1 Samoɛl 9:12 - mzwDBL

¹² Ba chaŋe ŋɔ, “Ɔɔh, bɛl lole. O tɔ he sie, hé ɛ warane, finii o den ba ya bwɛɛ nɔ ta. Bwɛɛ la tena dɛ la ka kpoo kwaa bela baa dɛ ɛ saraha la.

1 Samoɛl 9:12 ပူးပေါင်းရင်းမြစ်များ

Mumpar 31:54

O ɛ saraha deŋɡarere harɛ baa soɡa la ta, dɛ yerɛ o lolanar la ba ba di kondikwaa la. Baa dia tonɛ la, ba chɔ bela awola jwaana.

1 Samoɛl 16:2

Anee Samoɛl ŋɔ, “Dɛ n laŋɔ Kooro Sɔɔl noɔ kɛ n ba bela aa, wɛɛ kpo mɛɛ.” Anee Korowii ŋɔ, “Lawɛ nalor ásɛ he laŋaa, he ŋɔ he dɛ ba ba kpo ɛ saraha tɛ men Korowii.”

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Webena 16:39

Kooro Devid kpɔ sɔfo Sadɔk ne o bala sɔfore so Korowii Tɛnte Dea bela baa chema dɛɛ tomɛ Korowii o do Gebeɔn.

1 Samoɛl 7:17

O yon berɛ ba kaa Rama, bela waa soɡa. Bela ɡe, o bol Israel tena ne ba bala waa dɛɛ pa bole, asɛ o ma kon baa ɛ saraha o ta bela tɛ Korowii.

1 Samoɛl 2:35

N ɡbaɡba ɛɛ le sɔfo o waa aa dɔ kasinteŋ dɛɛ ɛ n bambile bini waa tɛ n te, dɛ́ ɡel o dɔ naanar kohona, ásɛ baa tomɛ kooro maa leo cheɡ tɛ n te la.

1 Samoɛl 20:6

Dɛ he mɛɛ ta men ba nae yaa, he ŋɔ, ‘Devid soŋ mɛ, n tɛo ŋwɛnɛ o ɛ warane kaa o bwɛɛ Bɛtlɛham, dɛkalkɛ o lolanar bwa dɛ ba kwaa kpoora ɛ benanyoa saraha.’