1 Tesalonika 1:8 - mzwDBL

⁸ He bee ya Dɔɔ la waa che dɛ perɛ baah bela bwa. Bela tena ɡbo laa noa, kɛ yarada haa dɛ yarada Korowii la tel bobɛlbwa. Anomanta, a ta chɛ kɛŋɔ yá bol he waa nɛra be kpa.

1 Tesalonika 1:8 ပူးပေါင်းရင်းမြစ်များ

Kaala 18:9

Jetro aa no ɡɛ la, o sie lɛ wedɛɛɡa Korowii aa ɛ Israel tena dɛ lɛɛ ba le Ijipt tena nɔn ta la ta.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

We-ɛɛla 18:12

Gɛ saŋ baa tɛ baa bɛl baa dɛ yerɔ Galio nomonome, asɛ o nyiŋi Akaya harɛ dɛɛ tɛ Rom Koojen laanee Juu tena pɛ nyoa, dɛ lawɛ Pɔɔl la o be.

Tɔn Pɔɔl Aa Chwerɛ Rom Tena 1:8

Mɛɛ tɔ sie che Yeesu Kristo nɛɛ dɛ́ jam N Naa Korowii he waa kɛŋɔ haa yarada Yeesu Kristo waa nɔ kohona, asɛ nɛra bwa ɛɛ bol he waa nɔ.

Tɔn Pɔɔl Aa Chwerɛ Rom Tena 15:26

Ba bala baa lɔ Makidoonia ne Akaya harɛre ta koŋkwaare ane ŋɔ ń kpɔ ka tɛ Jerusalam Korowii nɛra ba wa aa toɡra, ba soɡa bini do kpeɡri tɛɛ ba la.

Tɔn Pɔɔl Aa Chwerɛ Rom Tena 16:19

Nɛra bwa dɛ bol he teŋa haa dɛ teŋɛ Yeesu waa la ta waa bobɛlbwa, anomanta, n sie lɛ he nɛɛ kɛrɛdɛ. Kɛ n dɛ nyin kɛŋɔ he ɛ wejerema wedɛɛɡa ɛɛ bɔr, asɛ dɛ ɛ nɛra haa wola wobɛlbwa jemɛ wechɔɡa ɛɛ be pera.

1 Kɔrent 14:36

He bee Korowii waa la che dɛ ba naa? He ɡboo no waa la aa?

2 Kɔrent 2:14

Korowii jam kɛ waa cheɡɛ ya Dɔɔ Yeesu Kristo nɛɛ dɛ ɡel ya yo dɛɛ le nɔ. Korowii cheɡɛ ya nɛɛ dɛ ɡel nɛra ɛɛ no Yeesu Kristo waa la bobɛlbwa kɛŋɔ, konsɔɔhsoma sɔɔh aa dɛ le nomɛlbwa ɛɛ no la.

2 Kɔrent 3:4

Ya won ɡɛ bola, dɛkalkɛŋɔ ya cheɡɛ Yeesu Kristo nɛɛ dɛɛ yarada Korowii a ɡɛ waa nɔ ta.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

2 Tesalonika 1:4

Ya ɡbaɡba dɛ bol he waa dɛɛ baɡle asɔre tena baa cheme bobɛlbwa dɛɛ tomɛ Korowii la, dɛɛ kpɛɛ heya. Ya dɛ ŋɔ ba be ɡɛ nɛra aa dɛ ɛ heyaa hɔhɔrɔwa, aa no heyaa saŋ bɛlbwa, asɛ he dɔ bambile haa wola habɔɔ le dɛ ta teŋɛ dɛɛ yarada Yeesu la.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

2 Timoti 2:9

dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.

3 Jɔn 1:12

Gasi toole Demetreɔs ɡe nɛ. Nomɛlbwa dɛ bol o waa ɡa. Kasinteŋ la waa dɛ teŋɛ o ta la ɡe dɛ diu danseɛ. Ya ɡba dɛ diu danseɛ ɡɛ. He jemɔ kɛŋɔ yaa nyosone teŋe.

Wepila 14:6

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.