1 Timoti 1:19 - mzwDBL

¹⁹ ásɛ dɛ kpoŋe Korowii yarada bini kiŋkiŋ, dɛɛ ɛ waa haa jema kɛ a toɡrɔ. Gɛɛ bane aa wola ɛɛ, asɛ ba ta wone yarada Korowii ka tonɛ dɛ horɛ la.

1 Timoti 1:19 ပူးပေါင်းရင်းမြစ်များ

Matiu 6:27

He bini umee dɛ́ won kpɔ sibeɡra ŋwɛnɛ bɛl ta, dɛ́ kpɔ tɔpebeŋkpoŋ ja o mkpa tɔpera ta nɔ?

1 Kɔrent 11:19

Aa ba ɡɛɛ. Dɛ a ta ɡɛ balaa, nɛra aa won jemɛ banɔ la baa ɛ nɛndɛɛɡa he bini.

Galaasia 5:4

He banɔ la haa dɛ nyin he che Mosis Mmara ta teŋa ta ásɛ dɛ ɛ nɛndɛɛɡa he waa su Korowii siwi la, he pere he te le Yeesu Kristo be. He ta nɛra Korowii aa sune ba nɛɛ la nɛɛ jae.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Timoti 3:9

A chɛ kɛ bá kpoŋe Korowii wesɔɔhla waa waa ɡela ya jemɛ la bini kiŋkiŋ, dɛɛ ɛ waa baa naa kɛ a toɡrɔ.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

1 Timoti 6:21

dɛkalkɛ ɡɛ waa nɔ taa bane teŋɛ dɛ nyoɡre Korowii kasinteŋ ŋwɛnɛ la. Ń Naa Korowii sune he nɛ, dɛ́ cha he bwa sekwaraa.

1 Timoti 6:9

Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

2 Timoti 2:18

Banee nyoɡre kasinteŋ waa la ŋwɛnɛ, dɛ kaa baɡle nɛra ŋɔ seo ta ira tɔpere la ɡarɔ, dɛɛ chɔɡ nɛra baa yarada Amanesoma la bane liire waa baa yaradaa la ta.

2 Timoti 4:4

dɛ́ laa ba deŋne kpɔ kasinteŋ waa la ta, dɛ́ kaa no nyosonwa.

Taetos 1:9

A chɛ kɛŋɔ wɛɛ teŋɛ Korowii kasinteŋ waa la ta ɡɛ ba fa aa baɡlo la, dɛ́ won dɛɛ baɡle Korowii waa aŋwɛnɛ ta nɛra be, ásɛ dɛ won dɛɛ ja ba, dɛ́ bol waa dɛɛ baɡle banɔ la baa dɛ tɔŋle kasinteŋ waa la, ásɛ ba ɡe jemɛ.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.

Wepila 3:8

N jemɛ he we-ɛɛla. Hɛ́ɛ no! N pili ŋwɛnɛ tɛ heya, nomɛlbwa aa won tɔɔ, dɛkalkɛŋɔ he kpeɡri aa kanɛ. Kɛ he wono dɛɛ teŋɛ n webaɡla ta. He ta tɔeh kɛ n ne he laa. He ta n nɛɛ teŋa ɡelɛ.