1 Tesalonika 4:13 - mzwDBL

¹³ Yabala, ya dɛ nyin kɛ ya bol yabala baa serewa la wa, ásɛ he tea bini bɛ chɔɡ kohona kɛŋɔ nɛra baa kaa, baa wola hwɛɡa dɔe kɛŋɔ yaa ir seo taa la.

1 Tesalonika 4:13 ပူးပေါင်းရင်းမြစ်များ

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

1 Tesalonika 5:10

Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ.

1 Tesalonika 4:15

Ya Dɔɔ la waa waa bolaa nɔ. Ya banɔ la yaa so le dɛ ka tel ɡɛ saŋ ya Dɔɔ la aa ba la, yaa yabala baa serewa la siee tɔ kaa ya Dɔɔ be,

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

2 Pita 3:4

Baa dɛɛ bɔɔ heyaa ŋɔ, “Korowii aa baɡɛ nyoa ŋɔ Yeesu ɛɛ berɔɔ ba ja la, lee o dɔɔ?” Dɛ ŋɔ, “Ya mɛɛnanar bwa serewɔ, dɛ o ta balɛ mɔɔ. Gɛ harɛ nɔ aa doa o mumpar la, ɡɛɛ o ta do.”

1 Kɔrent 15:6

mɔɔ o habɔɔ nɛra lafraanue la ɡe nao kerabeŋkpoŋ. Ba ɡalɡa ta lole ba le fini, bane ɡe serewe.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

Ɛsekeɛl 37:11

Ate, Korowii ŋɔ n be ŋɔ, “Nɛwɛnyini bie, Israel tena bwa do kɛ hoɡa nɔ. Ba dɛ bol ŋɔ ya hoɡa bwa loɡao, ya ta hwɛɡa bɛlbwa dɔe, ya toole wobɛlbwa bini.

2 Kɔrent 1:8

Yabala, ya dɛ nyin he jemɛ wahala yaa naa Eesia harɛ la wa. Dɛ a kan dɛ ɡwaa ya nɛɛ kohona. Dɛ yaa lii kɛŋɔ yaa le a nyoa bokpeɡa binii.

1 Kɔrent 10:1

Yabala, n dɛ nyin kɛ ń lii heya, ya naawa bwa nɛɛ Korowii bam la faa tɔ. Moo la aa teŋa la, ba bwaa kpɔ o baah kaa.

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Amanesoma Jɔn Aa Chwera Tɔn 11:24

Anee Maata ŋɔ, “N jemɔ kɛ tɔpera bwa jaɡa wee la lala bwa aa ir seo ta la, o ɡee iruu.”

2 Pita 3:8

N dandɛɛɡa, he jemɛ kɛŋɔ tɔpebeŋkpoŋ ne bene kaɡboŋ bwa beŋkpoŋ Korowii be. Beŋkpoŋii a bwa o te be.

We-ɛɛla 8:2

Nɛra baa dɛ ɔmɛ Korowiirii kaa huɡe Steeven dɛ wiu kɛrɛdɛ.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

1 Koranar 2:10

Asɛ Kooro Devid chɔ o banɔn ta ba huɡo Jerusalam Kooro Devid Bwɛjen ta o ka pu o naawa.

1 Koranar 1:21

Dɛ ɡɛ laa aa, he seo habɔɔ la, baa ɛ n ne n bie Solomɔnee kɛŋɔ nɛnchɔɡa ken.”

Lewi Dea Tena 19:28

He bɛ lala waa koh, dɛ́ mɔne he bwara kɛɛ dɛ́ do he bwadabii ɡwine. Men Korowiirii bola.

Matiu 27:52

lalbɔɔne pili, asɛ Korowii nɛra baa serewa kɛrɛdɛ ir seo ta.

1 Kɔrent 12:1

Yabala, n dɛ nyin kɛŋɔ hé jemɛ kpeɡri Korowii Domadɛɛɡe aa dɛ cha yaa ya dɔ la bini kɛrɛdɛ.

Job Tɔn 1:21

dɛ ŋɔ, “Ba lol mɛ mumɡbal, mumɡbal nee n berɛ dɛɛ ba kaala. Korowiirii dɛɛ tɛ, onee dɛɛ lɛ. Hé ɡel ya kpɛɛ o sɔn.”

2 Samoɛl 18:33

Ate, dɛ kooro soɡo dɛɛ chel. O cheɡɛ doonyoa la nyundua dɛ kaa dea dɛ ka wi. Waa dɛ kaa la, dɛ o dɛ wi ŋɔ, “N bidɛɛɡe, Absalɔm, menee fe sewa sɛ?”

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

1 Tesalonika 4:14

Ya yaradao kɛ Yeesu sewɔ dɛ ir. Gɛ tentenee yaa yarada kɛŋɔ Korowii dɛ ba banɔ la baa yarada Yeesu mɔɔ dɛ serewe la kpɔe dɛ́ ja Yeesu nɛɛ ba ne o ba ɡɛ saŋ waa ba la.

1 Tesalonika 5:6

Anomanta, ya bɛ bɔhwaah ɛ kɛŋɔ bane aa dɛ ɛ la, kɛ hé ɡel ya sie chɔ harɛ yaa nyiŋi kɛrɛdɛ.

Lewi Dea Tena 21:2

nemenɛ o lole tenten kɛŋɔ nya ne mɛɛ, ne o bihaah kɛɛ bibaa, dɛ nime bibaa kɛɛ dɔɔ,