1 Timoti 3:11 - mzwDBL

¹¹ Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.

1 Timoti 3:11 ပူးပေါင်းရင်းမြစ်များ

Yela 101:5

Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

Yela 15:3

nɛn waa wola o dɔŋ wechɔɡe bol, nɛn waa wola o dɔŋ wechɔɡa ɛ, dɛ nɛn waa wola o dɔŋ waa kpɔe dɛɛ perɛ,

Yela 50:20

He won soɡa dɛɛ bol he dɔŋa bwara wechɔɡa, dɛɛ chɔɡ he ɡbaɡba nyabii.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Sɛɡla 25:13

Torome baa tomɔ o la dɛ baa bol kasinteŋ nɛn waa tomɔ be la, do kɛŋɔ nee aa dɛ sɔɔh baah, kwaa koma saŋ bɔr aa wɔba la ken.

Jeremia 9:4

Hɛ́ɛ nyiŋi he daamanar kɛrɛdɛ, dɛɛ berɛ he hwɛɡa kpɔe do he lolanar nɛ, dɛkalkɛ ba bɛlbwa ɛ nyosonteŋni, asɛ daamanar ɡe ɛɛ chɔɡ dɔŋa.

Ɛsekeɛl 44:22

Sɔfo ta chɛ kɛ ó mo luhaah kɛɛ haah o jaa aa vɛoh. Wɛɛ won mo Israel bihaah waa wola baa jemɛ, kɛɛ luhaah sɔfo aa sewa ɡelo.

Lewi Dea Tena 21:7

A ta chɛ kɛ sɔfo mo haah waa bɔ jwamane dɛ kah doŋa kɛɛ haah o jaa aa vɛoh. Dɛkalkɛ sɔfore ɛ nɛra baa do ɡoroŋ.

Matiu 4:1

Belaa Korowii Domadɛɛɡe la kpɔ Yeesu kaa pua hɛŋle ɡbo harɛ ta, ásɛ Bɔnsam daahno na.

Amanesoma Jɔn Aa Chwera Tɔn 6:70

Belaa Yeesu chaŋe ŋɔ, “Menee le he nɛra fi dɛ banɛ nɔ, kɛ he bini bɛl ɛ Bɔnsam nɛn.”

Tɔn Pɔɔl Aa Chwerɛ Rom Tena 1:29

Harɛ bini wechɔɡa nɔ bwaa baa ɛ, mur ne sibeɡra ne meesɔɔh, ne bɔweela ne nɛŋkpoa, ne naɡra ne dɔŋa neɡra, ne dɔŋa haeh dɛ nɛra ŋwala.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

1 Timoti 6:2

Nɛndɔɔla ba ne ba dɔɔranar bwa aa dɛ yarada Yeesu la bɛ koh kɛ ba ne ba bwa ɛ beŋkpoŋ nomanta, ba siwi ɛɛ sa ba. Ba tenee chɛ kɛ bá tomɛ ba dɔɔranar kɛrɛdɛ kwara, dɛkalkɛ ba dɔɔranar la bwa ɡe yarada Yeesu dɛɛ nyin dɔŋa. Bol ɡɛ waa nɔ baɡ ba, dɛ́ chaɡ ba a bini.

2 Timoti 3:3

Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Taetos 2:3

Ŋɔ hanjeni ɡe be báa ɔmɛ Korowii dɛ́ ɡel ba we-ɛɛla do kaih, dɛ bɛ nɛra dɛɛ ŋwalɛ, dɛ bɛ ɡel sen lɛ ba liire. Báa baɡle waa aa wera.

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.