1 Tesalonika 2:1 - mzwDBL

¹ Yabala, he ɡbabir jemɔ kɛ chɔɔra yaa chɔɔ heyaa la ta pɛɛ ɛɛ.

1 Tesalonika 2:1 ပူးပေါင်းရင်းမြစ်များ

Job Tɔn 39:16

O nyu bini kpeɡri o bii nɛ, á do kɛ o bii laa ken, o waane laa kɛŋɔ o koeh waa koah la ɛ pɛɛ.

Yela 127:1

Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Yela 73:13

Amɔ pɛɛpɛɛ n ɡel n bambile bini to, n ta wechɔɡa bɛlbwa ɛɛ nɔ naa?

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

Aesaya 65:23

Baa koh ta pɛɛ bwa, ba tomare bwa ɛɛ do werii tɛɛ ba. Wekpeɡa ɡe aa ba bii nɛɛ ba bwa. Mɛɛ swee andɛɛɡaa tɛ ba ne ba naanaree saŋ bɛlbwa dɛɛ la.

Habakuk 2:13

Koranar Bwa Kooro ɛa kɛŋɔ harɛre nɛra toma baa ɛa dɛ koh la bwa dɛ ba fuih. A bwa ɛ koeh pɛɛpɛɛ.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

1 Kɔrent 15:2

asɛ a lɛ heyaa la wa. Dɛ yarada haa dɔa Amanesoma la ta la ɛ kpela, he ta an vɛɛh dɛ kpoŋe a bini kɛrɛdɛ ɡɛ maa baɡle heyaa la te naa, amɔ te a lɛ heya. Dɛ ɡɛ laa te naa, amɔ dɛ he yarada la ɛ pɛɛpɛɛ.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 2:2

Korowiirii ɡela n jemɛ dɛ la ba be. N tɔ sie la asɔre tena nomonome be n ne ba ɡbo so, n baɡle Yeesu Amanesoma maa dɛ bol nɛra baa wola Juu tena ɛɛ be la bwa ásɛ ba jemɛ n wa, ásɛ n toma maa ɛa ne anɔ la n ta aa dɛ ba ɛɛ la bɛ pɛɛ ɛ.

Galaasia 4:11

He waa dɛ we n nɛ. Amɔ toma maa ɛa he be la bwa ɛ pɛɛ aa?

Felepae 2:16

Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

1 Tesalonika 3:5

A waa ɡela n haŋre kahonɛ dɛ tomɛ Timoti, ásɛ dɛ jemɛ he yarada bini kɛŋɔ Bɔnsam ken baa neɡre heyaa dɛ ɡel ya toma yaa baa ɛ la ken ɛ pɛɛpɛɛ.

2 Tesalonika 1:10

Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.