midian koranar banue ja nɛra baa kpoora la ta. Banee koranar baa dɛ yer ba Evi ne Rekem ne Sor, ne Hur dɛ Reba. Ba kpo Beɔ bibaa Balam ɡe tokobii ne.

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Matiu 19:22

Baa la aa no ɡɛ Yeesu aa bola la, o tea bini chɔɡɔ, o laa berɛ kaa, dɛkalkɛ dɛ o dɔ kondɔɔh taeh.

Matiu 26:15

dɛ ka pɛɛ ba ŋɔ, “Dɛ n ba Yeesu ne ba tɛ heyaa aa, aŋwɛnɛɛ hɛɛ ba n tɛɛ yɔ?” Anee Sɔfonomonome la kure suuɡapoŋa fifraatoro do o nɔn ta.

Matiu 6:19

Yeesu berɔ ŋɔ, “He bɛ ɡel he siwi swɛɛ harɛ nɔ ta kondɔɔh ta. Harɛ bonɔ te, kwaa won kwaa chwee, kwaa won deera dɛ́ chɔɡ, ŋwɛɛra ɡe won dea joe dɛ́ ŋwɛ.

Amanesoma Mak Aa Chwera Tɔn 4:19

dɛkalkɛ ba no Korowii Waa la, kɛ dɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ Waa la ɛɛ dɔ tɔnɔ.

Amanesoma Luk Aa Chwera Tɔn 12:21

Waa Yeesu aa bola dɛ kpɔ teŋe ɡɛ waa la ta laanee kɛ, “Gɛɛ aa ba nɛra baa kwaa kondɔɔh dɛɛ cheɡ ba te harɛ ta bonɔ baa wola kembɔr bɛlbwa dɔe Korowii be la nɛɛ doe.”

Amanesoma Luk Aa Chwera Tɔn 21:35

dɛkalkɛ o bala tɔpere la ɛɛ piɡri nɛra baa lɔ harɛ nɔ ta bobɛlbwaa.

We-ɛɛla 8:20

Belaa Pita ŋɔ o be ŋɔ, “He ne he suuɡa bwa ɛɛ pɔɔh! Ɛrɛɛ he ɛ na kɛŋɔ hɛɛ wonoo yawɛ Korowii Domadɛɛɡe waa kpɔa kɛ o nɛra nɔɔ?

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

1 Timoti 1:9

A chɛ kɛŋɔ hé jemɛ kɛŋɔ nɛndɛɛɡa waa laa ba koh dɛɛ do mmara, kɛ nɛra baa wola mmara ta teŋɛ la, ne deŋnekpeɡ tena, ne nɛra baa vɛh Korowii la, ne wechɔɡ-ɛɛra, ne nɛra baa wola Korowii tomɛ, baa wola on duu la, ne nɛra baa dɛ kpoo ba mɛɛnanar ne ba nyare, dɛ nɛra baa dɛ kpo nɛra bwa,

1 Timoti 3:7

A chɛ kɛ ó ɛ nɛn nɛra baa wola asɔre tena ɛɛ kwara aa dɛ yerɛ o sɔndɛɛɡe, asɛ o bɛ sihiih waane ba ɛ dɛ́ le Bɔnsam bel ta.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

2 Timoti 2:26

ásɛ ba sie ba harɛ bá chwa le Bɔnsam bel waa laɡ ba dɛ ɡel baa ɛ o waa waa dɛ nyin la ta, ásɛ dɛ dɔ ba te.

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Josua 7:11

Israel tena ɛ wechɔɡa, ba chɔɡ n ne ba fɔo yaa fɔwa n do ba ŋɔ baa teŋɛ a ta la ta. Ba kpɔ kwaa maa ŋɔa ba le cheɡ tɛ mɛ la ane. Ba ŋwɛa dɛ teŋe nyosone, dɛ paa ja ba laala ta.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.