1 Tesalonika 1:9 - mzwDBL

⁹ Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

1 Tesalonika 1:9 ပူးပေါင်းရင်းမြစ်များ

Yela 42:2

Korowii haa lole saŋ bɛlbwa, n dɛ nyini kɛ nyɔɡre aa dɛ kpo nɛn ken. Bɛweeree ń won ba he sie, dɛ́ ba tomɛ nɔ?

Yela 84:2

Bela waa dɛ ɛɛ mɛ taeh! N dɛ nyin kɛ n fe aa lɔ he Dea. Mɛɛ ɡo silɛɛ yela n bambile bwa nee tɛ Korowii waa lole saŋ bɛlbwa la.

Aesaya 37:17

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Tɔn Pɔɔl Aa Chwerɛ Rom Tena 9:26

Ba chwerɛ tɔn la bobɛl ɡe ŋɔ, “Nɛra Korowii fa aa ŋɔ ba be ŋɔ, ‘N nɛra laa heyaa’ la, baa berɔ yer ba Korowii waa lole saŋ bɛlbwa bii.”

1 Kɔrent 12:2

He na kɛŋɔ ɡɛ saŋ he fa aa wola Korowii tomɛ la, dɛ he nyoɡrɔ dɛɛ tomɛ voɡa aa wola waa bol, kɛ dɛ a dɔ kpeɡri he nɛɛ hɛɛ toma.

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?

1 Tesalonika 2:1

Yabala, he ɡbabir jemɔ kɛ chɔɔra yaa chɔɔ heyaa la ta pɛɛ ɛɛ.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.

1 Jɔn 5:21

N bidɛɛɡa, hé nyiŋi he te kɛrɛdɛ dɛ́ laa he te kpɔ komɛlbwa waa wola Korowii tenten ɛɛ la ta.

Wepila 17:2

O ne harɛ nɔ ta koranar bwa di sɛm. O wedoŋa la ɛo kɛŋɔ sen, asɛ o kpɔ tɛ harɛ nɔ ta nɛra ba nyɔ dɛ dɛɛ.”

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.