1 Samoɛl 6:3 - mzwDBL

³ Anee ba chaŋe ŋɔ, “Hé kpɔ Korowii Israel tena aa dɛ tomɔ, Ne Nɛwɛnyina Fɔo Daka la berɛ dɛɛ kaa o buɡ ta tenaa, he bɛ o ne kaa pɛɛpɛɛ. Hé kpɔ bolchɔɡe dii saraha kwaa ja ka tɛ Korowii. Anee dɛɛ ba ɡela he dɔ chaeh, ásɛ he jemɛ he deŋnetɛra mun.”

1 Samoɛl 6:3 ပူးပေါင်းရင်းမြစ်များ

Job Tɔn 10:2

N Naa Korowii, Bɛ men bolchɔɡe pa, ɡel ń jemɛ waa aa bala n ne he dɔ.

Kaala 23:15

Hé di Paanoo Iisi Aa Wola Toole A Ta Tɔpejen la. Tɔpera anuanɛɛ chɛ kɛŋɔ hé di paanoo iisi aa wola toole a ta ɡɛ maa do heyaa la. Hé di tɔpejen nɔ tɔpera maa lea cheɡ tɛ heyaa ta Abib korobie la ta, dɛkalkɛ ɡɛ korobie la taa he le Ijipt harɛ ta. Bɛlbwa bɛ nɔŋɡbala kpɔ ba n sie.

Kaala 34:20

Kɛ dɛ keeɡo bie yaa, hé nyin pebie chiɡ o naa ta. He ta bɛl dɔe dɛ chiɡ o naa ta naa, hé ku keeɡo la baŋa. Hé charɛ bibanloɡle bɛlbwa ɡe nyu. Nomɛlbwa bɛ n sie ba nɔŋɡbala ne.

Kaala 8:15

Bosɔɔhna aa bala la, kooro berɔ ɛ deŋnekpeɡ dɛ vɛh Mosis ne Arɔn waa la ta teŋa ɡɛ Korowii aa bola la.

Lewi Dea Tena 5:6

dɛ́ lawɛ pelor kɛɛ bohlor le o kondɛɛra bini ba ɛ wechɔɡa kpɔe dɛ kɛ saraha, ásɛ sɔfo la kpɔ soŋe naate wechɔɡa n be, ásɛ n kpɔ kɛo.

Lewi Dea Tena 6:6

A chɛ kɛ naate lawɛ pebal waa wola kirihiah bɛlbwa dii o yoɡ do ɡɛ baa maɡa la ba tɛ sɔfo la, ásɛ o kpɔ ba ɛ bolchɔɡe dii saraha tɛ men Korowii dɛ́ kpɔ bɔ o wechɔɡa la kem.

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

1 Samoɛl 5:11

Anomanta, ba yerɛ Filisti koranar la bwa cheme dɛ ŋɔ, “Hé berɛ kpɔ Korowii Israel tena aa dɛ tomɔ Ne Nɛwɛnyina Fɔo Daka la ka cheɡ o buɡ ta, ásɛ o bɛ ya ne ya bii ba kpoo.” Dɛ deŋnetɛra Korowii aa kpɔa ba ta ba nɛɛ la ɡelɔ sibeɡra chole ba nɛɛ kɛrɛdɛ bwɛjen la ta.

1 Samoɛl 5:7

Asdɔd tena aa na waa aa dɛ chiɡ la, ba ŋɔ, “Korowii Israel tena aa dɛ tomɔ Ne Nɛwɛnyina Fɔo Daka la ta chɛ kɛ ó che ya be kpa, dɛkalkɛ o dɛ tɛr ya ne ya voɡ Daɡɔn deŋne.”

1 Samoɛl 5:9

Baa kpɔ Daka la kaa Gat kwaraa la, Korowii tɛr bwɛjen Gat tena deŋne ɔmee kohona chole ba nɛ. O kpɔ ɔɡra ba ta bechale ne nomonome bwa nɛ.

1 Samoɛl 6:8

Hé kpɔ Korowii Ne Nɛwɛnyina Fɔo Daka la ka chɔŋɛ torɔɡo la ta, dɛ́ kpɔ kwaa haa kpɔ suuɡaswɛm loɡa la bil o jwɛh. Hé kpɔ bolchɔɡe dii saraha kwaa la do dakajeɡa bɛl bini, ásɛ o che Daka la jwɛh a kpɔ dɛɛ kaa,

1 Samoɛl 6:9

dɛɛ nyiŋi a kaala bini. Hé nao kɛŋɔ a kpɔ sie chaɡɛ bwɛɛ Bɛt Sɛmɛs pera dɛɛ kaa laa, amɔ dɛ Korowiirii kpɔ wahala kohona nɔ ba ta ya nɛ. A ta sie kpɔe chaɡɛ bela bɔr ɡe aa, yaa jemɔɔ kɛŋɔ Korowii be laa aa le, ya nyuchɔɡee ɡelaa a ba ɡɛ.”