1 Tesalonika 4:11 - mzwDBL

¹¹ Hé takapɔ dɛ́ ɛ he te nɛŋɡwɛɡra dɛ bɛ nɛra waa ta dɛɛ jo. Hé kpɔ he bokpeɡa ɛ toma, dɛ bɛ he te kpɔ dɛɛ dawɛ nɛra nɛ, ɡɛ yaa ŋɔ he be wubwa la.

1 Tesalonika 4:11 ပူးပေါင်းရင်းမြစ်များ

Sɛɡla 17:1

Kondikonchwee bosɔɔhna aa lɔ a ta, ɡwaa kondikondɛɛɡa naɡra aa lɔ a ta.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Wejereme 4:6

He dɔ kondikwaa nɔndel di deŋnesɔɔhna ta, ɡwaa haa koah kohona, dɛ dɔa nɔndela anɛ di. A bwa ɛ wepuu, kɛŋɔ nɛn waa dɛ loo vii habɔɔ, dɛ ɡel o bini la ken.

Wiile 3:26

anomanta, a wer kɛŋɔ nɛn lawɛ bambile dɛɛ kpa lɛɛ waa ba lɛ nɛra la.

Amanesoma Mak Aa Chwera Tɔn 13:34

Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.

We-ɛɛla 18:3

dɛ so ba be dɛ ɛ toma, dɛkalkɛŋɔ dɛ ɡbansaba toma o fa aa dɛ ɛ wubwa laanee baa ɛ.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Tɔn Pɔɔl Aa Chwerɛ Rom Tena 12:11

Hé laa bɔhwaah kpɔ he waa bini, dɛ́ do ɡbemba dɛɛ tomɛ ya Dɔɔ Yeesu Kristo.

Tɔn Pɔɔl Aa Chwerɛ Rom Tena 15:20

N ɛ n liire wubwa kɛŋɔ mɛɛ bol Yeesu Kristo Amanesoma nɔɔ. Kɛ harɛre baa bol o waa a ta la, a ta laa mɛɛ bola. A waa laa aa, dɛ nomɛl toma waa pa a mun cheɡ la taa n kpɔ dɛɛ choŋi la.

1 Kɔrent 4:12

Ya bokpeɡa taa yaa di. Nɛra hah yaa dɛɛ chɛɡre yaa, kɛ ya te soŋe andɛɛɡa dɛɛ tɛɛ ba. Ba dɛ ɛ yaa hɔhɔrɔwa, kɛ ya te sɔɔh bwara dɛɛ tɛɛ ba.

2 Kɔrent 5:9

Anomanta, ya bwadabii nɔ binii ya do oo, ya Dɔɔ bee ya do oo, ya dɛ nyin ya waa bwa won su o siwi,

Ɛfesos 4:28

He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

1 Timoti 2:2

Hé soŋo dɛɛ tɛ koranar ne nɛra baa dɛ di nomonome bwa, ásɛ ya bwa so bosɔɔhna ta jeih ken, dɛɛ tomɛ Korowii ɡɛ aa chɛa, dɛɛ ɛ waa aa wera o be.

1 Timoti 5:13

Luhaahna nɔ dɔŋa, baa wedɛɛɡa bɛlbwa dɔe dɛɛ ɛ ka ja kɛŋɔ baa dɛ ɡaaɡe dɛɛ valɛ deremi ta pɛɛpɛɛ. A ɡbo laa. Ba kpɔ nyoa dɛɛ do nɛra waa ta, dɛɛ ŋwalɛ nɛra, asɛ dɛɛ bol waa aa wola chɛɛ kɛŋɔ ba bol bwa.

Taetos 3:14

Gel yabala bwa hweli wedɛɛɡa ɛɛ, dɛɛ cha nɛra aa hiah ba, dɛ bɛ nɛra baa wola tɔnɔ dɔe ɛ.

1 Pita 3:4

Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.

1 Pita 4:15

Dɛ he bini bɛl dɛ na wahala aa, a bɛ ɛ kɛŋɔ nɛnee o kpo, kɛɛ ŋwɛɛ o ŋwɛ, kɛɛ nɛnchɔɡee on, kɛɛ nyoaa o kpɔ do nɛra waa ta.