1 Tesalonika 2:17 - mzwDBL

¹⁷ Ya te la, yabala, baa doŋi yaa le he be tɔpere tamaa nɔ la, ya ta he waa soɛh. Kɛ nae yaa wola heyaa na. Yaa le he be la, dɛ he be bala swɛɛ ya siwi, dɛkalkɛŋɔ dɛ sikii lawɛ yaa taeh.

1 Tesalonika 2:17 ပူးပေါင်းရင်းမြစ်များ

Kolosi 2:5

N toole he be, kɛ n liire te lɔ he be. Anomanta, a do n som kɛ he bwa aa pɛa, asɛ dɛ lawɛ yaradae haa dɛ yarada Yeesu Kristo la bini kpoŋe kiŋkiŋ la.

1 Kɔrent 5:3

N ɡbabir toole he be bela, kɛ n liire te lɔ he be. N dɔɔ pa naate waa ɛ ɡɛ waa nɔ bolchɔɡe kɛŋɔ n ɡbaɡba aa lɔ bela ken.

1 Tesalonika 3:6

Kɛ taraken Timoti aa le he be ba la, o ba amanesoma ne kɛŋɔ he dɛ yarada Korowii dɛɛ nyin nɛra ɡe. O ŋɔ ya be ŋɔ he dɛ lii ya waa kɛrɛdɛ tɔpere bɛlbwa, dɛɛ nyin kɛ he na yaa ɡɛ yaa dɛ nyin heyaa dɛ na la.

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

Tɔn Pɔɔl Aa Chwerɛ Rom Tena 15:23

Kɛ taraken nɔ maa tonɛ n toma bonɔ nɔ, asɛ n sie che chiŋ bene aŋwɛnɛ nɔ bwa kɛŋɔ ń ba na heyaa nɔ,

Amanesoma Luk Aa Chwera Tɔn 22:15

Belaa Yeesu ŋɔ o habɔteŋra la be ŋɔ, “A ɡɛ Galekaa kondikwaa nɔ waa fa lɔ n bambile bini wubwa, asɛ mɛɛ nyin kɛ n ne he dia mɔɔ ba ɛɛ mɛ hɔhɔrɔwa.

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

We-ɛɛla 17:10

Bɔr aa baa jo la, asɔre tena la kpɔ Pɔɔl ne Silas kaa Bɛrea. Baa la bela la, ba kaa jo bela cheremi dea bini.

2 Koranar 5:26

Elaesa ŋɔ, “Haa jemɛ kɛŋɔ ɡɛ saŋ Naaman aa le o torɔɡo bini, dɛ ba cheme he ne wɛɛ bol waa la, dɛ n lɔ bela n doma ja he nɛɛ kɛɛ? Saŋ ta tele kɛ he lɛ suuɡa kɛɛ yale ne ɔleve ne daa kooni, ne kooni ne peera, dɛ nae kɛɛ bonɔɔna ne toli.

2 Samoɛl 13:39

Dɛ kooro bambile lawɔ kɛŋɔ ó la Absalɔm be ka nao, dɛkalkɛ o dɔ bolarawa le Amnɔn seo la ta.

Mumpar 48:11

Anee Jekɔb ŋɔ o be ŋɔ, “N ta liire ŋɔ mɛɛ nae kpa. Kɛ Korowii ɡelɔ n nae, hale dɛ berɛ na he bii ɡe.”

Mumpar 45:28

Asɛ o ŋɔ, “Anɔɔ mɛɛ nyin dɛ́ no. N bie Josef ta lole! Mɛɛ lao ka nao mɔɔ dɛ́ sewɛ.”

Mumpar 31:30

N jemɔ kɛŋɔ he sie cheɡɛ chiŋ hɛɛ nyin bɔr dɛ́ kaa he bwɛ. Aah dɛ ɛrɛ waa he berɛ ŋwɛ n voɡa nɔɔ?”

Amanesoma Luk Aa Chwera Tɔn 12:58

Dɛ he ne he dɔŋ dɔɔ, asɛ o kpɔe dɛɛ kaa kɔɔto aa, larawe naate he ne o pɛ. Dɛ ɡɛ laa, o tel he ne bela aa, kɔɔto nomoa waa dɛ pa bole la dɛ ba he kpɔe dɛ́ tɛ prosiri, ásɛ ba ka doe dea.