1 Samoɛl 9:25 - mzwDBL

²⁵ Baa le saraha bɔr bela dɛ ba bwɛɛ la ta la, Samoɛl ɡelɔ ba pa kalaŋ tɛ Sɔɔl o chɔ o saldoa, asɛ o la o ne o ka bol wa.

1 Samoɛl 9:25 ပူးပေါင်းရင်းမြစ်များ

We-ɛɛla 10:9

Tɔ aa pera baa kaa dɛ ka tel bwɛjen Jopa la, Pita teeh sal dea webaŋa dɛɛ ba Korowii soŋa. Dɛ wee cheɡɛ nyufala.

Mmarare 22:8

Dɛ he do dea aa, ɛ kon bar sal la nyoa, ásɛ a bɛ ba kɛŋɔ nomɛl teeh sal la, dɛ́ le nyundua bela dɛ́ ba le harɛ sewɛ, dɛ́ kpɔ waa do he nyoa.

Nehemia 8:16

Asɛ nɛra la ir ka nyin daa kpala la, dɛ ba ɛ kukure ba saldor, ne ba dembaahna ne Korowii Dea dembaahna, ne Nee Doonyoa sie bela nɛra aa dɛ cheme, dɛ Efrem Dea Doonyoa la sie.

2 Samoɛl 11:2

Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

Matiu 10:27

Waa maa dɛ bol he be biro ta la, hé bola webaŋa, ásɛ waa maa sɔah bol he be la, hé bola nɛnlaa baah.

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Matiu 24:17

Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa.

Amanesoma Luk Aa Chwera Tɔn 5:19

Bɔr aa fara la, ba ta wone kpɔ baa la ba o be, anee ba teeh dea la, dɛ ka forɛ sal la bela Yeesu aa cheɡa la, dɛ kpɔ baa la ne o kalaŋ waa chɔ o ta la, dɛ che bela kpɔɔ bil Yeesu sie nɛra la baah ta.

1 Samoɛl 9:26

Ba iro bɔr chaahna saŋ, asɛ Samoɛl la Sɔɔl be saldoa bela dɛ ŋɔ, “Ir dɛ́ kpɔ he te, ásɛ n ka doe ŋwɛnɛ.” Asɛ o kpɔ o te ba bwa le kaa.