1 Samoɛl 8:7 - mzwDBL

⁷ Asɛ Korowii ŋɔ Samoɛl be ŋɔ, “No waa bwa nɛra la aa dɛ bol he be la, he laa ba vɛh kɛ ba kooro, men Korowiirii ba vɛh.

1 Samoɛl 8:7 ပူးပေါင်းရင်းမြစ်များ

Kaala 16:8

Anee Mosis berɛ ŋɔ, “Hɛ́ɛ jemɔɔ kɛŋɔ Korowiirii dɛ́ tɛ heya ola he chwe jɔmɔra, ne kondikwa bɛlbwa haa dɛ nyin dɛ́ di chɔɔ, dɛkalkɛ o na ɡɛ haa dɛ naɡre o wa kohona. Ya ɡee bamewa hɛɛ naɡre ya waɔ? Ya waa laa hɛɛ naɡre la, Korowii waa hɛɛ naɡre.”

Aesaya 66:4

Anomanta, mɛɛ kpɔ wekpeɡaa ba ta ba nɛ, waa baa dɛ ɔma kohona la. Dɛkalkɛŋɔ n yer ba, bɛlbwa ta chaŋɛ, dɛ bol wa, bɛlbwa ta deŋne cheɡɛ dɛ no. Ba berɛ habɔɔ kpo mɛ, dɛɛ ɛ waa maa wola nyin.”

Jeremia 34:14

bene anuanɛ bɛlbwa ta la, Hibru te bɛlbwa waa tomɛ o dɔɔ bene anumɛl la, a chɛ kɛ bá ɡelo ó di o nyu. Kɛ ane a bwa, he naawa ta deŋne cheɡɛ dɛ no n be.

Ɛsekeɛl 2:3

Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.

Ɛsekeɛl 3:7

Kɛ n nɛra Israel tena ɛɛ vɛh he be noe, dɛkalkɛ baa n waa nyin dɛ no, ba vɛh n wa, ba bambile kpeɡri, ba deŋne ɡe do kpeɡri.

Nɛra Kura 22:20

Awola jwaana la, Korowii ŋɔ Balam be ŋɔ, “Nɛra nɔ aa bala dɛɛ ba dɛ́ ba kpɔe nɔ, kpɔ he te he ne ba kaa, kɛ ka ɛ anɔ la maa ŋɔ he ɛ ɡbo.”

Matiu 10:40

Nomɛlbwa waa nyiŋi he nɛɛ la, menee o nyiŋi la. Asɛ nomɛlbwa waa nyiŋi n nɛɛ la, naate waa tom mɛ laanee o nyiŋi la.

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Amanesoma Jɔn Aa Chwera Tɔn 13:16

Kasinteŋ, n dɛ ŋɔ he be, yom ta o dɔɔ ɡwaalɛ, torome ɡe ta nɛn waa tomɔ ɡwaalɛ.

Sitɔɔla 8:23

Anee o ŋɔ, “Maa won di kora he nɛ, ɡɛɛ n bibaa kɛɛ n naa ɡe aa wola won di kora he nɛ. Korowiirii dɛ́ di he kora.”

1 Samoɛl 10:19

Kɛ taraken he vɛh men Korowii haa dɛ tom mɛ, n lɛ heyaa le wahala ne wekpeɡa bwa ta la. He berɔ ŋɔ ń tɛ heyaa kooro wɛɛ tɔ he sie. Anomanta, he bwa ba cheme n sie deenaa ta.”

1 Samoɛl 12:1

Samoɛl ŋɔ Israel tena la bwa be ŋɔ, “N no waa haa bɔɔra la, dɛ nyin kooro tɛ heya o tɔ he sie dɛɛ nyiŋi he nɛ.

1 Samoɛl 12:12

Háa na Amɔn Kooro Nahas wɛɛ ba dɛ́ ba yo heyaa la, he le Korowii waa ɛ he kooro la habɔɔ, dɛ ŋɔ n be ŋɔ, ‘Ya dɛ nyin kooro wɛ́ɛ nyiŋi ya nɛ.’

1 Samoɛl 8:22

Anee Korowii chaŋo ŋɔ, “No ba wesoŋa la tɛɛ ba, dɛ́ tɛɛ ba kooro.” Ate, Samoɛl ŋɔ Israel tena la be ŋɔ nomɛlbwa berɛ kaa o bwɛ.

1 Samoɛl 8:8

Gɛɛ ba ɛɛ mɛ dɛ le ɡɛ saŋ maa le ba ne Ijipt harɛ ta. Ba vɛɛh baa vɛɛh mɛ dɛ kaa tomɛ harɛre ane voɡa la taa ba ta do ba le fini, dɛ kpɔ dɛɛ ɛ he ɡe la.