1 Timoti 6:4 - mzwDBL

⁴ naate dɛ maŋkura o te pɛɛpɛɛ. Waa wobɛlbwa jemɛ. Wetɔŋla dɛ weo choɡla, asɛ wetama bɛlbwa dɛ o dɛ vuuɡa. Gɛ waa nɔɔ dɛɛ ba bɔweela ne naɡra ne dɔŋa chɛɡra ne liichɔɡa ne la.

1 Timoti 6:4 ပူးပေါင်းရင်းမြစ်များ

Sɛɡla 13:7

Nɛra bane dɛ ɛ ba te kɛ dɔɔhna, kɛ dɛ komɛlbwa toole ba be, bane ɡe ɛ ba te nyaara, kɛ dɛ dɔɔhnaa ban.

Sɛɡla 25:14

Nɛn waa baɡɛ nyoa kɛ wɛɛ tɛ komɛlee waa wola tɛ la, o do kɛŋɔ baama ne peu aa wola bwaala ne ba ken.

Sɛɡla 26:12

Nɛn waa ɡɛna kohona la, hwɛɡa lɔ o nɛɛ ɡwaa nɛn waa dɛ lii kɛ o jemɛ wa, kɛ o ɡe aa jemɛ.

Aesaya 58:4

He nyoa vɔwa habɔɔ he ɡarɔ dɛɛ yo. He dɛ lɔɔ dɔŋa nɔŋɡuŋe ne. He dɛ lii kɛŋɔ ɡɛ nɔɔ dɛ́ ɡel n no he wesoŋa kɛɛ?

We-ɛɛla 15:2

Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

We-ɛɛla 18:15

Kɛ aa ɛ waa waa bola ne he bwɛɛ tena sɔna ne he bwɛɛ waa ɡbo waa nɔ te, hé ɡbaɡba ka nyiŋi a ta. Maa a ɡɛ waa nɔɔ bol.”

We-ɛɛla 8:9

Dɛ baa bɛl lɔ bwɛjen la ta dɛ ɛ o te bebee bɛl baa yerɔ Seemɔn. O bebeewaa la kpo Samaria tena bwa nyoa. Dɛ o dɛ maŋkura o te dɛɛ yerɛ o te nɛnjen bɛl.

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

Tɔn Pɔɔl Aa Chwerɛ Rom Tena 13:13

Hé ɡel ya lawɛ ya te kɛrɛdɛ, dɛ́ do kɛ nɛra bɔr aa chaah ba nɛ. Dɛ warɛ dɛ valɛ dɛɛ do ɡbɔɡa ne sennyɔdɛɛ waa toole kpa, hanyin ne banyin ne wedoŋa toole kpa, naɡrenyin ne bɔweela toole kpa.

Tɔn Pɔɔl Aa Chwerɛ Rom Tena 14:1

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

Tɔn Pɔɔl Aa Chwerɛ Rom Tena 2:8

Nɛra baa dɛ ɛ ba tetoowa, baa wola Korowii waa aa ɛ kasinteŋ ta teŋɛ, dɛɛ ɛ wechɔɡa la, Korowii bwaawee ɛɛ ir ba nɛɛ taeh.

1 Kɔrent 11:16

Dɛ nomɛl dɛ tɔŋle ɡɛ waa nɔ naa, ó jemɛ kɛŋɔ ɡɛɛ ya ne asɔre tena bwa ɛɛ ɛ.

1 Kɔrent 11:18

Waa aa tɔ sie laanee kɛŋɔ, n noɔ kɛŋɔ dɛ he chemo dɛɛ soŋe Korowii aa, haa nyopɛo dɔ. N dɛ lii kɛŋɔ kpelaa ba ŋɔ.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

1 Kɔrent 3:3

dɛkalkɛŋɔ he ta dɛ teŋɛ nɛwɛnyini mar waa ta. Bɔweela ne naɡra aa lɔ he baah ta nɔ, nɛwɛnyini mar nɛɛ laa hɛɛ teŋɛ nɔ naa? Haa jemɛ kɛŋɔ dɛ he dɔ ɡɛ da nɔ naa, he ja nɛra baa dɔ harɛ nɔ ta liire nɛɛ kɛɛ?

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

Galaasia 5:15

Dɛ haa dɔŋa nyin, dɛɛ yo aa, amɔ te hɛ́ɛ nyiŋi kɛrɛdɛ. A waa laa aa, he dɛ ba dɔŋa baah chɔɡa kwaraa.

Galaasia 5:26

A ta chɛ kɛ yaa ɛ jenu. A ta chɛ kɛ yaa ir dɔŋa bwaawee. A ta chɛ kɛ ya dɔ bɔweela dɔŋa nɛ.

Galaasia 6:3

Dɛ nɛn ta nɛnjen ɛɛ dɛɛ lii o te nɛnjen aa, dɛ o dɛ neɡre o te.

Felepae 1:15

Kasinteŋ, bɔweela ne dɔŋa meera waa nɛra bane ɛɛ bol Kristo Amanesoma la, asɛ bane ɡee bola bambile bwa ne.

Felepae 2:14

Wobɛlbwa haa dɛ ɛ la, he bɛ waa dɛɛ naɡre, dɛ bɛ waa dɛɛ tɔŋle,

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

1 Timoti 1:4

Ŋɔ ba bɛ ɡel nyosone la ne ɡɛ baa dɛ baɡle ba naanar leebɔra baa wola a nyoa na bwa la lɛ ba liire. Wetɔŋla ɡbo nee ɡɛ waa nɔ ɛɛ ba. Korowii toma ŋwɛnɛre laa baa baɡle la, dɛkalkɛ yarada ɡbo taa a che baa jemɛ Korowii toma ŋwɛnɛre.

1 Timoti 1:7

Ba dɛ nyin kɛ ba ɛ ba te kɛ nɛra baa dɛ chaɡle nɛra Korowii Mmara la, kɛ waa ba siwi yon swɛɛ a ta baa bol la, ba ɡba aa a mun jemɛ.

1 Timoti 3:6

A chɛ kɛ ó ɛ nɛn waa kpɔ o te tɛ Korowii dɛ yaradao biɡri, ɡɛ aa ɛ nɛra waa tɔ ba sie la nomanta, o nyu bini bɛ on som ba do ó maŋkura o te kohona, ásɛ o ba jo Korowii nɛɛ ɡɛ Bɔnsam aa ɛa la.

2 Timoti 2:14

Dɛɛ lii nɛra ɡɛ waa nɔ, dɛ kah ba sibeɡra ne Korowii sie ŋɔ ba bɛ waa dɛɛ tɔŋle. Wetɔŋla ta tɔnɔ bɛlbwa dɔe. Nɛra liiree aa chɔɡ.

2 Timoti 2:23

Bɛ he te kpɔ dɛɛ jo ɡɛnewaa ne wesale tɔŋla ta. He ɡbabir jemɔ kɛ naɡra nee aa ba.

2 Timoti 3:4

Baa ɛ bwɛpaɡre nɛraa, ba sie ɛɛ do wɔrɔbee, dɛɛ maŋkura ba te. Baa kpɔ silɛɛ kwaa ɡwaa Korowii.

Taetos 3:9

Kɛ laa he te kpɔ ɡɛne wetɔŋla ne ɡɛ he naawa aa teŋɛ dɔŋa nɛɛ waa bini baɡla ta, ne naɡrenyin, ne Mmara ŋwɛnɛre waa tɔŋla ta. A ta tɔnɔ bɛlbwa dɔe. A ɛ wepuu.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

2 Pita 2:12

Nɛra nɔ te do kɛ kpɔɡ bini ola Korowii aa taa ŋɔ báa kpoa la ken. Baa liire kpɔe dɛɛ ɛ wa. Waa mun noe kpeɡri ba be naa, sisa wobolee ba bol dɛɛ yaɡa. Baa serewoo kɛŋɔ ola ken.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

Tɔn Jud Aa Chwera 1:10

Waa nɛra nɔ aa wola a mun jemɛ la, wobochɔɡaa ba bol dɛɛ yaɡa. Ba ne ola bwa beŋkpoŋ, dɛkalkɛ ola ta liire dɔe. Waa aa ɛ á bwara sɔɔhna la, anee aa ɛ. Gɛɛ ba ɡe do. An ɡee dɛɛ chɔɡ ba.

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.

Wepila 3:17

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.