1 Timoti 1:17 - mzwDBL

¹⁷ Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

1 Timoti 1:17 ပူးပေါင်းရင်းမြစ်များ

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Yela 10:16

N Naa Korowii, henee kooro saŋ bɛlbwa dɛɛ la. Nɛra baa dɛ tomɛ voɡa ɛɛ heo le he harɛ ta.

Yela 106:48

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Gel nɛra bwa ŋɔ, “Aamen.” Hé kpɛɛ Korowii!

Yela 145:13

He kora dii ta jaɡa dɔe, hɛɛ di koraa saŋ bɛlbwaa dɛɛ la. N Naa Korowii, he waa dɔ kasinteŋ hɛɛ teŋɛ he nyobaɡa ta, dɛ dɔ nyina tɛ kwaa haa taa bwa.

Yela 41:13

Korowii Israel tena aa dɛ tomɔ laanee dɔ jam, le saŋ waa wola jaɡa dɔe dɛɛ la. Aamen!

Yela 45:1

Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.

Yela 45:6

He kora Korowii aa lea cheɡe, ɛɛ cheo saŋ bɛlbwa dɛɛ la, kasinteŋii hɛɛ ba kpɔe, dɛ́ nyiŋi he nɛra nɛ.

Yela 57:11

N Naa Korowii, ɡel ya na he kan haa doa nyundua, ásɛ he jirima tɔ harɛ nɔ ta bwa.

Yela 90:2

Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 5:44

He dɛ nyin sɔn dɔŋa be, kɛ a ta wehiah ɛɛ tɛ heyaa kɛŋɔ hé nyin sɔn Korowii te be. He do ken aa, ɛrɛɛ hɛɛ ba wona dɛ yarada mɛ nɔ?

Tɔn Pɔɔl Aa Chwerɛ Rom Tena 1:20

Dɛ́ le ɡɛ saŋ Korowii aa ta harɛ la, o bwara waa nɛwɛnyini aa wola wone dɛɛ na siwi ne, kɛŋɔ o kpeɡri aa wola jaɡa dɔe ne o dor bwa, o ɡelɔ nɛwɛnyini na a bwa. Nɛwɛnyini wono che Korowii kwaa waa taa ta, dɛ na o kpeɡri ne ɡɛ waa doa. Anomanta, nɛwɛnyini aa won ŋɔ baa jemɛ kɛ Korowii lole.

Tɔn Pɔɔl Aa Chwerɛ Rom Tena 1:23

Korowii te aa sewɛ bwa. Kɛ ba vɛh o toma, dɛɛ tomɛ kwaa ba ɡbaɡba aa kwaara a do kɛŋɔ nɛwɛnyini, kɛɛ jumbii, kɛɛ konaatena, kɛɛ kontuuɡa la.

Tɔn Pɔɔl Aa Chwerɛ Rom Tena 11:36

O ta nomɛlbwa kem dii, dɛkalkɛŋɔ on ta kon te bɛlbwa. O nɛɛ komɛlbwa che dɛ do le, o waa ɡee a do le. O chɛ jirima saŋ bɛlbwa. Aamen.

Tɔn Pɔɔl Aa Chwerɛ Rom Tena 16:27

Hé ɡel ya che Yeesu Kristo nɛɛ dɛ́ jam Korowii o ɡbo aa ɛ Korowii, dɛ ɡbo jemɛ wobɛlbwa la. O jirima aa tonɛ bwa! Aamen.

Tɔn Pɔɔl Aa Chwerɛ Rom Tena 2:10

Asɛ nɛra baa dɛ ɛ wedɛɛɡa la, Korowii ɛɛ ɡeloo ba dɔ jirima, dɛ́ kpɛɛ ba, dɛ́ tɛɛ ba bambisɔɔhna. Juu tenaa dɛ́ tɔ sie na anɔ bwa, nɛra baa wola Juu tena ɛɛ la ɡe jao.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Hibru 11:27

Waa dɛ yarada Korowii la waa waa wola Ijipt kooro bandia ɔmɛ dɛ le bela, a do kɛŋɔ waa dɛ na Korowii baa wola on na la ken, o ta habɔɔ berɛ.

Hibru 2:7

Tamaa kenii he ɡel nyundua toroma ɡwaalo. He ɡelɔ o dɔ jirima, asɛ komɛlbwa ɛɛ tɛo duure,

1 Pita 5:11

On chɛ kpeɡri aa wola jaɡa dɔe bwa. Aamen.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 4:12

Nomɛlbwa ta Korowii nae ka. Kɛ dɛ ya dɛ nyin dɔŋa aa, anee Korowii ɛɛ ba yaa lawɛ pɛl o nɛ, ásɛ o nyina la do ya be kɛrɛdɛ ka tonɛ.

Tɔn Jud Aa Chwera 1:25

o ɡboo Korowii ne ya Lɛɛ, ya Dɔɔ Yeesu Kristo nomanta. O chɛ jirima. O dɔŋ toole. Onee dɔ komɛlbwa kpeɡri, dɛ ɛ komɛlbwa Dɔɔ dɛ le saŋ la bwa ba le fini, dɛ dɔ a bwa saŋ bɛlbwa! Aamen.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 19:1

A habɔɔ la, n no waane Korowii doa kɛŋɔ nɛnlaa tenten ɡbɔɡa baa si, “Hé kpɛɛ N Naa Korowii! Onee lɛ nɛwɛnyina, on chɛ jirima, on dɔ kpeɡri bwa,

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Wepila 7:12

dɛɛ ŋɔ, “Aamen! Korowii chɛ kpɛɛra ne jirima ne jam ne duure. Onee dɔ wejema ne kpeɡri, ne bokpeɡa saŋ bɛlbwa. Aamen!”