1 Timoti 6:20 - mzwDBL

²⁰ Hei, Timoti! Lawɛ waa la bwa Korowii aa kpɔa do he nɔn ta la bini kɛrɛdɛ. Laa he te kpɔ wesale nɛra aa dɛ bol a ne Korowii Waa aa wola kaa, ne ɡɛnewaa bane aa wola jemɛ dɛɛ yera wejema dɛ kpɔ dɛɛ tɔŋle kasinteŋ waa la ta,

1 Timoti 6:20 ပူးပေါင်းရင်းမြစ်များ

We-ɛɛla 16:1

Pɔɔl baa le Dɛɛbe ne Lestra dɛ ba na asɔre te bɛl baa dɛ yerɔ Timoti la bela. Dɛ o nya ɛ Juu te dɛɛ yarada Yeesu wa. Asɛ o mɛɛ te ɛ Grik te.

We-ɛɛla 17:18

Dɛ nɛra bane hweli bela wejema baa dɛ yera Epikuria ne Stoik la, dɛ ɡe ɛ ɡɛ wejema la chachaɡla bela. Dɛ a ɡɛ nɛra nɔ ɡe dɛ tɔŋlo dɛɛ ŋɔ, “Ɛrɛɛ wobobala te nɔ ɡee bol nɔɔ?” Asɛ bane ɡe ŋɔ, “Jamɔ harɛ bɛl voɡa waa wɛɛ bol nɔ.” Pɔɔl aa dɛ bol Yeesu ne seo ta ira waa ba lii ɡɛ la.

We-ɛɛla 17:21

Dɛ Atens tena ne ba hɔɔhra tomaa wefala bola ne wefala pɛɛra dɛ́ no.

Tɔn Pɔɔl Aa Chwerɛ Rom Tena 1:22

Ba dɛ yerɛ ba te wejerema, kɛ ɡɛna ɡee ban.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

1 Kɔrent 3:19

Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

Kolosi 2:8

Webaɡla ane lole bane ɛɛ baɡle dɛɛ yera wejema. Hé nyiŋa kɛrɛdɛ. A ɛ nyosone kɛɛ wepuu ba kpɔ dɛɛ neɡre nɛra. Nɛwɛnyini nawee waa, ne koŋkwaa aa dɛ di kpeɡri harɛ nɔ ta wejema waa baa baɡle la. Yeesu Kristo be laa a le.

2 Tesalonika 1:4

Ya ɡbaɡba dɛ bol he waa dɛɛ baɡle asɔre tena baa cheme bobɛlbwa dɛɛ tomɛ Korowii la, dɛɛ kpɛɛ heya. Ya dɛ ŋɔ ba be ɡɛ nɛra aa dɛ ɛ heyaa hɔhɔrɔwa, aa no heyaa saŋ bɛlbwa, asɛ he dɔ bambile haa wola habɔɔ le dɛ ta teŋɛ dɛɛ yarada Yeesu la.

2 Tesalonika 2:15

Anomanta, yabala, hé lawɛ kiŋkiŋ dɛ́ teŋɛ waa la bwa yaa kpɔ nyoa dɛ baɡle heya, ne anɔ la yaa chwera tɔn ta dɛ tɛ heyaa la ta. Hé ɡel a bwa do he nyu bini kɛrɛdɛ.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

1 Timoti 1:2

N bie Timotii n chwerɛ tɔn nɔ dɛɛ tɛ. Menee bol Korowii Waa he no dɛ yarada, dɛ berɛ n bie a ta la. Ń Naa Korowii ne ya Dɔɔ Yeesu Kristo chae dɛ́ na he sum, dɛ́ tɛɛ bosɔɔhna.

1 Timoti 1:4

Ŋɔ ba bɛ ɡel nyosone la ne ɡɛ baa dɛ baɡle ba naanar leebɔra baa wola a nyoa na bwa la lɛ ba liire. Wetɔŋla ɡbo nee ɡɛ waa nɔ ɛɛ ba. Korowii toma ŋwɛnɛre laa baa baɡle la, dɛkalkɛ yarada ɡbo taa a che baa jemɛ Korowii toma ŋwɛnɛre.

1 Timoti 1:6

Nɛra bane ɡel ɡɛ waa nɔ dɛ ka teŋɛ wesale aa wola mun dɔe bola ta.

1 Timoti 1:9

A chɛ kɛŋɔ hé jemɛ kɛŋɔ nɛndɛɛɡa waa laa ba koh dɛɛ do mmara, kɛ nɛra baa wola mmara ta teŋɛ la, ne deŋnekpeɡ tena, ne nɛra baa vɛh Korowii la, ne wechɔɡ-ɛɛra, ne nɛra baa wola Korowii tomɛ, baa wola on duu la, ne nɛra baa dɛ kpoo ba mɛɛnanar ne ba nyare, dɛ nɛra baa dɛ kpo nɛra bwa,

1 Timoti 4:7

Laa he te kpɔ wobosale aa wola Korowii waa ɛɛ nɛra ɛɛ nyin a bola la ta, dɛ swɛɛ siwi hweli ɡɛ haa dɛɛ teŋɛ Korowii waa la ta.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

1 Timoti 6:14

kɛ hé lawɛ waa nɔ bini kɛrɛdɛ dɛ́ ɡel a toɡre, ásɛ nɛra bɛ a wobɛlbwa dɔ bol dɛ́ ka tel ɡɛ saŋ ya Dɔɔ Yeesu Kristo aa berɛ ba ja.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

2 Timoti 2:16

Laa he te kpɔ nɛra baa dɛ bol wobosale a ne Korowii waa aa wola kaa la nɛ, dɛkalkɛ ɡɛ waa nɔ ɡelɔ nɛra ɛɛ le Korowii habɔɔ dɛ kaa ɛ anɔ la aa wola chɛɛ.

Taetos 1:14

Ŋɔ ba bɛ deŋne cheɡ dɛɛ no Juu tena waa aa ɛ nyosone la, ne waa nɛra baa vɛh kasinteŋ waa la aa ŋɔa báa ɛ la.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

Taetos 1:9

A chɛ kɛŋɔ wɛɛ teŋɛ Korowii kasinteŋ waa la ta ɡɛ ba fa aa baɡlo la, dɛ́ won dɛɛ baɡle Korowii waa aŋwɛnɛ ta nɛra be, ásɛ dɛ won dɛɛ ja ba, dɛ́ bol waa dɛɛ baɡle banɔ la baa dɛ tɔŋle kasinteŋ waa la, ásɛ ba ɡe jemɛ.

Taetos 3:9

Kɛ laa he te kpɔ ɡɛne wetɔŋla ne ɡɛ he naawa aa teŋɛ dɔŋa nɛɛ waa bini baɡla ta, ne naɡrenyin, ne Mmara ŋwɛnɛre waa tɔŋla ta. A ta tɔnɔ bɛlbwa dɔe. A ɛ wepuu.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.