1 Samoɛl 6:9 - mzwDBL

⁹ dɛɛ nyiŋi a kaala bini. Hé nao kɛŋɔ a kpɔ sie chaɡɛ bwɛɛ Bɛt Sɛmɛs pera dɛɛ kaa laa, amɔ dɛ Korowiirii kpɔ wahala kohona nɔ ba ta ya nɛ. A ta sie kpɔe chaɡɛ bela bɔr ɡe aa, yaa jemɔɔ kɛŋɔ Korowii be laa aa le, ya nyuchɔɡee ɡelaa a ba ɡɛ.”

1 Samoɛl 6:9 ပူးပေါင်းရင်းမြစ်များ

Josua 15:10

O berɔ ɡole kpɔ Baala wee cholibɔr dɛ kaa Sɛɛ Bwejen waa lɔ Edom harɛ ta, dɛ kaa weekaŋle nyunduabɔr pera Jearim Bwejen ta, dɛ kaa bwɛjen Bɛt Sɛmɛs dɛ ka ɡarɛ bwɛjen Temna.

Amanesoma Luk Aa Chwera Tɔn 10:31

Dɛ Sɔfo bɛl ɡe kpɔ ŋwɛnɛ la ta dɛ baa kaa, dɛ na baa la, dɛ fɛrɔ ba kaa.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

2 Samoɛl 1:6

Ate, o chaŋe ŋɔ, “Dɛ n lɔ Gelboa Bwejen doa dɛ na Kooro Sɔɔl kɛŋɔ waa kpoŋe o lampea dɛ kpɔ o te dawɛ o ta, asɛ nɛra baa soɡe kwaa aa do kɛŋɔ torɔɡo ba vɔwɛ pɛl jaɡre, ne nɛra baa soɡe jaɡre ta siwi beɡre dɛɛ bɛno dɛ́ lawɔ.

1 Samoɛl 6:3

Anee ba chaŋe ŋɔ, “Hé kpɔ Korowii Israel tena aa dɛ tomɔ, Ne Nɛwɛnyina Fɔo Daka la berɛ dɛɛ kaa o buɡ ta tenaa, he bɛ o ne kaa pɛɛpɛɛ. Hé kpɔ bolchɔɡe dii saraha kwaa ja ka tɛ Korowii. Anee dɛɛ ba ɡela he dɔ chaeh, ásɛ he jemɛ he deŋnetɛra mun.”

Josua 21:16

ne Ain ne Juta dɛ Bɛt Sɛmɛs. A lɔ bwɛjena anuanaarɛ, a bwa ne a kondɛɛra dibɔra dɛ le Juda ne Simeon deene harɛre ta.

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

1 Samoɛl 6:10

Anomanta, ba ɛ ɡɛ. Ba lawɛ naneene anɛ la, dɛ vɔwa pɛl kwaa aa do kɛŋɔ torɔɡo dɛ dɔ tɔre la nɛ, dɛ pere a bii la le a nɛ ka do leɡ bini.

1 Samoɛl 6:12

Nae la aa lea la, a den kpɔ sie pa Bɛt Sɛmɛs ŋwɛnɛ ta dɛɛ kaa, a ta bɛɡɛ kpɔ diɡ kɛɛ ɡal, dɛ si dɛɛ kaa. Filisti tena koranar banue la teŋɛ a nɛɛ ka tel Bɛt Sɛmɛs jwɛh ta.

Kaala 8:15

Bosɔɔhna aa bala la, kooro berɔ ɛ deŋnekpeɡ dɛ vɛh Mosis ne Arɔn waa la ta teŋa ɡɛ Korowii aa bola la.

1 Koranar 4:9

Bɛn Deka chɔ bwɛjena ane baa dɛ yera Makas ne Saalabim ne Bɛt Sɛmɛs dɛ Ɛlɔn Bɛt Hanan nyoa.

2 Webena 25:21

Anomanta, Israel Kooro Jehoas ne Juda Kooro Amasea kaa cheme dɔŋa Bɛt Sɛmɛs waa lɔ Juda harɛ ta, dɛ yo laa.