1 Samoɛl 6:5 - mzwDBL

⁵ Hé kpɔ suuɡaswɛm konɡuleɡule anue la ne mari anue la aa dɛ chɔɡ he ne he harɛre ta nɛra bwa la, ásɛ dɛ kpɔ duure tɛ Korowii Israel tena aa dɛ tomɔ la. O ken ɛɛ laa deŋnetɛra laanee kpɔ he ne he harɛ dɛ he voɡa bwa nɛ.

1 Samoɛl 6:5 ပူးပေါင်းရင်းမြစ်များ

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”

1 Samoɛl 5:11

Anomanta, ba yerɛ Filisti koranar la bwa cheme dɛ ŋɔ, “Hé berɛ kpɔ Korowii Israel tena aa dɛ tomɔ Ne Nɛwɛnyina Fɔo Daka la ka cheɡ o buɡ ta, ásɛ o bɛ ya ne ya bii ba kpoo.” Dɛ deŋnetɛra Korowii aa kpɔa ba ta ba nɛɛ la ɡelɔ sibeɡra chole ba nɛɛ kɛrɛdɛ bwɛjen la ta.

Amanesoma Jɔn Aa Chwera Tɔn 9:24

Ba berɔ yerɛ baa la o fa aa nyoŋa la nɛɛtena, asɛ dɛ ŋɔ o be ŋɔ, “Nyiŋi Korowii dɛ bol kasinteŋ. Ya te jemɔ kɛ baa nɔ waa chaeh nɔ ɛ wechɔɡ-ɛɛ.”

Aesaya 42:12

Bojaŋ harɛre nɛra, hé kpɔ jirima tɛo, dɛ́ kpɛɛro.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Yela 32:4

N Naa Korowii, chɔɔ ne jwaana bwaa he tɛr n deŋne, asɛ n bokpeɡa bwa tonɛ, kɛŋɔ wee yon lɔ bobɛlbwa hol hwel saŋ la.

1 Samoɛl 5:9

Baa kpɔ Daka la kaa Gat kwaraa la, Korowii tɛr bwɛjen Gat tena deŋne ɔmee kohona chole ba nɛ. O kpɔ ɔɡra ba ta bechale ne nomonome bwa nɛ.

Wepila 16:9

dɛɛ nyaa nɛra, dɛkalkɛŋɔ o nyɛɡre taeh, asɛ baa bol Korowii waa dɔ kpeɡri hɔhɔrɔwa la nɛɛ nɛnhɛlwa. Ba ta ba liire charɛ dɛ le ba wechɔɡa ta. Ba ta on jirima tɛɛ.

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.

Malakae 2:2

dɛ he vɛh n waa nɔ noe, dɛ vɛh jirima kpɔe dɛ́ tɛ n sɔn he bambile bwa ne naa, taahnaa mɛɛ ba heyaa taahna, dɛ́ ɡel kɛ n fe aa swee andɛɛɡa tɛ heya. N dɔɔ taah heya, dɛkalkɛ he ta he liire ɛɛ kɛŋɔ he kpɔ jirima tɛ mɛ.

Joel 2:25

Korowii berɔ ŋɔ, “Mɛɛ bɔ heyaa kwaa tontombɛ la aa baa chɔɡ la kemee, anɔ la aa wara ne anjeɡre la, ne ane ɡe aa bera teŋɛ dɛ ba di, asɛ ane ɡe kapa ka mun ba dɛ ba di a kabora la. Men Korowiirii kpɔ tontombɛ aa do kɛŋɔ laa tena nɔ ba ta he nɛ.

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 39:10

Bɛ n deŋne tɛr kpa! He deŋnetɛra la ɡwaa n nɛ.

Yela 18:44

Baa dena no n waa ba no n be, nɛŋhɔɔhra pwɛr ba te dɛ baa ɡuŋi n sie.

Nɛra Kura 33:4

Dɛ Ijipt tena la dɛ huɡe ba bibanloɡla Korowii aa kpoo ba ba deremi ta dɛ kpɔ baɡle o kpeɡri waa dɔa ɡwaa ba voɡa.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Kaala 8:24

Asɛ Korowii ɛ ɡɛ, dɛ ɡel chwɛɛhne fuɡe le, dɛ ba su koodem ne o nomonome deremi, dɛ chɔɡ harɛ la bwa.

Kaala 8:17

Anee Arɔn kpɔ daŋɡbala la lɔ harɛ asɛ bomboɡ aa lɔ Ijipt harɛ ta bwa berɛ konjeɡre tɔ nɛra ne ola nɛ.”

Kaala 8:5

Korowii ɡelɔ Mosis ŋɔ Arɔn be ŋɔ, “Tɛr he daŋɡbala pa buli ne taama dɛ neerare ta, ásɛ sapone le ba su Ijipt harɛ bwa ta.”

1 Samoɛl 6:8

Hé kpɔ Korowii Ne Nɛwɛnyina Fɔo Daka la ka chɔŋɛ torɔɡo la ta, dɛ́ kpɔ kwaa haa kpɔ suuɡaswɛm loɡa la bil o jwɛh. Hé kpɔ bolchɔɡe dii saraha kwaa la do dakajeɡa bɛl bini, ásɛ o che Daka la jwɛh a kpɔ dɛɛ kaa,

1 Webena 16:28

Nɛra haa lɔ harɛ ta bwa, hé kpɛɛ Korowii. Hé kpɛɛro, o jirima ne kpeɡri waa dɔa wa.

1 Webena 16:29

Hé kpɛɛ Korowii Waa Do Goroŋ, dɛ́ kpɔ jirima aa chɛ o sɔn la tɛo. Hé kpɔ saraha kwaa ba tɛo o Dea. Hé kpɔ jirima tɛ Korowii Waa Do Goroŋ la.

Jona 3:9

O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”