1 Tesalonika 1:10 - mzwDBL

¹⁰ dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

1 Tesalonika 1:10 ပူးပေါင်းရင်းမြစ်များ

Mumpar 49:18

N Naa Korowii, n soɡoo dɛɛ kpa kɛŋɔ he ba dɛ́ ba lɛ yaa.

Matiu 1:21

Wɛɛ lolɛ bibaalee, ásɛ he pa o sɔn Yeesu, o munii kɛŋɔ Lɛɛ, dɛkalkɛŋɔ on dɛɛ ba bala dɛ́ ba lɛ o nɛra ba wechɔɡa ta.”

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 16:28

Kasinteŋ, a ɡɛ saŋ Men Nɛn Bie aa ba di kora la, he bini bane ɛɛ so lee, dɛ́ na mɛ.”

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

Amanesoma Luk Aa Chwera Tɔn 3:7

Belaa Jɔn ŋɔ nɛnlaa baa lea ba o be ŋɔ ó sɔ ba nee la be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa! Umee ŋɔ he be ŋɔ hɛɛ wonoo chwa le Korowii bandia ta nɔ?

We-ɛɛla 1:11

dɛ bɔɔ ba ŋɔ, “Galilia tena, ɛrɛɛ he che bonɔ dɛɛ nyiŋi nyundua haah ɡɛ nɔɔ? Yeesu nɔ Korowii aa baa kpɔɔ le he be kaa nɔ, wɛɛ berɔɔ ba ɡɛ tenten haa nao wɛɛ kaa nyundua nɔ.”

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

We-ɛɛla 2:32

A ɡɛ Yeesu nɔɔ Korowii ir seo ta la. Ya bwa kpɔ ya sie nao dɛɛ diu danseɛ.

We-ɛɛla 3:15

Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la.

We-ɛɛla 3:21

A chɛ kɛŋɔ Yeesu do nyundua dɛ́ ka tel tɔɔ la wee Korowii aa ɛ wobɛlbwa kɛrɛdɛ ken, ɡɛ waa ɡela o keamere la baɡle la.

We-ɛɛla 4:10

amɔ te hé no, ásɛ Israel tena bwa no, kɛŋɔ Yeesu Kristo waa le Nasarɛt, haa kpoo daɡaɡre ta asɛ Korowii iru seo ta la, o sɔn kpeɡri taa a che baa nɔ waa cheɡa nɔ dɔ bokpeɡa la.

Tɔn Pɔɔl Aa Chwerɛ Rom Tena 1:4

asɛ o Korowii ɛɛ ɡe be pera la, Korowii cheɡɛ o seo ta ira la ta, dɛ baɡle kpeɡri ne kɛŋɔ o Korowii Biee on.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 4:25

Ya wechɔɡa waa Korowii leo ŋɔ ó ba sewɛ, asɛ Korowii berɛ iru seo ta, ásɛ a che o nɛɛ Korowii lɛ yaa kɛ nɛndɛɛɡa ya waa su o siwi.

Tɔn Pɔɔl Aa Chwerɛ Rom Tena 8:34

Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

1 Kɔrent 1:7

Anomanta, taraken haa kpɔ hwɛɡa dɛɛ kpa ya Dɔɔ Yeesu Kristo bala nɔ, wobɛlbwa kpeɡri ta heyaa nyae le Korowii be.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Felepae 3:20

Kɛ harɛ nɔ ta ya bwɛɛ ɛɛ. Ya bwɛɛ lɔ nyundua. Yaa lɔ bonɔ nɔ, ya siwi swɛɛrɔ yaa kpa ya Dɔɔ Yeesu Kristo waa ɛ ya Lɛɛ la ó le bela ba.

Kolosi 1:18

Onee asɔre tena bwa nyu, ba ɡee o bwadabi. Onee tɔ sie komɛlbwa nɛ, dɛ tɔ sie ir seo ta nomɛlbwa nɛ, dɛkalkɛŋɔ on chɛ kɛ ó ɛ nomoa komɛlbwa nɛ.

1 Tesalonika 1:7

Gɛ haa ɛa laanee chɔa dɛ tɛ nɛra baa yaradaa Makidoonia harɛ ne Akaya harɛ bwa, baa nyiŋi dɛɛ tomɛ Korowii.

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

1 Tesalonika 2:7

Ya ɛ Yeesu Kristo toroma, dɛ fe dɔ ŋwɛnɛ kɛ ya lɛ komɛl le he be. Kɛ ya tɛ heyaa sisɔna kɛŋɔ haah naa ta tea dɛɛ dɛɛ o bechasɔɔhna la.

1 Tesalonika 5:9

Korowii ta yaa tae ŋɔ yá ba di bolchɔɡe o sie. O ta yaa ŋɔ yá che ya Dɔɔ Yeesu Kristo nɛɛ dɛ́ dɔ ya nyu.

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Hibru 10:27

Ɔmee taa yaa ba soɡa dɛɛ kpa Korowii Tɔpere waa dɛ ba nɛra waa bola dɛ́ pa bole, dɛ do banɔ la baa cheɡɛ o nɛɛ wechɔɡa nii aa dɛ lawɛ kohona la ta.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

1 Pita 2:21

A ɡɛ waa nɔɔ Korowii le heyaa ŋɔ hɛɛ na, dɛkalkɛŋɔ Yeesu Kristo koh he waa dɛ na wahala, asɛ a chɔ tɛ heyaa kɛŋɔ hɛɛ lawɛ bambile he wahala ta. Ba chwerɔ ŋɔ,

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

2 Pita 3:12

dɛɛ kpa Korowii Tɔpere La nyundua aa fuh kwaraa ásɛ harɛ ɡe komɛlbwa fuh dɛ́ mwɛɛ kwaraa la. Hé swɛɛ siwi ásɛ Korowii Tɔpere La ba warane.

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.