1 Timoti 5:3 - mzwDBL

³ Haahna ba jaranar aa serewa baa wola nomɛlbwa dɔe ó nyiŋi ba nɛɛ la, dɛɛ duu ba dɛɛ cha ba.

1 Timoti 5:3 ပူးပေါင်းရင်းမြစ်များ

Job Tɔn 29:13

Nɛra baa cheɡɛ seo nyoa soŋe andɛɛɡa tɛ mɛ, n ɡel luhaahna baah sɔɔh ba.

Job Tɔn 31:16

Dɛ n vɛh nyaara pɛla kwaa kpɔe dɛ tɛɛ ba, kɛɛ dɛ ɡel luhaana hwɛɡa ta pɛɛ,

Yela 146:9

O kpɔ nɔn dɛɛ tɔ hɔɔhra baa soɡe ya harɛ ta nɛ, dɛɛ cha luhaahna ne bilalbii. Kɛ nɛnchɔɡa te, o dɛ chɔɡ vɔrɔwa baa dɛ vɔrɔwe.

Yela 68:5

O ɛ bilalbii mɛɛ, dɛɛ che luhaahna habɔɔ. Onee Korowii waa soɡe o Dea waa do ɡoroŋ bini.

Yela 94:6

Ba dɛ kpoo luhaahna ne bilalbii, dɛɛ kpoo nɛŋhɔɔhra baa soɡe ya harɛ ta.

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Jeremia 49:11

Hé ɡel he bilalbii waa do n nɔn ta, mɛɛ kpɔ nɔnee tɔ ba nɛ. He luhaahna ɡe bwa ɛɛ won kpɔ ba hwɛɡa bwa do n nɛ.”

Matiu 15:6

a ta chɛɛ kɛ ó duu o mɛɛ dɛ́ chao kpa. Kenii hɛɛ chɔɡ Korowii Mmarare dɛɛ teŋɛ he ɡbaɡba webaɡla ta nɔ.

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Amanesoma Luk Aa Chwera Tɔn 2:37

O ta yalɛ kpa, dɛ ba di bene fifraanuatoro dɛ anaarɛ. O ta o Korowii toma kpɔe bil harɛ. Chɔɔ ne jwaana dɛ o lɔ Korowii Dea, dɛ yon dɛɛ vɔwɛ nyoa dɛɛ soŋe Korowii.

Amanesoma Luk Aa Chwera Tɔn 7:12

Waa dena dɛɛ tel bwɛɛ la ta la, dɛ ba cheɡɛ baa bɛl waa sewa dɛɛ kaa ka huɡe. Dɛ ɡɛ nɛn waa sewa la ɛ luhaah bɛl bibeŋkpoŋ waa dɔa. Dɛ bwɛɛ la tena bane teŋɛ luhaah la nɛɛ pirim.

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

We-ɛɛla 9:39

Toroma la aa laŋa la, Pita kpɔ o te dɛ puu ba kaa. Waa laŋa la, ba kpɔɔ deeh abrɔsane la. Dɛ luhaahna baa lɔ bela la bwa baa chwa baro dɛɛ wi, dɛ kpɔ batakaani ne yale Tabita aa sɔah ɡɛ saŋ waa wola sewɛ mɔɔ la dɛɛ baɡle Pita.

We-ɛɛla 9:41

Belaa Pita tel o be dɛ lawɔ ir che, dɛ ka yerɛ asɔre tena ne ba bini luhaahna la bwa dɛ kpɔ haah la waa iru la tɛɛ ba.

Mmarare 10:18

O dɛ nyiŋi bilalbii ne luhaahna kɛrɛdɛ dɛɛ nyin nɛŋhɔɔhra ɡe ba kondikwaa dii ne ba yale tɔe bini.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

Mmarare 27:19

Bá berɛ ŋɔ, ‘Nomɛlbwa waa wola hɔɔhra kɛɛ bilalbii kɛɛ luhaahna waa bolɛ tɛɛ ba aŋwɛnɛ ta la, Kórowii taahno.’ Israel tena la bwa chaŋe ŋɔ, ‘Aamen!’

1 Tesalonika 2:6

Ya ta sɔn nyine dɛ le he ne nomɛlbwa be.

1 Timoti 5:2

dɛ́ kpɔ haahna baa ɡwaale nomonome la ɛ he nyare. Ásɛ bihaahna haa ɡwaa ba la ɡe, hɛ́ɛ ɛɛ ba kɛ he nimambii, wedoŋa bɛlbwa bɛ he ne ba baah ta do.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.

1 Pita 3:7

Baala ɡe, ɡɛɛ a chɛ kɛ he dɔ liire he ne he haahna soɡa bini, dɛ́ jemɛ kɛŋɔ baa kpeɡe kɛŋɔ heya. Hɛ́ɛ duu ba, dɛkalkɛŋɔ he ne ba bwaa dɛɛ ba Korowii mkpa waa cha heyaa hɛɛ ba dɔe la dɔe. Hɛ́ɛ ɛ ken ásɛ wobɛlbwa bɛ he Korowii soŋa ŋwɛnɛ tɔ.