1 Samoɛl 9:9 - mzwDBL

⁹ Saŋ la dɛ Israel te dɛ nyin o bɔɔ waane le Korowii be naa, o yon ŋɔ, “Ba ya la ka na nɛn waa dɛ na chaahna. A ɡɛ nɛn nɔɔ baa yerɛ Korowii keame fini la.”

1 Samoɛl 9:9 ပူးပေါင်းရင်းမြစ်များ

Mumpar 25:22

Kpara teaa o kpoŋe. Baa lɔ o tea bini la, dɛ ba dɛ lɔ dɔŋa. Anee o ŋɔ, “Bɔkwa ɡe waa nɔɔ.” Dɛ kpɔ ka bil Korowii sie dɛ́ jemɛ waa aa bala.

2 Samoɛl 24:11

Tɔɔ aa pera chɔɔ mɔɔ kooro ir la, Korowii ŋɔ Kooro Devid keame Gad be ŋɔ,

2 Koranar 17:13

Dɛ Korowii cheɡɛ o keamere ne nɛra baa dɛ na chaahna ta, dɛ kah Israel ne Juda tena ŋɔ, “Hé le he wechɔɡa ŋwɛnɛre ta, dɛ́ɛ teŋɛ me Mmarare ne waa maa do heyaa a ta la ta. N kpɔɔ tɛ he naawa ŋɔ báa teŋɛ a ta, dɛ che n keamere ɡe nɛɛ ŋɔ bá dalwe a ta baɡle heya.”

1 Webena 21:9

Ate, Korowii ŋɔ Kooro Devid keame Gad be ŋɔ,

1 Webena 26:28

Komɛlbwa Samoɛl waa dɛ na chaahna ne Kes bibaa Sɔɔl, ne Nɛr bibaa Abna, dɛ Seruya bibaa Joab aa kpɔa tɛ Korowii ne laala aa jaa bwa, dɛ Sɛlomet ne o lolanaree dɛɛ nyiŋi a ta.

1 Webena 29:29

Ba chwerɛ Kooro Devid kora dii le mumpar dɛ ba a jaɡa, do Korowii keamere Samoɛl ne Netan dɛ Gad waa tɔne bini,

1 Webena 9:22

Nɛra baa lee ba baa daah doonyoo aa lɔ bela la bwa lɔ nɛra lafraanɛ dɛ fi dɛ banɛ. Ba chwerɛ ba sɔna teŋɛ dɔŋa nɛɛ dɛ le ba bwɛɛre ta. Kooro Devid ne Samoɛl waa dɛ na chaahna laanee lee ba, dɛ kpɔ ba chɔ ba tomare nyoo, dɛ ŋɔ ba ɛa kasinteŋ ne.

2 Webena 16:10

Kooro Asa baah di Korowii keame Hanani nɛɛ kohona, asɛ dɛ lawɔ do dea. Dɛ berɛ le ɡɛ saŋ dɛɛ kaa la, Kooro Asa pa mun dɛɛ ɛ nɛra la bane hɔhɔrɔwa kohona.

2 Webena 16:7

A ɡɛ saŋ la, Korowii keame Hanani ba Kooro Asa be dɛ ŋɔ, “Haa kpɔ he te dawɛ Siiria kooro nɛɛ dɛ vɛh he te kpɔe dɛ dawɛ Korowii haa dɛ tomɔ nɛɛ nomanta, Siiria kooro laa tena la le he habɔɔ.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Emɔs 7:12

Belaa Amasea ŋɔ Emɔs be ŋɔ, “Korowii keame, ir kaa Juda harɛ ta kaa bol Korowii waa la, dɛ́ so bela baa bɔe a kem.

1 Kɔrent 12:17

Dɛ bwadabii fe dɔ siwi ɡbo, deŋne ta jae yaa, ɛrɛɛ o fe ɛɛ ba waa noe yɔ? Dɛ bwadabii fe ɛ deŋne ɡbo o ta mee dɔe yaa, ɛrɛɛ o fe ɛɛ ba sɔɔh noe yɔ?

Sitɔɔla 1:1

Josua seo habɔɔ la, Israel tena soŋe Korowii ŋɔ, “Ya deene nɔ, bamewaa dɛ́ tɔ ya sie yá ka yo Keenan tena ba harɛ ta nɔ?”

Sitɔɔla 18:5

Ba ŋɔ o be ŋɔ, “Ya poori, bɔɔ Korowii na kɛ ya ŋwɛnɛ yaa dɛ kaa nɔ ɛɛ ka do werii tɛ yaa kɛɛ?”

1 Samoɛl 9:10

Anee Sɔɔl chaŋe ŋɔ, “A wer, ya kaa.” Asɛ ba chiɡ ŋwɛnɛ ta dɛ kaa bwɛɛ Korowii nɛn la aa lole la ta.