14 Yabala, he ne Korowii nɛra baa lɔ Juda harɛ dɛɛ teŋɛ Yeesu Kristo nɛɛ la bwa ɛ beŋkpoŋ, dɛkalkɛŋɔ wahala baa naa Juu tena be la, he ɡe na a dɔŋa he bwɛɛ tena be.
Steeven seo la habɔɔ fiiɡa baa fiiɡi asɔre tena asɛ ba peɡre la ɡelɔ bane kaa bojaŋa tenten. Hale bane la Finiisia ne Saepros dɛ Anteɔkwa bwa. Baa dɛ valɛ a ɡɛ harɛre nɔ ta la, ba ta Yeesu waa la bolɛ nomɛlbwa be ka ja Juu tena nɛ.
Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.
A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.
Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.
Baa kpo Steeven la, Sɔɔl sɛoh ŋɔ o chɛ kpoe. Awola tɔpere la ba fiiɡi asɔre tena baa lɔ Jerusalam la, asɛ ba chwa peɡre Juda harɛ ne Samaria harɛ bwɛɛre la ta. Yeesu toroma la ɡboo wola chwae.
A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.
Korowiirii tɛ bɛlbwa o we-ɛɛla wɛɛ ɛ. Anomanta, a chɛ kɛŋɔ bɛlbwa ɛ ɡɛ Korowii aa leo dɛ tɛo ŋɔ wɛ́ɛ ɛ la. Gɛɛ mɛɛ bol asɔre tena baa lɔ bobɛlbwa la be.
Men Pɔɔl ne Silas ne Timotii chwerɛ tɔn nɔ dɛɛ tɛ he nɛra haa ɛ asɔre tena dɛ do Tesalonika dɛɛ tomɛ N Naa Korowii ne ya Dɔɔ Yeesu Kristo la. Kórowii cha heya, dɛ tɛ heyaa bosɔɔhna.
Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.
Men Pɔɔl ne Silvanos ne Timotii chwerɛ tɔn nɔ dɛɛ tɛ he nɛra haa ɛ asɔre tena haa lɔ Tesalonika dɛ ɛ N Naa Korowii waa bera ɛ ya Mɛɛ la ne ya Dɔɔ Yeesu Kristo nɛra la.
Ya ɡbaɡba dɛ bol he waa dɛɛ baɡle asɔre tena baa cheme bobɛlbwa dɛɛ tomɛ Korowii la, dɛɛ kpɛɛ heya. Ya dɛ ŋɔ ba be ɡɛ nɛra aa dɛ ɛ heyaa hɔhɔrɔwa, aa no heyaa saŋ bɛlbwa, asɛ he dɔ bambile haa wola habɔɔ le dɛ ta teŋɛ dɛɛ yarada Yeesu la.