1 Timoti 6:11 - mzwDBL

¹¹ Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

1 Timoti 6:11 ပူးပေါင်းရင်းမြစ်များ

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

1 Koranar 13:26

Korowii keame waa kaa berɔ dɛ kpɔɔ ba la aa noa la, o ŋɔ, “Korowii keame waa vɛh Korowii waa laanee. Korowiirii kpɔɔ tɛ nyujente o kpoo ɡɛ waa ŋɔa la.”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

1 Koranar 17:24

Luhaah la chaŋe Elaeja ŋɔ, “Anɔ taa n jemɛ kɛŋɔ Korowii keamee hen, Korowii waa aa dɛ le he nyoa la ɛ kpela.”

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

2 Koranar 1:13

Kooro Ahasia berɔ tomɛ laa sitɔɔ bɛl ɡe ne o laa tena fifraanue ɡe toorotena. Nomontooro te la teehnɔ la Elaeja be, dɛ ka ɡuŋi harɛ o sie dɛ soŋo ŋɔ, “Korowii keame, na n ne n laa tena fifraanue nɔ sum, dɛ́ ɡel ya dɔ ya nyuune.

2 Koranar 1:9

Ate, kooro la tomɛ o laa sitɔɔ, dɛ laa tena fifraanue ŋɔ bá ka kpɔ Elaeja ba. Dɛ Elaeja soɡe deŋɡare bɛl doa, asɛ laa sitɔɔ la la o be dɛ ka ŋɔ, “Korowii keame, kooro ŋɔ he tu ba o be he ne ó bol wa.”

2 Koranar 23:17

Kooro Josia ŋɔ, “Ume ŋwamee ka lɔ le nɔɔ?” Asɛ nɛra baa lɔ bwɛjen Bɛtel ta la ŋɔ, “Korowii keame waa le Juda, dɛ ba bol waa haa ɛ saraha kon nɔ ta la ŋwamee.”

2 Koranar 5:20

Korowii keame Elaesa bonɔɔ Gehasi lii dɛ ŋɔ, “N dɔɔ kpɔ Siiria te Naaman nɔ bwara kɛo, o ta koŋkɛɛla waa ba a ne bɛlbwa lɛɛ. N ŋwɛɛ Korowii waa lole kɛŋɔ mɛɛ chwao tiu dɛ́ ka lɛ komɛl le o be.”

1 Webena 23:14

Ba kure Korowii bonɔɔ Mosis bibaala kɛŋɔ Lewi dea tena pera.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Nehemia 12:36

O bala ba ɡe aa ɛ Asaf naanar la bane teŋɛ o nɛ. Banee, Sɛmaya ne Aasarɛl ne Milalai, ne Gilalai ne Maai ne Nɛtanɛl, ne Juda dɛ Hanani. Dɛ ba bwa kpoŋe Korowii nɛn Kooro Devid kwaa waa kpɔa dɛɛ lɔ yela la dɔŋa. Asɛ sɔfo Ɛsra waa ɛ tɔnjereme tɔ ba sie.

Yela 34:14

Wɛ́ɛ ke o te wechɔɡa ta, dɛ́ɛ ɛ wedɛɛɡa. Ó swɛɛ siwi dɛ́ɛ ɛ waa aa dɛ ba nyopɛo ne.

Yela 38:20

Nɛra baa kpɔ wechɔɡa dɛɛ bɔ wedɛɛɡa kem cheɡɛ n nɛ, dɛkalkɛ n dɛ ɛ waa aa toɡra.

Sɛɡla 15:9

Korowii hah nɛnchɔɡa we-ɛɛla, O dɛ nyin nɛra baa dɛ teŋɛ waa aa toɡra ta.

Aesaya 51:1

Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.

Jeremia 35:4

dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ.

Tɔn Pɔɔl Aa Chwerɛ Rom Tena 14:19

Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

1 Kɔrent 10:14

Anomanta, n daamanar, hé laa he te kpɔ voɡa waa ta.

1 Kɔrent 14:1

Hé ɡel he sie beɡre nɛnnyin ta, ásɛ dɛɛ nyin kpeɡri waa lɔ Korowii Domadɛɛɡe la be, dɛ́ kpɔ dɛɛ cha nɛra. Kɛ kpeɡri háa swɛɛ siwi dɛ́ nyin kohona laanee kɛŋɔ, he won che Korowii Domadɛɛɡe kpeɡri ta dɛ́ɛ bol o wa aa dɛ ba bala kerekere la,

1 Kɔrent 6:18

Anomanta, hé laa he te dɛɛ kpɔ jwamane ta. Wechɔɡa bɛlbwa nɛn aa dɛ ɛ la, aa o bwara bini so. Kɛ nɛn waa dɛ bɔ jwamane la, o ɡbaɡba bwadabii wɛɛ do wechɔɡa ta.

Mmarare 16:20

Hɛ́ɛ teŋɛ kasinteŋ waa ɡbo ta, ásɛ dɛ dɔ mkpa dɛ́ ka kpɔ harɛ la Korowii haa dɛ tomɔ aa kpɔa dɛɛ tɛ heyaa la.

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

1 Timoti 1:14

O sune n nɛɛ kohona dɛ cha mɛ taeh n dɔ yarada ne nɛnnyin yaa dɔa le pɛɛ ya ne Yeesu Kristo aa pɛa la ta.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

1 Timoti 6:20

Hei, Timoti! Lawɛ waa la bwa Korowii aa kpɔa do he nɔn ta la bini kɛrɛdɛ. Laa he te kpɔ wesale nɛra aa dɛ bol a ne Korowii Waa aa wola kaa, ne ɡɛnewaa bane aa wola jemɛ dɛɛ yera wejema dɛ kpɔ dɛɛ tɔŋle kasinteŋ waa la ta,

2 Timoti 2:21

Anomanta, dɛ nomɛlbwa laa o te kpɔ wedoŋa ne wechɔɡa bwa ta naa, naate la do kɛŋɔ kwaa baa dɛ le a ne wejena ɡbo ta la. O do kaih dɛ do le tɛ o Dɔɔ, dɛ dɔ tɔnɔ tɛo, dɛ che le kɛ ó kpɔɔ ɛ tondɛɛɡa te bwa.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

2 Timoti 3:17

Anee dɛ won cha Korowii nɛn ó won ɛ wedɛɛɡa bwa ka tonɛ.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

1 Pita 3:11

Wɛ́ɛ ke o te wechɔɡa ta, dɛɛ ɛ wedɛɛɡa. Ó swɛɛ siwi dɛɛ ɛ waa aa dɛ ba nyopɛo ne.

1 Samoɛl 2:27

Awola Korowii keame bɛl Korowii aa pili waane bini baɡlo ba sɔfo Eli be dɛ ba ŋɔ, “Waa Korowii aa dɛ bol laanee nɔ, ‘N fa ta n te kpɔe baɡle he naawa kɛrɛdɛ Ijipt harɛ ta ɡɛ saŋ baa lɔ Ijipt kooro lɔɡa la aa?

1 Samoɛl 9:6

Anee bonɔɔ la chaŋe ŋɔ, “Na, Korowii nɛn bɛl lɔ bwɛɛ nɔ ta. O wobɛlbwa waa bol dɛ ɛ kasinteŋ, baa duuru kohona ɡe. Gel ya la o be, o ken ɛɛ won baɡle yaa bela yaa kpɔ dɛ́ na keeɡore nɔ.”