1 Tesalonika 5:12 - mzwDBL

¹² Yabala, ya dɛ soŋe heyaa kɛŋɔ hɛ́ɛ duu nɛra baa ɛ he nomonome dɛɛ ɛ Korowii toma nɔ dɛɛ ja heyaa la.

1 Tesalonika 5:12 ပူးပေါင်းရင်းမြစ်များ

Amanesoma Luk Aa Chwera Tɔn 10:7

Hé so a ɡɛ dem la ta, dɛɛ di ba kondikwaa baa dɛ di dɛ tɛ heyaa la ane, dɛkalkɛŋɔ tom-ɛɛ kembɔr chɛo. A ɡɛ dem la te habɔɔ, he bɛ le ka so dem bɛlbwa ta kpa.

Amanesoma Jɔn Aa Chwera Tɔn 4:38

N waa nɔ maa ɡela hɛɛ baɡle nɔ, a do kɛŋɔ maa ɡela hɛɛ komɛ kwaa bela haa wola parɛ la. Bane tɔ sie koh mɔɔ he baa na som la.”

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Tɔn Pɔɔl Aa Chwerɛ Rom Tena 16:12

N dɛ na n nimambii Trefiina ne Trefosa ba bwa aa dɛ ɛ ya Dɔɔ Yeesu toma nɔ la. Hé ŋɔ n nimambie Pɛɛsis nomɛlbwa aa dɛ nyin o waa la be ŋɔ n dɛ nao. O ɡe koh ya Dɔɔ Yeesu toma nɔ ta ɡa.

Tɔn Pɔɔl Aa Chwerɛ Rom Tena 16:6

N dɛ na Mɛɛre waa dɛ ɛ toma he bini ɡa la.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

1 Kɔrent 16:16

Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa.

1 Kɔrent 16:18

dɛ ba do mɛ ɡbemba taeh, dɛ do he ɡe ɡbemba. Hɛ́ɛ duu nɛra baa do ken nɔ.

1 Kɔrent 3:9

Korowiirii dɔ yaa, ya ne o pɛ dɛɛ ɛ toma. Asɛ he ɡe do kɛŋɔ o koo waa dɛ parɛ, ne o dea waa dɛ do.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Kɔrent 5:9

Anomanta, ya bwadabii nɔ binii ya do oo, ya Dɔɔ bee ya do oo, ya dɛ nyin ya waa bwa won su o siwi,

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 4:11

He waa dɛ we n nɛ. Amɔ toma maa ɛa he be la bwa ɛ pɛɛ aa?

Felepae 2:16

Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

Felepae 2:19

Dɛ ya Dɔɔ Yeesu sɛoh waa, mɛɛ tomɛ Timoti he bee taraken ó ba na heya, dɛ́ ba bol he waa n be ásɛ n baah sɔɔh mɛ.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

1 Tesalonika 2:9

Yabala, haa ya toma ne ya koeh la waa lii kɛɛ? Ya ɛ toma chɔɔ ne jwaana bwa, ásɛ ya bɛ he bɛlbwa koeh do ɡɛ saŋ yaa lɔ he be dɛ bol Korowii Amanesoma la dɛɛ baɡle heyaa la.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

1 Timoti 5:1

Dɛ baa waa ɡwaale nomoa ɛ waane aa wola weraa, bɛ o nɛɛ nyɛɡ, kɛ bol waa baɡlo kɛŋɔ he ɡbaɡba mɛɛ, ásɛ dɛɛ ɛ bibaala haa ɛ nomoa ka tɛɛ ba la ɡe kɛŋɔ he ɡbaɡba nimanar,

1 Timoti 5:20

Dɛ bɛl ɛ wechɔɡa aa, yerɔ cheme asɔre tena la bwa sie dɛ́ kaoh. He ɛ ɡɛ naa, nɛra baa lɔ bela dɛ na la ɛɛ ɔmɔɔ dɛ laa ba te dɛɛ kpɔ wechɔɡa ta.

2 Timoti 2:6

Paa waa dɛ swɛɛ siwi o koo toma ta laanee chɛ kɛ o di koo la kondikonloɡla.

Taetos 1:3

Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.

Taetos 1:5

N ɡele Kret harɛ ásɛ he tonɛ waa aa hiah kɛ he ɛ la bwa, dɛ́ cheɡ nomonome asɔrere aa lɔ bwɛɛre la bɛlbwa ta ɡɛ maa baɡle la.

Taetos 2:15

Baɡ ba ɡɛ waa nɔ bwa, dɛ́ kpɔ he kpeɡri do ba ɡbemba, dɛ́ ja ba, dɛ́ bɛ ɡel ba bɛlbwa nyiŋi he nyubaah.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Hibru 13:7

Hé nyiŋi he nomonome ba fa aa bol Korowii waa dɛɛ baɡle heyaa la. Hé nyiŋi ɡɛ ba fa aa teŋɛ Korowii ŋwɛnɛ ta dɛ ba serewe, dɛɛ yarada Korowii ɡɛ ba fa aa dɛ yaradao la.

Wepila 1:20

Weweela anuanɛ haa naa a do n nɔndiɡ ta la, ne suuɡaswɛm kandea daa anuanɛ la, n dɛ baɡle a mun dɛ tɛɛ. Weweela anuanɛ la ɛ nyundua toroma baa cheɡa tɛ asɔrere bele anuanɛ aa lɔ bwɛɛre anuanɛ la ta la. Kandea daa anuanɛ la ɡe cheɡɔ tɛ asɔrere anuanɛ la.”

Wepila 2:12

Tɔn nɔ dɛ kaa nyundua torome waa cheɡa tɛ asɔre tena baa lɔ Pɛɛɡamɔm la be. “Kenii men maa dɔ tokobijen o sie aa ɛ anɛ dɛ do nyɛɡre la ŋɔ,

Wepila 2:18

Tɔn nɔ dɛ kaa nyundua torome waa cheɡa tɛ asɔre tena baa lɔ Tiatra la be. “Kenii men maa ɛ Korowii Bie, dɛ dɔ sibie a do kɛŋɔ ninlao, dɛ dɔ nakpale kɛŋɔ ayaawa la ŋɔ,

Wepila 2:3

He lawɛ bambile dɛ koh n waa dɛ na wahala, kɛ dɛ ta lawɛ a bini.

Wepila 2:8

Tɔn nɔ dɛ kaa nyundua torome waa cheɡa tɛ asɔre tena baa lɔ Smɛɛna la be. “Kenii men maa ɛ komɛlbwa Sitɔɔ ne a Muŋkaa, dɛ sewɛ, dɛ ir la ŋɔ,

Wepila 3:1

Tɔn nɔ dɛ kaa nyundua torome waa cheɡa tɛ asɔre tena baa lɔ Saades la be. “Men maa dɔ Korowii Domare anuanɛ ne weweela anuanɛ la ŋɔ, N jemɛ he we-ɛɛla. Nɛra jemɔ kɛŋɔ he soɡe le bokpeɡa ta, kɛ he sewɔ. He kpeɡri haa dɔa dɛɛ teŋɛ n nɛɛ la nyoa dɛ sɔɔh.

Wepila 3:14

Tɔn nɔ dɛ kaa nyundua torome waa cheɡa tɛ asɔre tena baa lɔ Laodisia la be. “Kenii men maa ɛ Aamen, dɛ che tɛ Korowii, n waa dɔ kasinteŋ, Korowii che n nɛɛ ta komɛlbwa la ŋɔ,

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,