1 Timoti 3:16 - mzwDBL

¹⁶ Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

1 Timoti 3:16 ပူးပေါင်းရင်းမြစ်များ

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Matiu 28:2

Kerabeŋkpoŋ dɛ Korowii nyundua torome bɛl le nyundua tu harɛ, asɛ harɛ jiɡri kohona. O la bɔɔ la ta dɛ ka ɡbili bwejen la le o nyoa, dɛ so o ta.

Matiu 3:16

Waa sɔɔ Korowii nee la tonɛ la, Yeesu le nee la ta dɛ ba che baŋ. Nyundua pilo, asɛ o na Korowii Domadɛɛɡe o do kɛŋɔ borɔnoma ken dɛ ba so o nɛ.

Matiu 4:11

Anee Bɔnsam ɡelo dɛ kaa, asɛ nyundua toroma ba chao.

Amanesoma Mak Aa Chwera Tɔn 1:13

bela kpɔɡ bini olchɔɡa aa lole, asɛ o do bela tɔpera fifraanaarɛ. Dɛ Bɔnsam dɛ ba o be bela dɛ baa daahno dɛɛ na kɛŋɔ o fe charɛ nyoa. Dɛ nyundua toroma ɡe dɛ ba o be dɛ baa chao.

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Amanesoma Mak Aa Chwera Tɔn 16:5

Baa jo bɔɔ la bini dɛ bonɔɔ bɛl soɡe diɡ pera, dɛ do wurpoŋ, asɛ ba bwara yɔr.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Luk Aa Chwera Tɔn 20:44

Devid fa aa dɛ yerɔ o Dɔɔ nɔ, aah dɛ ɛrɛɛ Kristo la berɛ ɛ dɛ ɛ Devid naa ɔ?”

Amanesoma Luk Aa Chwera Tɔn 22:43

Asɛ nyundua torome den ba o be dɛ ba doo ɡbemba.

Amanesoma Luk Aa Chwera Tɔn 24:4

Ba nyoa aa kpoa ba che bela la, dɛ baala banɛ bane baa do laalapoŋa aa nyɛɡle al-al ken denɔ ba che ba jwɛh.

Amanesoma Luk Aa Chwera Tɔn 24:51

O Korowii soŋa dɛ tɛɛ ba ta la, o le ba jwɛh, asɛ Korowii kpɔɔ kaa nyundua.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 15:26

Mɛɛ tomɛ Habɔchekpaa laanee o le n Mɛɛ be dɛ́ ba he be. Onee Korowii Domadɛɛɡe waa dɛ baɡle Korowii kasinteŋ waa la. Dɛ o balaa, onee dɛ́ ɛ n danseɛ.

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 17:5

Anomanta, n Mɛɛ, maa cheɡɛ he sie taraken nɔ, tɛ mɛ jirima n ne haa dɔa wubwa mɔɔ dɛ ta harɛ nɔ la.

Amanesoma Jɔn Aa Chwera Tɔn 20:12

asɛ dɛ na nyundua toroma banɛ. Ba do kompoŋa so bela baa kpɔ Yeesu lale bil la. Bɛl soɡe o nyu bɔr, asɛ bɛl so o nakpale bɔr.

Amanesoma Jɔn Aa Chwera Tɔn 6:62

Dɛ he fe na Men Nɛn Bie la n berɛ dɛɛ kaa nyundua bela maa lea ba la ɡe sɛ?

We-ɛɛla 1:19

Jerusalam tena bwa no o seo la wa. Anomanta, ba pa a ɡɛ harɛ la sɔn ba wobol ta Akɛldama. O munii Chal Harɛ.

We-ɛɛla 10:34

Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 10:18

Mɛɛ bɔɔ heyaa webeŋkpoŋii. Kpelaa kɛŋɔ ba ta noɛ yaa? Ba noɔ, dɛkalkɛŋɔ Korowii Tɔn bolɔ ŋɔ, “Ba waa baa dɛ bol la la harɛ ta bobɛlbwa nɛra aa lole, a tel harɛ jaɡa bwa.”

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Tɔn Pɔɔl Aa Chwerɛ Rom Tena 3:4

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

Tɔn Pɔɔl Aa Chwerɛ Rom Tena 9:5

Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.

1 Kɔrent 15:47

Nɛnloɡle la, ba mao tee ne o ɛ harɛ nɛn. Asɛ nɛɛte la ɡe le nyundua.

1 Kɔrent 2:7

Korowii wejema waa yaa baɡle. A fa sɔɔh, nɛwɛnyini fa aa wola a waa jemɛ. A ɛ waa Korowii aa ɛa cheɡ yaa mɔɔ dɛ ta harɛ nɔ, ásɛ a ba cha yaa ya dɔ jirima.

2 Kɔrent 1:19

Korowii Bie Yeesu Kristo la n ne Silvanos ne Timoti aa baɡle o waa he be la dɔ kasinteŋ. O ta dɔe kɛŋɔ o ŋɔ ɔɔh, dɛ berɛ le habɔɔ dɛ ŋɔ ɔɔhɔh. O te bol wa aa, dɛ o bolɔ.

Galaasia 2:8

Dɛkalkɛŋɔ ɡɛ Korowii aa baɡle o kpeɡri Yeesu torome Pita nɛɛ wɛɛ tomɛ Juu tena bini la, ɡɛɛ o baɡle o kpeɡri men maa ɛ Yeesu torome nɔ nɛɛ mɛɛ tomɛ nɛra baa wola Juu tena ɛɛ bini.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

Ɛfesos 1:9

Gɛ bwa Korowii aa ɛ Yeesu Kristo waa cheɡ o tetoora ta a fa sɔh yaa la, o berɔ pili a bwa bini tɛ yaa ya won jemɛ ɡɛ aa su o siwi o cheɡa ɡɛ saŋ la,

Ɛfesos 6:19

Hɛ́ɛ soŋo dɛɛ tɛ n ɡe, ásɛ dɛ n dɛ ba waa bola aa, ń dɔ waa dɛɛ bol, dɛ́ dɔ bambile dɛ́ won pili o wesɔɔhla la le Amanesoma la bini.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

2 Tesalonika 1:10

Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.

2 Tesalonika 2:7

Wechɔɡa dɔɔ ba taraken, kɛ aa won dɔ bɔr kohona, nemenɛ kon la waa tɔa ŋwɛnɛ la le mɔɔ.

1 Timoti 3:9

A chɛ kɛ bá kpoŋe Korowii wesɔɔhla waa waa ɡela ya jemɛ la bini kiŋkiŋ, dɛɛ ɛ waa baa naa kɛ a toɡrɔ.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 7:7

Ya bwa jemɔ kɛŋɔ nomoaa sweera dɛɛ tɛ bechala.

Hibru 8:1

Waa yaa dɛ bol laanee kɛŋɔ ya dɔ Sɔfonomoa. O soɡe nomombɔr Korowijen kookara la jwɛɛh nyundua.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

1 Pita 1:20

Korowii aa leo ŋɔ ó ɛ a ɡɛ toma nɔ, dɛ ba ta nyundua ne harɛ tae mɔɔ. Kɛ he waa o koh dɛ ɡel o ba harɛ nɛra nao, tɔpera aa ka mun nɔ ta la.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

1 Jɔn 1:2

O fa lɔ Korowii be dɛ berɛ ba ɛ nɛn, asɛ ya nao. Anomanta, ya dɛ bol o waa he be kɛŋɔ Yeesu Kristo waa ɛ saŋ bɛlbwa mkpa dɛ faa do o Mɛɛ be la, o ba ya be ya jemɔ.

1 Jɔn 3:5

He jemɔ kɛŋɔ Yeesu Kristo ba harɛ nɔ ta, ásɛ dɛ ba laa wechɔɡa kpɔ, dɛ́ tɔ a ŋwɛnɛ. O te, dɛ wechɔɡa toole o nɛ.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.

Wepila 17:7

Nyundua torome la pɛɛ mɛ ŋɔ, “Ɛrɛɛ he nyoa kpo nɔɔ? Mɛɛ pili haah nɔ ne olchɔɡe la waa soɡe o ta o dɔ nyuune anuanɛ ne nyeɡlare fi la waane aa sɔah binii baɡle.

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,