1 Timoti 5:6 - mzwDBL

⁶ Kɛ luhaah bodia wa aa dɛ lɛ o sie la, o soɡe le te, kɛ o do kɛŋɔ nɛn waa sewa.

1 Timoti 5:6 ပူးပေါင်းရင်းမြစ်များ

Mumpar 2:17

Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”

Sɛɡla 29:21

He ɡbɛɡbɛ he bonɔɔ le o bechale saŋ aa, a habɔɔ o dɛ ba bambichɔɡ ne.

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Aesaya 47:1

Korowii ŋɔ, “Babelɔn, bwɛjen baa wola yoi dɛ pɔ he nɛ, he do kɛŋɔ bitolo waa wola baa jemɛ. Tu he kookara ta, dɛ́ ba so harɛ. Taraken baa hen ɡbɛɡbɛ kpa, he berɛ yom.

Jeremia 6:2

Bwɛjen Saayɔn wer kohona, kɛ mɛɛ chɔɡoo,

Wiile 4:5

Nɛra ba fa aa dɔ kondikondɛɛɡa dɛɛ di la, lɔr kpo ba ba serewe chɔ fɔɡbaahna. Banɔ la baa dɛ di yɛɛ ɡe kam kompuɡreri puldoa dɛɛ di.

Matiu 8:22

Anee Yeesu chaŋo ŋɔ, “Hé te teŋɛ n nɛ, dɛ́ ɡel nɛra baa wola Korowii mkpa dɔe, dɛ do kɛ nɛra baa sewa Korowii ta la ɛɛ huɡe ba dɔŋa.”

Amanesoma Luk Aa Chwera Tɔn 12:19

O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’

Amanesoma Luk Aa Chwera Tɔn 15:13

A ta tɔpere bɛl dii, o bie bechala la yoɡ o te kwaa la bwa, dɛ kpɔ o suuɡa jo pua bojaŋ kaa. Waa laŋa la, o kaa ɛ suuɡa la saɡasaɡa ken.

Amanesoma Luk Aa Chwera Tɔn 15:24

dɛkalkɛŋɔ n fa liiro kɛŋɔ n bie nɔ sewɔ, asɛ o berɛ ba nɔ. O fa aa nyoɡra la, taraken te n nao.’ Ate, ba ɛ kondikwaare dɛɛ di dɛɛ lɛ ba sie tenten.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.

Amanesoma Luk Aa Chwera Tɔn 7:25

Dɛ ɡɛ laa ɡe aa, dɛ bɔkwa tenee he la ŋɔ he ka nyiŋi ɔ? Nɛn waa do laaladɛɛɡaa he la ka nyiŋi kɛɛ? Nɛra baa dɛ do laaladɛɛɡa dɛɛ di ba tetookondikwaa la, koodemii ba do.

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Mmarare 28:54

Ásɛ nɛn waa jemɛ waa dɛ do pwɛre aa tedomaa dɔ tɛ o ɡbaɡba nime, kɛɛ o dɔɔ kɛɛ o haah kɛɛ o bii baa kaa.

Mmarare 28:56

Gɛɛ haah waa jemɛ waa dɛ do pwɛre, dɛ dɔ o te, waa wola valɛ saɡasaɡa la ɡe ɛɛ ba ɛɛ.

Kolosi 2:13

He wechɔɡa ne he dobene Korowii fa aa wola teŋe ta la ɡelɔ he fa do kɛŋɔ he serewɔ. Kɛ he ne Yeesu Kristo aa pɛa la, Korowii kpɔ he bwa wechɔɡa kɛ heya, dɛ tɛ he bwa mkpafale.

2 Timoti 3:6

Gɛ nɛra nɔ bini banee yon kpɔ ŋwɛnɛre ane ta dɛ́ sɔh jo deremi ta, ásɛ dɛɛ dɔ haahna ba wechɔɡa aa ɡwaa ba nɛɛ ba sie ɛɛ yal ba ba pɛlchɔɡa ta la, ba yon dɛɛ teŋɛ ba nɛ.

Jems 5:5

He dɔ sobɔrdɛɛɡe harɛ nɔ ta dɛ so, dɛɛ di he bwara. Gɛ haa dɛ di he bwara la, he do kɛŋɔ kondɛɛre baa ku kpɔɡa dɛɛ tɛo ó di dɛ́ je bá kpoo la.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

Wepila 3:1

Tɔn nɔ dɛ kaa nyundua torome waa cheɡa tɛ asɔre tena baa lɔ Saades la be. “Men maa dɔ Korowii Domare anuanɛ ne weweela anuanɛ la ŋɔ, N jemɛ he we-ɛɛla. Nɛra jemɔ kɛŋɔ he soɡe le bokpeɡa ta, kɛ he sewɔ. He kpeɡri haa dɔa dɛɛ teŋɛ n nɛɛ la nyoa dɛ sɔɔh.

1 Samoɛl 15:32

Samoɛl ŋɔ, “Hé ka kpɔ Amalɛk tena Kooro Aɡaɡ ba tɛ mɛ.” Anee Aɡaɡ lɔ bambile dɛ ba o be, dɛɛ lii ŋɔ, “N jemɔ taraken kɛ baa men kpo kpa.”

1 Samoɛl 25:6

Hé ŋɔ o be ŋɔ, ‘Kórowii tɛɛ mkpajaŋ! Ó tɛ he ne he dem tena ne he komɛlbwa haa dɔa bokpeɡa!