1 Samoɛl 8:3 - mzwDBL

³ Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.

1 Samoɛl 8:3 ပူးပေါင်းရင်းမြစ်များ

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Kaala 23:8

He bɛ nɛn sen dɛɛ yawɛ, nɛn sen yawa dɛ tɔ nɛra baa dɛ bol waa la sie, dɛɛ ɡole nɛn o wa aa toɡra waa sie.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

1 Timoti 3:3

A ta chɛ kɛŋɔ ó ɛ sennyɔdɛɛ, ó bɛ naɡrenyini ɛ. Kɛ ó ɛ nɛn waa pwɛra, waa wola o bwara ne waa nyin. A ta chɛ kɛ o siwi beɡre suuɡa.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

2 Samoɛl 15:4

Dɛ berɛ ŋɔ, “N dɛ nyin kɛ n fe aa ɛ nɛn maa bol waa dɛɛ pa bole Israel harɛ nɔ ta, ásɛ nomɛlbwa ne o dɔŋ dɔ wa aa, ń bol dɛ́ fee pa bole ɡɛ aa chɛa tɛo.”

Wejereme 2:19

Umee dɛ́ won jemɛ kɛ naate ɛ wejereme kɛɛ ɡɛne ɔ? Kɛ onee dɛ́ di kpeɡri kondɔɔh maa koah, dɛ nyina cheɡ harɛ nɔ ta bwa ta. Anɔ bwa ɡe ɛ wepuu.

Yela 26:10

ba bee wechɔɡa vɔrɔwa bwa le, dɛ ɡel baa yaɡ ba sen tɔpere bɛlbwa.

Kaala 23:6

He bɛ nɛn nyae waa koh dɛ́ pao bolchɔɡe kɔɔto.

1 Samoɛl 2:35

N ɡbaɡba ɛɛ le sɔfo o waa aa dɔ kasinteŋ dɛɛ ɛ n bambile bini waa tɛ n te, dɛ́ ɡel o dɔ naanar kohona, ásɛ baa tomɛ kooro maa leo cheɡ tɛ n te la.

1 Samoɛl 12:2

Taraken he dɔ kooro o ɛ he sitɔɔ. N hwɛɛhrɔ n nyumpona to, asɛ n bibaala do he bini bonɔ. N bonɔɔne saŋ bwaa n le dɛ tɔ he sie dɛ ba le fini.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”