1 Tesalonika 4:4 - mzwDBL

⁴ Báa bɛlbwa nyiŋi kɛrɛdɛ kɛ wɛɛ mo haahnee ŋwɛnɛdɛɛɡe ta.

1 Tesalonika 4:4 ပူးပေါင်းရင်းမြစ်များ

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 1:24

Anomanta, Korowii ta ba waa tɛɛ ba, asɛ baa ɛ wedoŋa ba bambile aa lawa, dɛɛ chɔ baala ne haahna aa wola Korowii ŋwɛnɛ ta ɛɛ.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 6:19

He waa mun noe jaŋne, a waa n kpɔ waa haa dɛ noa tɔpere bɛlbwa dɛɛ baɡle heyaa waa la. Gɛ he fa aa teŋa dɛ kpɔ he te do wedoŋa ta wubwa dɛɛ ɛ wechɔɡa la, ɡɛɛ a chɛ kɛŋɔ hé berɛ kpɔ he te do wedɛɛɡa ta, ásɛ he waa do ɡoroŋ.

1 Kɔrent 6:15

Haa jemɛ kɛŋɔ he bwadabii ɛ Yeesu Kristo bwadabii pera kɛɛ? Dɛ ɡɛɛ a do te naa, amɔ a chɛ kɛŋɔ ń kpɔ n bwadabii waa ɛ Yeesu bwadabii pera la ka bɔ jwamane aa? Akai! He bɛ ɡel a ba ɡɛ.

1 Kɔrent 7:2

Kɛ jwamane aa wara la nomanta, a chɛ kɛŋɔ baa bɛlbwa dɔ o haah, ásɛ haah bɛlbwa ɡe dɔ o jaa.

1 Kɔrent 7:9

Dɛ bɛlbwa nao kɛŋɔ waa won haŋre dɛ́ ɡbo so te naa, amɔ ó mo haah kɛɛ ó yalɛ. A bɔ kɛŋɔ haah kɛɛ baa pɛla aa dɔe aa we he nɛɛ kohona.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

Felepae 4:8

Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

1 Pita 3:7

Baala ɡe, ɡɛɛ a chɛ kɛ he dɔ liire he ne he haahna soɡa bini, dɛ́ jemɛ kɛŋɔ baa kpeɡe kɛŋɔ heya. Hɛ́ɛ duu ba, dɛkalkɛŋɔ he ne ba bwaa dɛɛ ba Korowii mkpa waa cha heyaa hɛɛ ba dɔe la dɔe. Hɛ́ɛ ɛ ken ásɛ wobɛlbwa bɛ he Korowii soŋa ŋwɛnɛ tɔ.

1 Samoɛl 21:5

Devid ŋɔ, “Kasinteŋ, n ne laa tena nɔ dɛ kaa wepɛɛ ta kwaraa naa, ba laa ba te dɛɛ kpɔ haahna chɔe ta, doŋa bɛlbwa le ba nɛ, ń baa bol waa aa hiah dɛ do ken nɔ.”