1 Samoɛl 7:14 - mzwDBL

¹⁴ Israel harɛ bwɛjena ane kɛŋɔ le Ekron ka tel Gat Filisti tena aa lɛa le ba be la, ba bera tɛɛ ba ba dɔ ba harɛ bwa. Asɛ deŋnesɔɔhna ba ba ne Amɔre tena baah.

1 Samoɛl 7:14 ပူးပေါင်းရင်းမြစ်များ

Yela 106:34

Ba ta nɛra baa wola hen tomɛ kpoorɛ ɡɛ haa do ba la,

Sitɔɔla 4:17

Dɛ Sisera te kpɔ nakpale ta, dɛ chwa kaa Ken te Heba haah Jael tɛnte bɔr, dɛkalkɛŋɔ dɛ Hasɔ Kooro Jabin ne Ken te Heba dem tena som.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Mmarare 7:2

Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Nɛra Kura 13:29

Amalɛk tena soɡe Nɛɡɛv pua hɛŋle ɡbo harɛ, Hiti ne Jebus dɛ Amɔre tena so deŋɡarere harɛ ta, asɛ Keenan tena ɡe so bɛne Mɛdetereenea Mpo ne Jɔɔdan Moo nyoa.”

Josua 10:5

Ate, a ɡɛ Amɔre koranar banue baa le Jerusalam ne Hɛbrɔn ne Jaamut ne Lakes dɛ Ɛɡlɔn la kpɔ ba laa tena dɛ ka bar bwɛjen Gebeɔn dɛɛ ba ba yoi.

Josua 15:11

Jwɛh la nyoa berɔ ka fɛrɛ Ekron deŋɡare weekaŋle nyunduabɔr, dɛ berɛ chaɡɛ kaa Sekerɔn Bwejen dɛ ka ɡarɛ Baala Bwejen, dɛ kpoŋe kaa bwɛjen Jabneel. O nyoa kaa jaɡɛ Mɛdetereenea Mpo la nyoa.

1 Webena 18:1

A habɔɔ la, Kooro Devid berɔ ka yo Filisti tena dɛ pɔ ba nɛ, dɛ lɛ bwɛjen Gat ne o bwɛɛre aa baro bwa le Filisti tena ba fa aa dɛ di a kpeɡri la be.