Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”
Damaskɔs bela la, dɛ baa bɛl lole baa yerɔ Ananias. Dɛ o ɛ nɛn waa dɛ tomɛ Korowii kɛrɛdɛ dɛɛ teŋɛ Mosis Mmara la ɡe ta kɛrɛdɛ, asɛ Juu tena baa lɔ bela la bwa ɛɛ tɛo duure kohona.
Anomanta, yabala, hé nyiŋi dɛ le he bini nɛra banuanɛ nɛra bwa aa jema kɛŋɔ ba ɛ nɛndɛɛɡa, asɛ ba we-ɛɛla ɛɛ baɡle kɛŋɔ Korowii Domadɛɛɡe la soɡe ba nɛɛ kpeɡri nɛɛ dɛ ɡel ba ɛ wejerema la, ásɛ ya kpɔ suuɡa waa nɔ do ba nɔn ta,
Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.
A chɛ kɛ ó ɛ nɛn waa kpɔ o te tɛ Korowii dɛ yaradao biɡri, ɡɛ aa ɛ nɛra waa tɔ ba sie la nomanta, o nyu bini bɛ on som ba do ó maŋkura o te kohona, ásɛ o ba jo Korowii nɛɛ ɡɛ Bɔnsam aa ɛa la.
Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.
Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.
dɛ́ dɔ nfɛrɛ kɛrɛdɛ, wedoŋa bɛlbwa aa wola toole ba nɛ, dɛ́ won ba dem tomare ɛɛ, dɛɛ ɛ nɛra wedɛɛɡa, dɛɛ no ba jaranar wa, ásɛ nomɛlbwa bɛ Korowii waa la wechɔɡe dɔ bol.
Gasi toole Demetreɔs ɡe nɛ. Nomɛlbwa dɛ bol o waa ɡa. Kasinteŋ la waa dɛ teŋɛ o ta la ɡe dɛ diu danseɛ. Ya ɡba dɛ diu danseɛ ɡɛ. He jemɔ kɛŋɔ yaa nyosone teŋe.