1 Samoɛl 5:3 - mzwDBL

³ Tɔ aa pera chɔmbibi la, Asdɔd tena nao kɛŋɔ ba voɡ Daɡɔn la cholo o sie pi harɛ Korowii Ne Nɛwɛnyina Fɔo Daka la sie, asɛ ba ka kwaaro pa o buɡ ta.

1 Samoɛl 5:3 ပူးပေါင်းရင်းမြစ်များ

1 Koranar 18:26

Ate, ba lawɛ nao baa kpɔa tɛɛ ba la, dɛ ɛo dɛ soŋe voɡ Baal ɡwɛeh le chɔɔbɔr ka tel webaŋa wee aa baa tel nyufala. Dɛɛ ŋɔ, “N naa Baal, no yaa ɔ.” Ba sao bar kon baa dɛ ɛ saraha o ta la, ba ta wobɛlbwa nae, ba ta wobɛlbwa ɡe noɛ.

Yela 115:7

A dɔ nɔɔra, aa won kpɔ ɛ wobɛlbwa, dɛ dɔ nakpale, aa won valɛ, aa won do ɡbɔɡa bɛlbwa ɡe.

Yela 97:7

Sihiih kpo nɛra baa dɛ tomɛ voɡa bwa, nɛra baa kpɔ voɡare dɛɛ maŋkura ba te, ne voɡa bwa dɛ ɡuŋi Korowii sie.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 40:20

Nyaa waa wola won dɔ ɡɛ kwaa nɔ la, o dɛ nyin daa waa wola pɔh, dɛ́ nyin nɛn waa dɔ kwaa sɛɛh wejema, ó sɛh dɛ ɛ voɡ ó won che kɛrɛdɛ, dɛ bɛ chole.

Aesaya 41:7

Nɛn waa dɛ sɛh kwa dɛ́ do nɛn waa jemɛ suuɡaswɛm kpɔe dɛ ɛ o bwara ɡbemba. Nɛn waa lɔ suuɡaswɛm dɛɛ pɛ dɛ ɛo voɡ la, dɛ́ do onɔ la waa dɛ loɡa o bwara ɡe ɡbemba. O ŋɔ o be ŋɔ o ɛ wa, dɛ kpaa dadowɛre do voɡ la ta, o bɛ chole.

Aesaya 46:7

Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Amanesoma Mak Aa Chwera Tɔn 3:11

Banɔ la kwaa aa dɛ ir ba nɛɛ la nao waa, ɡɛɛ ba choɡli o sie dɛ kpɔ takpeɡ dɛɛ bol waa o be, ŋɔ, “Henee Korowii Bie la!”

1 Samoɛl 6:1

Korowii Ne Nɛwɛnyina Fɔo Daka la lɔ Filisti tena nɔn ta korobie anuanɛ,

1 Samoɛl 6:5

Hé kpɔ suuɡaswɛm konɡuleɡule anue la ne mari anue la aa dɛ chɔɡ he ne he harɛre ta nɛra bwa la, ásɛ dɛ kpɔ duure tɛ Korowii Israel tena aa dɛ tomɔ la. O ken ɛɛ laa deŋnetɛra laanee kpɔ he ne he harɛ dɛ he voɡa bwa nɛ.