1 Timoti 5:17 - mzwDBL

¹⁷ Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

1 Timoti 5:17 ပူးပေါင်းရင်းမြစ်များ

2 Koranar 2:9

Baa le nee la baŋ la, Elaeja ŋɔ Elaesa be ŋɔ, “Korowii ɛɛ ba kpɔ mɛɛ kaa taraken, bɔkwaa hɛɛ nyin kɛ ń ɛ tɛɛ mɔɔ ó ba kpɔ mɛ kaalɔ?” Asɛ Elaesa chaŋe ŋɔ, “Tɛ mɛ he kpeɡri nɔ dɔŋa bele anɛ, ásɛ n chiɡ he naa ta.”

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Jeremia 16:18

Dɛ wɛɛ bɔ ba kem bele anɛɛ, ba nyubinikpeɡ ne wechɔɡa baa ɛa la wa, dɛkalkɛ ba teŋɛ voɡare waa kia aa wola mkpa dɔe nɛ, a su harɛ la bwa dɛ kpɔ doŋa kaoh.

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Sekaria 9:12

Hé berɛ ba kaa, he nɛra baa lawɛ heyaa kaa bojaŋ harɛ ta, taraken he dɔ hwɛɡa, hé berɛ ba kaa he harɛ bosɔɔhna aa lɔ o ta. Taraken n dɛ ŋɔ he be, mɛɛ tɛ heyaa anɔ la haa paŋa la bele anɛɛ.

Nɛra Kura 18:31

He Lewi dea tena ne nɛra baa lɔ he dem, ɛɛ won di a kabora bobɛlbwa, dɛkalkɛ a ɛ n Dea Cheremibɔr bela toma haa dɛ ɛ la kembɔr.

Matiu 24:25

N felo dɛɛ bol waa nɔ he be noo, ásɛ he pu sie jemɛ a wa.

Amanesoma Luk Aa Chwera Tɔn 10:7

Hé so a ɡɛ dem la ta, dɛɛ di ba kondikwaa baa dɛ di dɛ tɛ heyaa la ane, dɛkalkɛŋɔ tom-ɛɛ kembɔr chɛo. A ɡɛ dem la te habɔɔ, he bɛ le ka so dem bɛlbwa ta kpa.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Amanesoma Jɔn Aa Chwera Tɔn 4:38

N waa nɔ maa ɡela hɛɛ baɡle nɔ, a do kɛŋɔ maa ɡela hɛɛ komɛ kwaa bela haa wola parɛ la. Bane tɔ sie koh mɔɔ he baa na som la.”

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

We-ɛɛla 28:10

Ba kɛ yaa kwaa pirim. Yaa dɛ ba stiimae ta joe dɛ kaa la, ba tɛ yaa laala aa chɛ kɛ ya dɔ mɔɔ dɛ́ le la bwa.

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

Tɔn Pɔɔl Aa Chwerɛ Rom Tena 15:27

Ba sie lɛo kɛŋɔ baa ta kwaa la. Kasinteŋ, baa won jam Jerusalam Korowii nɛra la ka tonɛ, dɛkalkɛŋɔ ɡɛ Korowii aa cha Israel tena asɛ nɛra baa wola Israel tena ɛɛ di ba tɔnɔ la, ɡɛɛ a chɛ kɛ dɛ nɛra baa wola Israel tena ɛɛ la ɡe dɔ harɛ bonɔ kwaa aa, Israel tena ɡe di ba tɔnɔ.

Tɔn Pɔɔl Aa Chwerɛ Rom Tena 16:12

N dɛ na n nimambii Trefiina ne Trefosa ba bwa aa dɛ ɛ ya Dɔɔ Yeesu toma nɔ la. Hé ŋɔ n nimambie Pɛɛsis nomɛlbwa aa dɛ nyin o waa la be ŋɔ n dɛ nao. O ɡe koh ya Dɔɔ Yeesu toma nɔ ta ɡa.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

1 Kɔrent 16:16

Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa.

1 Kɔrent 3:9

Korowiirii dɔ yaa, ya ne o pɛ dɛɛ ɛ toma. Asɛ he ɡe do kɛŋɔ o koo waa dɛ parɛ, ne o dea waa dɛ do.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 6:6

Nomɛlbwa baa dɛ baɡlo Yeesu Kristo waa nɔ la, kondɛɛɡe bɛlbwa haa dɔ la, tɛ naate waa dɛ baɡle la.

Mmarare 18:8

Gɛ del ba bala la aa dɛ dɔ la, ɡɛ tentenee chɛ kɛŋɔ ó ɡe dɔ, hale dɛ suuɡaa o dɔ le o mɛɛ kɛɛ o nya kwaa waa yoɡa ta noo.”

Felepae 2:16

Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

Felepae 2:29

Hé kpɔ silɛɛ dɛ́ lɛo, teŋa he ne o bwa aa dɛ teŋɛ ya Dɔɔ nɛɛ la nomanta. Hɛ́ɛ duu nɛra baa do kɛŋɔ on.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

1 Timoti 3:5

Dɛ nɛn aa won o haah ne bii nyiŋi aa, ɛrɛɛ wɛɛ ba ɛɛ dɛ́ won nyiŋi asɔre tena nɛɔ?

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

1 Timoti 4:14

Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

1 Timoti 5:19

Dɛ nomɛl ba he be dɛ ba kpɔ waa dɛ dawɛ asɔre nomoa bɛl aa, bɛ no nemenɛ nɛn nɛɛte ne toorote baa di danseɛ kɛ waa la ɛ kasinteŋ mɔɔ he no dɛ́ kpɔ ɛ wa.

1 Timoti 5:3

Haahna ba jaranar aa serewa baa wola nomɛlbwa dɔe ó nyiŋi ba nɛɛ la, dɛɛ duu ba dɛɛ cha ba.

2 Timoti 2:6

Paa waa dɛ swɛɛ siwi o koo toma ta laanee chɛ kɛ o di koo la kondikonloɡla.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Hibru 13:24

Ya dɛ na he nomonome la bwa, ne Korowii nɛra la bwa. Yabala Itali harɛ tena la ɡe dɛ na heya.

Hibru 13:7

Hé nyiŋi he nomonome ba fa aa bol Korowii waa dɛɛ baɡle heyaa la. Hé nyiŋi ɡɛ ba fa aa teŋɛ Korowii ŋwɛnɛ ta dɛ ba serewe, dɛɛ yarada Korowii ɡɛ ba fa aa dɛ yaradao la.