1 Samoɛl 4:4 - mzwDBL

⁴ Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.

1 Samoɛl 4:4 ပူးပေါင်းရင်းမြစ်များ

2 Samoɛl 6:2

O ne o laa tena la iro le bwɛjen Baala baa bera dɛɛ yerɔ Kiriat Jearim waa lɔ Juda harɛ ta, dɛ́ ka kpɔ Korowii Ne Nɛwɛnyina Fɔo Daka la le bela dɛ́ kaa Jerusalam. Nemenɛ Korowii sɔn dawɛ Daka la ta, asɛ o so o kookara ta, kena kwaa baa dɛ yera Kerobim la baah ta.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Nɛra Kura 7:89

Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

2 Koranar 19:15

Asɛ dɛ soŋe Korowii ŋɔ, “N Naa Korowii Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

Malakae 1:9

Taraken, dɛ he sɔfore dɛ soŋ mɛ ŋɔ ń kpɔ kɛ heya aa, mɛɛ no he wesoŋaa yaa? Maa he wesoŋaa no. Men Koranar Bwa Kooroo bola.”

1 Samoɛl 2:22

Sɔfo Eli baa hwɛɛh name, dɛ no waa o bibaala la aa kpɔa dɛɛ ɛ Israel tena bwa, ne ɡɛ baa lawɛ haahna baa dɛ ɛ toma Korowii Dea Cheremibɔr doonyoa bela dɛɛ chɔ.

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Nɛra Kura 4:5

Dɛ Israel tena la ŋɔ bá ir kaa bofale aa, Arɔn ne o bibaalaa chɛ kɛ bá jo dɛ́ ka laa pateesan waa saɡɛ Korowii Ne Nɛwɛnyina Fɔo Daka la sie, kpɔ dɛ́ kpɔ tɔ o ta.

1 Samoɛl 1:24

Hana aa teŋe bie la el la, o lawɛ nabal waa di bene atoro, dɛ ɛ men aa kpera kɛrɛdɛ kuruware fi, dɛ sen oltɔn pur del, asɛ o ne o jaa kpɔ bie la ja kaa Korowii Dea waa lɔ Silo la.

2 Samoɛl 15:24

Dɛ sɔfo Sadɔk lɔ bela, asɛ Lewi dea tena bwa baa ja o nɛɛ la che Korowii Ne Nɛwɛnyina Fɔo Daka la. Ba kpɔɔ cheɡ harɛ, asɛ sɔfo Abiata kpoo kwaa ɛ saraha ka tel kɛŋɔ Kooro Devid ne o nɛra la bwa aa le bwɛjen la ta.

Aesaya 37:16

“N Naa Koranar Bwa Kooro, Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

1 Samoɛl 14:3

dɛ sɔfo Ahija do sɔfo batakaarebora efɔd dɛ ja ba nɛ. Baa bɛl waa ɛ Ikabod dɔɔ Ahitub biee on, Ahitub ɡe mɛɛ Fenehas. Ahitub nabaalee Sɔfo Eli, dɛ o lɔ Korowii sie dɛɛ tomɔ Silo. Dɛ nomɛlbwa aa jemɛ kɛŋɔ Jonatan le ba bini kaa.

Yela 80:2

Kpɔ he te chaɡle Efrem ne Bɛnjamen dɛ Manasɛ deene tena, che he kpeɡri ta, dɛ́ ba lɛ yaa.