1 Samoɛl 7:6 - mzwDBL

⁶ Ba bwa aa baa cheme Mispa la, ba dɔ nee dɛ fuɡe ta Korowii sie a baɡle wechɔɡa baa ɛa la saraha. Ba vɔwɛ nyoa tɔpebir la bwa, dɛ ŋɔ, “Ya ɛ wechɔɡa dɛ jo Korowii nɛ.” Mispa belaa Samoɛl do dɛ tɔ ba sie, dɛ bol bane ba bala waa dɛɛ tɛɛ ba.

1 Samoɛl 7:6 ပူးပေါင်းရင်းမြစ်များ

2 Samoɛl 14:14

Ya bwa ɛɛ serewoo kɛŋɔ baa fuɡe nee ta aa palɛ harɛ, baa wola won berɛ boa a nyoa kpa la ken. Kɛ Korowii aa ɡel nɛn waa sewa berɛ ba mkpa ta, kɛ kooro fe ɛɛ won che ŋwɛnɛ bɛl ta, dɛ́ ɡel nɛn baa lawɔ laa ta kaa bojaŋ harɛfale ta berɛ ba o harɛ ta.

1 Samoɛl 1:15

Belaa o chaŋe ŋɔ, “Nomoa, n ta dɛɛrɛ, maa sen nyɔ, n bambilee chɔɡa mɛɛ soŋe Korowii saŋ bɛlbwa, dɛ kpɔ n waa dɛɛ bil o sie.

Sitɔɔla 10:10

Asɛ Israel tena wi no Korowii ŋɔ, “Ya ɛ wechɔɡa kɛ yaa vɛh he toma, dɛ kaa tomɛ voɡ Baal ne o voɡa bwa.”

Joel 2:12

Korowii ŋɔ, “A ta mun kae, hé charɛ he liire, dɛ́ kpɔ he bambile bwa tɛ mɛ, dɛ́ vɔwɛ nyoa dɛɛ wi kohona.

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Yela 106:6

Ya ɛ wechɔɡa kɛ ya naawa ken, ya ɛ nyubinikpeɡ dɛ koni.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Amanesoma Luk Aa Chwera Tɔn 15:18

Mɛɛ iruu, dɛ́ la n mɛɛ be dɛ́ ka ŋɔ, “N mɛɛ, n ɛ wechɔɡa dɛ jo he ne Korowii bwa nɛ.

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

1 Koranar 8:47

hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’

Ɛsekeɛl 20:4

Nɛwɛnyini bie, he dɛ nyin kɛ he pa ba bolchɔɡe kɛɛ? Ate, lii ba ba naawa kii waa baa ɛa la wa

Wiile 3:49

N siniire ɛɛ yɔɔ mɛɛ aa wola tonɛ bwa,

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Jeremia 31:19

Ya berɛ habɔɔ kpoe, kɛ a ta biɡre ya dɔ liire, dɛ berɛ ba he be. Kɛ a habɔɔ haa tɛr ya deŋne la, ya baŋa ɡolo sihiih kpo yaa. Sihiih kpo yaa kohona, dɛkalkɛ ya bechale saŋ bwaa ya le ɛ wechɔɡa.’ ”

Yela 42:3

Sinii ber mɛ kondikwa, chɔɔ ne jwaana bwa. Saŋ bɛlbwaa n dɔma ɛɛ pɛɛ mɛ ŋɔ, “Leperaa Korowii haa dɛ tomɔ la dɔɔ?”

Yela 6:6

N pɛmɔ dɛ ba koh, jwaana bɛlbwaa n sinii ɛɛ yɔɔ mɛ kalaŋ ta, dɛɛ pweh n kapuri bwa!

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Job Tɔn 40:4

“N Naa Korowii, menee ume, ń ŋɔ mɛɛ chaŋee yɔ? Maa wobɛlbwaa bol.

Job Tɔn 33:27

Asɛ bɛlbwa ba che nɛra baah ta dɛ ŋɔ, ‘N ɛ wechɔɡa, dɛ le waa aa toɡra ta, Korowii ta ɡelɛ n dɔ deŋnetɛra aa chɛ mɛ.

Job Tɔn 16:20

N daamanar dɛ mam mɛ, n dɛ wi siniire ŋɔ Korowii cha mɛ.

Nehemia 9:27

Anomanta, he ɡelɔ ba dɔma yoo ba, dɛ pɔ ba nɛɛ dɛ fiɡ ba. Kɛ ba wenaale ta la, ba wio noe asɛ he no le nyundua dɛ cha ba. He cheɡɛ tedoma haa dɔa kohona ta dɛ le nomonome tɛɛ ba, ba ba lɛɛ ba le ba dɔma nɔn ta.

2 Webena 20:3

Kooro Jehosafat ɔmɔ, dɛ bɔɔ le Korowii be ŋɔ ó baɡlo ɡɛ waa ɛ, asɛ dɛ ŋɔ Juda te bɛlbwa vɔwɛ nyoa, á baɡle kɛ ba dɛ di suna.

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

Lewi Dea Tena 26:40

Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,

Mumpar 31:49

Dɛ ŋɔ, “Yaa dɛ peɡri dɔŋa baah nɔ, Korowii nyiŋi ya nɛ.” Asɛ dɛ pa bela sɔn Mispa.

Lewi Dea Tena 16:29

A ɡɛ Mmarare nɔ chɛ kɛŋɔ á chɔ le tɛ heyaa saŋ bɛlbwa dɛɛ la. Korobinuanɛ te la tɔpera fi ta, a chɛ kɛ hé vɔwɛ nyoa dɛ bɛ toma bɛlbwa ɛ, Israel te kɛɛ hɔɔh bɛlbwa waa soɡe he binii yoo,

1 Samoɛl 7:15

Samoɛl soɡa bini bwa la, o lawɛ Israel tena dɛ kwaa ba ne ba bala waa dɛɛ pa bole.

Jeremia 36:9

Juda Kooro Josia bibaa Jehoiakim aa di kora Juda harɛ bene anue, korobie anuanaarɛ ta la, nɛra baa lɔ Jerusalam ne Juda bwɛɛre ta nɛra bwa vɔwɛ nyoa ba waa dɔ nyɛl Korowii be.

Josua 18:26

ne Mispa ne Kefira dɛ Moosa,

Sitɔɔla 2:4

Korowii nyundua torome la aa bol waa nɔ baɡle Israel tena la bwa la, ba wio kohona.

Sitɔɔla 10:15

Asɛ Israel tena la ŋɔ Korowii be ŋɔ, “Ya ɛ wechɔɡa. Ɛ yaa ɡɛ bɛlbwa haa naa kɛ a wer he be. Kɛ soŋe, dɛ́ lɛ yaa taraken.”

Sitɔɔla 20:23

Israel tena la kaa wi no Korowii ka tel jɔmɔra, dɛ berɛ soŋo ŋɔ, “Yá ka pu ya bala Bɛnjamen dea tena la yo ja aa?” Anee Korowii chaŋe ŋɔ, “Hé kaa ka yoo ba.”

Sitɔɔla 20:26

Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.

1 Samoɛl 10:17

Samoɛl cheme Israel tena la bwa Korowii sie Mispa,

1 Samoɛl 12:10

Ba wio yerɛ Korowii ŋɔ, ‘Korowii, ya ɛɛ wechɔɡa dɛ vɛh he toma dɛ kaa tomɛ voɡa Baalre aa ɛ baala ne voɡhaahna Astɔrɛt. Name te lɛ yaa le ya dɔma nɔn ta ásɛ yaa tomɛ.’

1 Webena 11:18

Anomanta, banyoola batoro la kpɔ bansua jo harɛ Filisti laa tena la aa soɡe o ta la ta, dɛ ka dɔ nee le kɔlɔŋ waa chɔa bɛne Bɛtlɛham doonyojen bini la ba tɛ Kooro Devid. Kɛ o vɛh nee la nyɔe, dɛ fuɡe ta harɛ tɛ Korowii.

Job Tɔn 3:24

Suna dii ber mɛ kondikwa, maa won ɡel pɛma bwa.

Wiile 5:16

Komɛlbwa toole ya won dɛɛ tamane o waa kpa. Ya ɛ wechɔɡa nomanta, wenaale kohona ba ya nɛ.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.