1 Timoti 4:7 - mzwDBL

⁷ Laa he te kpɔ wobosale aa wola Korowii waa ɛɛ nɛra ɛɛ nyin a bola la ta, dɛ swɛɛ siwi hweli ɡɛ haa dɛɛ teŋɛ Korowii waa la ta.

1 Timoti 4:7 ပူးပေါင်းရင်းမြစ်များ

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

1 Timoti 1:4

Ŋɔ ba bɛ ɡel nyosone la ne ɡɛ baa dɛ baɡle ba naanar leebɔra baa wola a nyoa na bwa la lɛ ba liire. Wetɔŋla ɡbo nee ɡɛ waa nɔ ɛɛ ba. Korowii toma ŋwɛnɛre laa baa baɡle la, dɛkalkɛ yarada ɡbo taa a che baa jemɛ Korowii toma ŋwɛnɛre.

1 Timoti 1:9

A chɛ kɛŋɔ hé jemɛ kɛŋɔ nɛndɛɛɡa waa laa ba koh dɛɛ do mmara, kɛ nɛra baa wola mmara ta teŋɛ la, ne deŋnekpeɡ tena, ne nɛra baa vɛh Korowii la, ne wechɔɡ-ɛɛra, ne nɛra baa wola Korowii tomɛ, baa wola on duu la, ne nɛra baa dɛ kpoo ba mɛɛnanar ne ba nyare, dɛ nɛra baa dɛ kpo nɛra bwa,

1 Timoti 2:10

Kɛ báa ɛ wedɛɛɡa kɛ haahna baa dɛ tomɛ Korowii. Ba wedɛɛɡa ɛɛ laanee dɛ́ ɡel ba do wer toli.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

1 Timoti 6:20

Hei, Timoti! Lawɛ waa la bwa Korowii aa kpɔa do he nɔn ta la bini kɛrɛdɛ. Laa he te kpɔ wesale nɛra aa dɛ bol a ne Korowii Waa aa wola kaa, ne ɡɛnewaa bane aa wola jemɛ dɛɛ yera wejema dɛ kpɔ dɛɛ tɔŋle kasinteŋ waa la ta,

1 Timoti 6:3

Nomɛlbwa waa dɛ chaɡle Korowii Wa, asɛ a korɛ ya Dɔɔ Yeesu Kristo kasinteŋ waa la ta, ne ɡɛ yaa dɛ chaɡle nɛra ŋwɛnɛ baa kpɔa dɛɛ tomɛ Korowii la ta la,

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

2 Timoti 2:16

Laa he te kpɔ nɛra baa dɛ bol wobosale a ne Korowii waa aa wola kaa la nɛ, dɛkalkɛ ɡɛ waa nɔ ɡelɔ nɛra ɛɛ le Korowii habɔɔ dɛ kaa ɛ anɔ la aa wola chɛɛ.

2 Timoti 2:23

Bɛ he te kpɔ dɛɛ jo ɡɛnewaa ne wesale tɔŋla ta. He ɡbabir jemɔ kɛ naɡra nee aa ba.

2 Timoti 3:12

Kasinteŋ, nomɛlbwa waa dɛ nyin kɛ o ne Yeesu Kristo pɛ o soɡa bini o waa su Korowii siwi la, baa ɛo hɔhɔrɔwaa.

2 Timoti 3:5

Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.

2 Timoti 4:4

dɛ́ laa ba deŋne kpɔ kasinteŋ waa la ta, dɛ́ kaa no nyosonwa.

Taetos 1:14

Ŋɔ ba bɛ deŋne cheɡ dɛɛ no Juu tena waa aa ɛ nyosone la, ne waa nɛra baa vɛh kasinteŋ waa la aa ŋɔa báa ɛ la.

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Taetos 3:9

Kɛ laa he te kpɔ ɡɛne wetɔŋla ne ɡɛ he naawa aa teŋɛ dɔŋa nɛɛ waa bini baɡla ta, ne naɡrenyin, ne Mmara ŋwɛnɛre waa tɔŋla ta. A ta tɔnɔ bɛlbwa dɔe. A ɛ wepuu.

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.