1 Tesalonika 2:19 - mzwDBL

¹⁹ Ya sie beɡra aa beɡra nɔ, he bee ya hwɛɡa ne silɛɛ do. He waa ya Dɔɔ Yeesu ɛɛ ba yaa tɔɔ dawa, ya hɛɡre awola waa ba ya ba che o sie la.

1 Tesalonika 2:19 ပူးပေါင်းရင်းမြစ်များ

Sɛɡla 12:4

Handɛɛɡe ɡelɔ o jaa ɛɛ dɔ jirima, kɛ haah waa kpɔ sihiih dɛɛ kpo o jaa la, do kɛŋɔ weela aa lɔ nɛn nɛ.

Sɛɡla 16:13

Koranar siwi dɛ́ su nɛn waa dɛ bol kasinteŋ, ba dɛ nyin nɛn waa dɛ bol kpela.

Sɛɡla 17:6

Banjeni ne hanjeni jirimaa ba naanar, ɡɛɛ nya ne mɛɛ ɡe jirima ɛ ba bii.

Sɛɡla 4:9

Wɛɛ kpɔ jirimaa sime kɛŋɔ botidɛɛɡe, dɛ́ kpɔ pii kɛŋɔ kooɡbɛrɛ he dɔ jirima.”

Aesaya 62:3

Hɛɛ ɛo kɛŋɔ kooɡbɛrɛ waa wera kɛrɛdɛ tɛ Korowii.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Amanesoma Jɔn Aa Chwera Tɔn 21:22

Belaa o chaŋo ŋɔ, “Dɛ n dɛ nyin kɛ o so le dɛ ka tel saŋ maa ba kwaraa naa, he waanee yaa? He te ɛɛ teŋɛ n nɛ!”

1 Kɔrent 15:23

Kɛ ya bwa ne ya tɔperaa ya ir. Yeesu Kristoo tɔ sie ir mɔɔ, ásɛ ya banɔ la ya ne waa ɛ beŋkpoŋ la ɡe ir ɡɛ saŋ waa ba ja la.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 1:14

Taraken haa jemɛ ya waa tama nɔ, n dɛ lii kɛŋɔ hɛɛ jemɛ ya waa bwaa, ásɛ awola tɔpere ya Dɔɔ Yeesu Kristo aa ba la, he baŋa pa ya waa kɛŋɔ ya baŋa aa pa he waa la.

Felepae 2:16

Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

Felepae 4:1

Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.

1 Tesalonika 2:20

He nɛɛ aa ba cheɡa ya dɔ sɔn ne silɛɛ.

1 Tesalonika 3:13

Wɛɛ ɡeloo he do kpeɡri, dɛ bɛ wechɔɡa dɔ, dɛ́ ɛ nɛndɛɛɡa N Naa Korowii waa ɛ ya Mɛɛ la be, awola o ne o toromedɛɛɡa la bwa aa ba la.

1 Tesalonika 4:15

Ya Dɔɔ la waa waa bolaa nɔ. Ya banɔ la yaa so le dɛ ka tel ɡɛ saŋ ya Dɔɔ la aa ba la, yaa yabala baa serewa la siee tɔ kaa ya Dɔɔ be,

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

2 Tesalonika 1:4

Ya ɡbaɡba dɛ bol he waa dɛɛ baɡle asɔre tena baa cheme bobɛlbwa dɛɛ tomɛ Korowii la, dɛɛ kpɛɛ heya. Ya dɛ ŋɔ ba be ɡɛ nɛra aa dɛ ɛ heyaa hɔhɔrɔwa, aa no heyaa saŋ bɛlbwa, asɛ he dɔ bambile haa wola habɔɔ le dɛ ta teŋɛ dɛɛ yarada Yeesu la.

2 Tesalonika 1:7

dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

2 Tesalonika 2:1

Yabala, ya Dɔɔ Yeesu Kristo bala waa ne ɡɛ ya bwa aa dɛ ba o be chema la, n dɛ soŋe heya,

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Jems 5:7

Kɛ yabala, hé lawɛ bambile, dɛ́ ka tel ɡɛ saŋ ya Dɔɔ la aa ba. Hé na ɡɛ paa yon so kpa bwaala loɡla á nɛ ó du o kwa, dɛ́ lawɛ bambile, ásɛ yoo ɡe yo mɔɔ o koo kwaa la yon ɛ la.

Jems 5:8

Gɛ tentenee chɛ kɛŋɔ he ɡe lawɛ bambile dɛ́ che kiŋkiŋ, dɛkalkɛŋɔ he Dɔɔ la bala telo.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

2 Pita 1:16

Ya Dɔɔ Yeesu Kristo kpeɡri waa dɔa ne o bala waa la yaa bol he be la, a ta waa yaa kpɔ liire dɛ teŋe nyosone ɛɛ. Ya ɡbaɡba kpɔ sie na ɡɛ o wa aa dɔ nyɛl kohona.

2 Pita 3:4

Baa dɛɛ bɔɔ heyaa ŋɔ, “Korowii aa baɡɛ nyoa ŋɔ Yeesu ɛɛ berɔɔ ba ja la, lee o dɔɔ?” Dɛ ŋɔ, “Ya mɛɛnanar bwa serewɔ, dɛ o ta balɛ mɔɔ. Gɛ harɛ nɔ aa doa o mumpar la, ɡɛɛ o ta do.”

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Wepila 22:12

Yeesu bolɔ ŋɔ, “Hɛ́ɛ no bonɔ! N dɛ ba taraken. N dɛ ba kembɔr maa dɛ ba nɛra tɛɛ la ne. Gɛ nomɛlbwa toma aa doa laanee mɛɛ ba on kem bɔe.