1 Timoti 5:22 - mzwDBL

²² Bɛ totoo kpɔ nɔɔra dawɛ nomɛlbwa nɛɛ dɛ leo ŋɔ ó ɛ Korowii toma, ásɛ dɛ naate ta ba wone kpoŋe tom la bini dɛ ka ɛ wechɔɡa aa, a ba maali. Nyiŋi he te kɛrɛdɛ dɛ bɛ ɡel wedoŋa bɛlbwa maali.

1 Timoti 5:22 ပူးပေါင်းရင်းမြစ်များ

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

1 Timoti 3:10

A wer kɛŋɔ hé nyiŋi ba waa bini, dɛ́ na dɛ ba waa wer mɔɔ he tɛɛ ba ŋwɛnɛ bá ɛ ɡɛ toma la.

1 Timoti 3:6

A chɛ kɛ ó ɛ nɛn waa kpɔ o te tɛ Korowii dɛ yaradao biɡri, ɡɛ aa ɛ nɛra waa tɔ ba sie la nomanta, o nyu bini bɛ on som ba do ó maŋkura o te kohona, ásɛ o ba jo Korowii nɛɛ ɡɛ Bɔnsam aa ɛa la.

1 Timoti 4:14

Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.

We-ɛɛla 6:6

Nɛra la kpɔ a ɡɛ nɛra nɔ baɡle Yeesu toroma la, asɛ ba kpɔ ba nɔɔra darawe ba nɛɛ dɛ soŋe Korowii tɛɛ ba.

2 Jɔn 1:11

Nomɛlbwa waa lɛ ɡɛ te la sie la, o ɡe ɡba ja naate wechɔɡa la ta.

2 Timoti 1:6

A waa ɡela mɛɛ liiri kɛŋɔ hé ir nyu ne dɛ́ kpɔ Korowii kpeɡri awola maa kpɔ nɔn dawɛ he nɛɛ dɛ swee tɛɛ o kpɔ tɛɛ la ɛ toma,

Hibru 6:2

Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.

We-ɛɛla 13:3

Anomanta, ba vɔwɛ nyoa dɛ soŋe Korowii, dɛ kpɔ nɔɔra darawe nɛra banɛ la nɛ, dɛ kpɔ ba do Korowii nɔn ta, dɛ ɡel ba kaa.

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.

We-ɛɛla 20:26

Mɛɛ di heyaa kasinteŋii fini. He bɛlbwa baa nyoɡre Korowii ŋwɛnɛ aa, n laa ɛ waane,

We-ɛɛla 18:6

Dɛ nɛra la dɛ nyin Pɔɔl toma chɔɡa, dɛɛ ɛo nɛnhɛla. Anomanta, o jwii o laala doŋa ta dɛ baɡle kɛ o baɡ ba Korowii waa asɛ ba vɛah, dɛ ŋɔ ba be ŋɔ, “Dɛ he nyoɡraa, nɛn laa ɛ heya, he ɡbaɡbaa ɛ he nyu. Le fini dɛɛ kaa, nɛra baa wola Juu tena ɛɛ mɛɛ ba Korowii waa baɡla. Maa he bee ba kpa.”

Josua 9:14

Josua ne Israel tena ta Korowii bɔɔrɛ no kɛŋɔ ba sɛh ba ne ba fɔwɛ ba fɔo la.

Yela 50:18

He na ŋwɛɛ bɛlbwa naa, he kpɔɔ dɛɛ berɛ he dam, he ne nɛra baa dɛ bɔ jwamanee dɛɛ valɛ.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.