Korowii ŋɔ, “Saayɔn haahna dɛ ɡɔɔ ba te, dɛ valɛ dɛ laa ba baŋa pa, dɛ kpɔ sie dɛɛ nyin baala. Ba dɛ valɛ tolvala naɡale bori ne, asɛ naloɡa baa kpɔa do ba nakpale la ɛɛ do ɡbɔɡa.”
Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.
Gɛ nɛra nɔɔ vala dɛɛ chaɡle nɛra ŋɔ aa were kɛ baa mo haah kɛɛ haah yalɛ la, dɛ berɛ ŋɔ kondikwaa ane aa were kɛŋɔ nɛra di la. Kɛ Korowiirii ta ɡɛ kondikwaa nɔ ŋɔ bánɔ la baa jemɛ kasinteŋ waa la dɛɛ yaradao la kpɔ jam tɛo dɛ́ dia.
Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.
Bɛ luhaah waa wola bene fifraanumɛl dɔe mɔɔ la kure ja luhaahna maa bol ba waa ŋɔ hɛ́ɛ cha ba dɛɛ nyiŋ ba la nɛ. Luhaah waa dɔ bene fifraanumɛl, waa wola baa bɛlbwa jemɛ ka ja o jaa nɛ,
Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.
dɛkalkɛŋɔ o ɡelɔ harɛ ta nɛra bwa wedoŋa ne ba pɛlchɔɡa dɛɛ ba kɛŋɔ sen, asɛ ba waa fuh Korowii baah. Harɛ nɔ ta koranar ne o bɔ jwamane. O kondɔɔh kwaa nyina kohona nomanta, harɛ nɔ ta bonadiire cheɡɛ o nɛɛ dɛ dɛɡ.”
Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.