1 Tesalonika 2:11 - mzwDBL

¹¹ He nao ɡɛ yaa do he bini bɛlbwa ɡbemba ɡɛ baa yon dɛɛ ɛ o bii la.

1 Tesalonika 2:11 ပူးပေါင်းရင်းမြစ်များ

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Sɛɡla 1:10

N bie, dɛ wechɔɡ-ɛɛra dɛ doe hé ɛ wechɔɡa aa, bɛ sɛh.

Sɛɡla 1:15

N bie, he ne nɛra baa do ɡɛ la bɛ valɛ, laa he te kpɔ ba nɛ,

Sɛɡla 2:1

N bie, dɛ he no waa maa bola dɛɛ baɡle, dɛɛ do liire n waa ta,

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Sɛɡla 6:1

N bie, a balɔ kɛŋɔ he di ajinamuu tɛ he dɔŋ, dɛ he baɡɛ nyoa waane ta tɛ nomɛl aa,

Sɛɡla 7:1

N bie, dɛɛ teŋɛ n waa ta, dɛ́ɛ do liire waa maa dɛ doe a ta la ta.

Sɛɡla 7:24

N bii, name hé no n be, hé cheɡ deŋne dɛ́ no n wa.

Nɛra Kura 27:19

Kpɔɔ ka che sɔfo Eliasa ne nɛra la bwa sie, ásɛ dɛ kpɔ toma la do o nɔn ta.

Amanesoma Luk Aa Chwera Tɔn 16:28

dɛ́ ka kah n nimanar banue bane baa lɔ bela la ŋɔ, ɡɛ maa ɛa la, ba bɛ ɡɛ ɛ ásɛ dɛ ba bonɔ maa lole dɛɛ na wahala nɔ.’

We-ɛɛla 20:2

O kpɔ baah bela bwɛɛre la ta, dɛ bol waa baɡ ba taeh dɛ ja ba, dɛ le bela ba Grik tena harɛ ta.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Mmarare 3:28

Kpɔ waa la do Josua nɔn ta dɛ́ doo ɡbemba ó dɔ bokpeɡa, dɛkalkɛ onee dɛ́ tɔ nɛra nɔ sie dɛ́ kpɔ ba le nee la baŋ, bá ka lɛ harɛ la haa dɛ ba o nae la dɛ́ so o ta.’

Mmarare 31:14

Ate, Korowii ŋɔ Mosis be ŋɔ, “Tɔpere waa kaa he sewɛ la aa kanɛ kpa, anomanta, yerɛ Josua ba n Dea Cheremibɔr nɔ bini, ásɛ n kpɔ n waa bwa do o nɔn ta.” Anee Mosis ne Josua la Korowii Dea Cheremibɔr bela.

1 Tesalonika 2:7

Ya ɛ Yeesu Kristo toroma, dɛ fe dɔ ŋwɛnɛ kɛ ya lɛ komɛl le he be. Kɛ ya tɛ heyaa sisɔna kɛŋɔ haah naa ta tea dɛɛ dɛɛ o bechasɔɔhna la.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

2 Tesalonika 2:5

Haa lii kɛŋɔ n fa aa lɔ he be la dɛ n dɛ baɡle heyaa ɡɛ waa nɔ naa?

2 Tesalonika 3:12

Ya cheɡɛ ya Dɔɔ Yeesu Kristo sɔn ta dɛɛ ŋɔ ɡɛ nɛra nɔ be ŋɔ bá do sie dɛɛ ɛ ba ɡbaɡba toma dɛɛ di ba koeh ta.

1 Timoti 5:21

N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.

1 Timoti 5:7

Ja ba ɡɛ waa nɔ ta, ásɛ nɛra bɛ ba bwara wechɔɡe dɔ bol.

1 Timoti 6:13

Korowii waa tɛ komɛlbwa mkpa la, ne ya Dɔɔ Yeesu Kristo la waa wona dɛ che Pɔnteɔs Paelet sie dɛ bol kasinteŋ la sɔn taa n che dɛɛ jae

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Timoti 6:2

Nɛndɔɔla ba ne ba dɔɔranar bwa aa dɛ yarada Yeesu la bɛ koh kɛ ba ne ba bwa ɛ beŋkpoŋ nomanta, ba siwi ɛɛ sa ba. Ba tenee chɛ kɛ bá tomɛ ba dɔɔranar kɛrɛdɛ kwara, dɛkalkɛ ba dɔɔranar la bwa ɡe yarada Yeesu dɛɛ nyin dɔŋa. Bol ɡɛ waa nɔ baɡ ba, dɛ́ chaɡ ba a bini.

Taetos 2:15

Baɡ ba ɡɛ waa nɔ bwa, dɛ́ kpɔ he kpeɡri do ba ɡbemba, dɛ́ ja ba, dɛ́ bɛ ɡel ba bɛlbwa nyiŋi he nyubaah.

Taetos 2:6

Ŋɔ bonɔɔna ɡe be ŋɔ bá dɔ nfɛrɛ wobɛlbwa ta.

Taetos 2:9

Gel nɛra baa lɔ bane nɔn ta kɛŋɔ bonɔɔna kɛɛ toli la no kɛŋɔ báa no ba dɔɔranar wa. Bá ɡel ba wa ɛɛ lɛ ba sie wobɛlbwa ta, dɛ bɛ waa beɡre dɛɛ do ba nyoa,

Hibru 13:22

Yabala, n dɛ soŋe heyaa kɛŋɔ he lawɛ bambile, dɛ́ no waa nɔ maa chwera dɛ kpɔ dɛɛ ja heyaa nɔ. He nyiŋo na naa, tɔn nɔ maa chwerɛ heyaa nɔ aa jaŋɛ bɛlbwa.

3 Jɔn 1:4

Saŋ bɛlbwa maa no n bii waa kɛŋɔ ba dɛ teŋɛ kasinteŋ la ta la, n baah dɛ sɔɔh mɛ ɡwaa komɛlbwa.