1 Timoti 1:10 - mzwDBL

¹⁰ ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

1 Timoti 1:10 ပူးပေါင်းရင်းမြစ်များ

Mumpar 19:5

Asɛ ba ba bɔɔ Lɔt ŋɔ, “Leperaa hɔɔhra baa baa choɡe jɔmɔra nɔ ne la dɔɔ? Le ba ne tɛ yaa yá laɡ ba ka chɔ.”

Mumpar 37:27

Hé ɡel ya yoɡu tɛ Ismael tena nɔ dɛ bɛ o haakɛ lɛ, o ɛ ya nime, ya bini bɛlee.” Asɛ ba sɛh ɡɛ waa bola la ta.

Mumpar 40:15

Kpeɡri nee ba kpɔ mɛ le Hibru tena harɛ ta, dɛ ba n ne Ijipt bonɔ. Maa lɔ bonɔ ɡe nɔ, n ta waa maa ɛa a chɛ kɛ ba do mɛ dea nae.”

Kaala 20:7

He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Kaala 21:16

Nomɛlbwa waa ɡuɡri o dɔŋ dɛ lawɔ ka yoɡ, kɛɛ dɛ o ta lɔ o nɔn ta ba lawɔ waa, kpoe chɛ kɛ bá kpoo.

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Lewi Dea Tena 18:22

Bɛ he bandɔŋ lawɛ chɔ baa ne haah. A ɛ waa baa kia.

Lewi Dea Tena 20:13

Dɛ baa lawɛ o bandɔŋ chɔ kɛŋɔ baa ne haah naa, a ɛ waa baa kia, a chɛ kɛ bá kpoo ba. Ba sewɔ ɡe aa, ba wechɔɡa ɡure ba nyu ta.

Sekaria 5:4

Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Sekaria 8:17

he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Tɔn Pɔɔl Aa Chwerɛ Rom Tena 1:26

Ba ken ɛɛ nomanta, Korowii ta ba waa tɛɛ ba, asɛ baa ɛ ba pɛla waa aa ɛ sihiih kohona. Ba haahna kwaraa ne baala aa chɔ kpa, ba ne ba dɔŋa haahnaa dɛɛ chɔ baa ne haah.

Mmarare 24:7

Nomɛlbwa waa lawɛ o dɔŋ bokpeɡa ne, dɛ ɛo o yom kɛɛ dɛ yoɡu he na la, o chɛ kɛŋɔ hé kpoo, ásɛ ɡɛ wechɔɡa la le Israel harɛ ta.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

1 Timoti 6:3

Nomɛlbwa waa dɛ chaɡle Korowii Wa, asɛ a korɛ ya Dɔɔ Yeesu Kristo kasinteŋ waa la ta, ne ɡɛ yaa dɛ chaɡle nɛra ŋwɛnɛ baa kpɔa dɛɛ tomɛ Korowii la ta la,

2 Timoti 1:13

Lawɛ kasinteŋ waa maa chaɡle la bini kiŋkiŋ, dɛ́ teŋɛ a ta, dɛ́ so Korowii yarada ne nɛnnyin yaa dɔa le pɛɛ ya ne Yeesu Kristo aa pɛa ta la ta.

2 Timoti 4:3

Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la,

Taetos 1:13

Kpelaa o bol, anomanta, di ba kasinteŋkpeɡ ba jemɛ, ásɛ dɛ ɡel ɡɛ da la, dɛ́ baa teŋɛ Korowii waa aa ɛ kasinteŋ la ta.

Taetos 1:9

A chɛ kɛŋɔ wɛɛ teŋɛ Korowii kasinteŋ waa la ta ɡɛ ba fa aa baɡlo la, dɛ́ won dɛɛ baɡle Korowii waa aŋwɛnɛ ta nɛra be, ásɛ dɛ won dɛɛ ja ba, dɛ́ bol waa dɛɛ baɡle banɔ la baa dɛ tɔŋle kasinteŋ waa la, ásɛ ba ɡe jemɛ.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Wepila 18:13

ne konsɔɔhsoma bwa soo siwi, anɔ la baa dɛ fuh, ne anɔ la baa dɛ fɔɡle, ne sen, ne noo, ne mendɛɛɡa, ne mea, ne nae, ne peera, ne jaɡre, dɛ torɔɡore ba yon vɔwɛ pɛl la. Ba yoɡ nɛra ɡe kɛŋɔ kondɛɛra ken.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.