1 Timoti 1:20 - mzwDBL

²⁰ Banɔ la baa hora la bini banee Haemenayɔs ne Alɛksanda. N kpɔ ba do Bɔnsam nɔn ta, ásɛ ba jemɛ kɛŋɔ baa Korowii nɛnhɛla ɛ.

1 Timoti 1:20 ပူးပေါင်းရင်းမြစ်များ

Matiu 18:17

Dɛ he ne nɛra la laŋɔ o ŋɔ waa sɛh ja aa, kpɔ ka bil he bala bwa he ne ba aa dɛ cheme la sie. Dɛ o ŋɔ waa ba ɡe bee no aa, ɡel o waa tɛo kɛ nɛn waa wola Korowii tomɛ kɛɛ wechɔɡ-ɛɛ.

We-ɛɛla 13:45

Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.

We-ɛɛla 19:33

Bela Juu tena fe ɡelɔ ba bini bɛl baa dɛ yerɔ Alɛksanda la ir che, dɛ fe tɔh ba nyoa ŋɔ ba laa ba waa la ne. Anee o kpɔ nɔn ɛɡ ba ŋɔ bá tɔ nyoa, ásɛ o fe tɔh o bwɛɛ tena nyoa.

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

2 Kɔrent 10:6

N kpɔ n te dɛ so dɛɛ kpa, ásɛ he te dɔɔ ba no n be ka tonaa, n tɛr nɛra baa vɛah la deŋne.

2 Kɔrent 13:10

A waa n chwerɛ heyaa tɔn nɔ dɛ n ta he be balɛ mɔɔ la. N dɛ ɛ ɡɛ ásɛ dɛ bɛ sinyɛɡa ba kpɔ dɛɛ bol waa he be kpeɡri ya Dɔɔ la aa tɛ mɛ la ne. Korowii ŋɔ ń kpɔ a ɡɛ kpeɡri nɔ cha heya, o ta ŋɔe ŋɔ ń kpɔ chɔɡ heya.

2 Tesalonika 3:15

N ta ŋɔe ŋɔ hé kpɔɔ berɛ he dɔm te, kɛ hé jao kɛrɛdɛ kɛŋɔ ɡɛ haa dɛ ja he nimanar.

1 Timoti 5:15

Taraken ɡba, luhaahna bane dɔɔ le Yeesu Kristo habɔɔ dɛ ka teŋɛ Bɔnsam nɛɛ tonɛ.

2 Timoti 2:14

Dɛɛ lii nɛra ɡɛ waa nɔ, dɛ kah ba sibeɡra ne Korowii sie ŋɔ ba bɛ waa dɛɛ tɔŋle. Wetɔŋla ta tɔnɔ bɛlbwa dɔe. Nɛra liiree aa chɔɡ.

2 Timoti 2:17

Ba webaɡla dɛ yɛɛ dɛɛ chɔɡ nɛra, ɡɛ ŋwɛrchɔɡe yon yɛ dɛ́ chɔɡ nɛn bwadabii la. Haemenayɔs ne Faeletɔs ja ɡɛ nɛra baa dɛ ɛ ɡɛ waa nɔ nɛ.

2 Timoti 3:2

dɛkalkɛ nɛra ɛɛ dɛɛ nyin ba ɡbaɡbaa ɡwaa komɛlbwa, dɛɛ nyin suuɡa sibeɡra ne, dɛɛ ɛ mbarafo, dɛɛ ɛ jenu, dɛ bol waa dɛɛ yaɡɛ nɛra, dɛ ɛ deŋnekpeɡ tena baa wola ba eehnanar waa no, dɛ ɛ boniayɛ tena, dɛ ɛ ba te nɛndoŋa.

Hibru 12:5

He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ, “N bie, dɛ Korowii dɛ tɛr he deŋne aa, bɛ an wesale lii. Dɛ o dɛ toɡre naa, bɛ ɡel a hwah he bwara,

Wepila 13:1

A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.