1 Timoti 3:6 - mzwDBL

⁶ A chɛ kɛ ó ɛ nɛn waa kpɔ o te tɛ Korowii dɛ yaradao biɡri, ɡɛ aa ɛ nɛra waa tɔ ba sie la nomanta, o nyu bini bɛ on som ba do ó maŋkura o te kohona, ásɛ o ba jo Korowii nɛɛ ɡɛ Bɔnsam aa ɛa la.

1 Timoti 3:6 ပူးပေါင်းရင်းမြစ်များ

2 Koranar 14:10

Na, he fa yo Edom tena dɛ pɔ ba nɛ, he nyu bini do he som, ɡel a maɡre he ne dɛ́ so he dem. Ɛrɛɛ hɛɛ nyin waa ba dawɛ ya nɛ, dɛ́ chɔɡ he kora ne Juda tena nɔɔ?”

2 Webena 26:16

Kɛ Kooro Ussia aa ba dɛ di kpeɡri la, mbarafo nomanta o cholo. O waa ta kasinteŋ dɔe tɛ Korowii waa dɛ tomɔ, dɛ ka jo Korowii Dea ŋɔ o ka fuh daawiile a sɔɔh aa soma kon baa dɛ fuah a ta la ta.

2 Webena 32:25

Kɛ mbarafo nomanta, o siwi ta waa Korowii aa ɛa tɛo la sui, anomanta, Korowii baah di o ne Juda ne Jerusalam tena nɛ.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Daneɛl 11:12

Ijipt kooro la ɛɛ maŋkura o te pɔe waa pɔ ba nɛɛ la waa, ne laa tena waa kpoo ba warɛ la, kɛ waa won teŋɛ dɛɛ pɔ o dɔma nɛɛ ɡɛ.

Amanesoma Luk Aa Chwera Tɔn 10:18

Belaa Yeesu chaŋ ba ŋɔ, “He pɔ Bɔnsam nɛ. N nao kɛŋɔ waa le nyundua ba le harɛ kerabeŋkpoŋ kɛŋɔ bwaala aa nyɛɡla ken.

1 Kɔrent 3:1

Yabala, n fa ta wone bol waa baɡle heyaa kɛrɛdɛ ɡɛ maa dɛ baɡle nɛra Korowii Domadɛɛɡe aa chaah ba sie la. N bola tɛ heyaa kɛ nɛra ba taa dɛ teŋɛ ba nɛwɛnyini mar waa ta, dɛkalkɛŋɔ he do kɛŋɔ bechale ken Yeesu Kristo waa la ta.

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

Mmarare 17:20

Gɛɛ dɛ́ ɡel ó jemɛ kɛŋɔ o ta o bala Israel tena ɡwaalɛ. O bɛ tɔn la waa la ane laa kpɔ, dɛ bɛ ane ɡe kpɔ ja, ásɛ a ɡel o ne o naanar di kora dɛɛ biɡri Israel harɛ ta.”

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

1 Timoti 3:7

A chɛ kɛ ó ɛ nɛn nɛra baa wola asɔre tena ɛɛ kwara aa dɛ yerɛ o sɔndɛɛɡe, asɛ o bɛ sihiih waane ba ɛ dɛ́ le Bɔnsam bel ta.

1 Timoti 6:4

naate dɛ maŋkura o te pɛɛpɛɛ. Waa wobɛlbwa jemɛ. Wetɔŋla dɛ weo choɡla, asɛ wetama bɛlbwa dɛ o dɛ vuuɡa. Gɛ waa nɔɔ dɛɛ ba bɔweela ne naɡra ne dɔŋa chɛɡra ne liichɔɡa ne la.

2 Timoti 3:4

Baa ɛ bwɛpaɡre nɛraa, ba sie ɛɛ do wɔrɔbee, dɛɛ maŋkura ba te. Baa kpɔ silɛɛ kwaa ɡwaa Korowii.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

2 Pita 2:4

Nyundua toroma ba fa aa ɛ wechɔɡa la, Korowii ta ban ɡelɛ. O kpɔ ba ta deŋnetɛra bɔr waa ɛ bɔluŋluŋ dɛ bir kpirikpiri la dɛ ka tel awola waa ba bol nɛra bwa waa dɛ́ pa bole la.

Tɔn Jud Aa Chwera 1:6

Nyundua toroma ɡe aa wola ɡelɛ bela Korowii aa tɛɛ ba ŋɔ bá di kpeɡri maɡre ba ne, dɛ́ le ba dobɔr la, ó tɔ ba do biro ta, dɛ́ do ba jɔɡrɔre waa wola ban foo ta bwa, dɛ́ ka tel kɛŋɔ o tɔpejen waa dɛ ba nɛra waa bola dɛ́ pa bole la.