1 Samoɛl 30:6 - mzwDBL

⁶ Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.

1 Samoɛl 30:6 ပူးပေါင်းရင်းမြစ်များ

Yela 56:11

He nɛɛ n kpɔ n te dawɛ, maa wola ɔmɛ, bɔkwaa nɛwɛnyini waa won sewa ɛɛ ba wona ɛɛ mɛ nɔ?

Yela 62:5

Korowii ɡbosoo nɛɛ n kpɔ n te dawɛ, o nɛɛ mɛɛ hwɛɡɛ.

Yela 18:6

N wahala bini n wio no hen Korowii ŋɔ hé lɛɛ mɛ, n wio no hen Korowii maa dɛ tomɛ ŋɔ, hé cha mɛ, he no n taa he Dea la bini, n wii la tel he be, asɛ he no.

Yela 25:17

Laa waa aa dawɛ n nɛɛ kpɔ n nɛ, dɛ́ lɛɛ mɛ le n wenaale bwa ta.

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”

Tɔn Pɔɔl Aa Chwerɛ Rom Tena 4:18

Dɛ Abraham dɛ yarada Korowii dɛɛ hwɛɡɛ o nɛɛ ɡe. Dɛ waa nɛn aa wola Korowii yarada a ta la, dɛ o te dɛ yaradao. A taa a che o ɛ nɛnfuuh bwa mɛɛ, ɡɛ Korowii aa ŋɔ o be ŋɔ, “He naanar ɛɛ warɔɔ” la.

Yela 116:10

N yaradae, hale n ŋɔ, “Weweele ta ɡelɛ n bwara ɛɛ sɔɔh mɛ.”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Kaala 17:4

Ate, Mosis soŋe Korowii ŋɔ, “N Naa Korowii, ɛrɛɛ yaa ba wona ɛ tɛ nɛra nɔ te nɔ? Ba dɛ nyin kɛ ba foɡ mɛ bwea kpo kwara.”

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.

Yela 27:14

A chɛ kɛ yá kpɔ ya te dawɛ hen Korowii nɛ, dɛ́ lawɛ bambile, dɛ́ che kiŋkiŋ, dɛ́ɛ nyiŋi he siwi ta.

2 Kɔrent 4:8

Nɛra dɛ ha yaa kohona, kɛ baa ya nɛɛ pɔ. Waa dɛ hiah yaa ya nyiŋi ɡɛ yaa ɛ kahonɛ, kɛ ya bwara aa yɔr, yaa ɡel.

1 Samoɛl 1:10

Dɛ o bambile chɔɡɔ kɛrɛdɛ, o wi dɛɛ soŋe Korowii.

Amanesoma Jɔn Aa Chwera Tɔn 8:59

Belaa ba pa bwea ŋɔ ba dɛ foɡro, asɛ o sɔh dɛ le Korowii Dea bela kaa.

Nɛra Kura 14:10

Kɛ ane a bwa, nɛra la bwa bolɔ ŋɔ baa foɡre Josua ne Kaleb bweaa kpo. Belaa Korowii jirima ba o Dea Cheremibɔr bela, Israel tena la bwa na.

2 Kɔrent 7:5

Yaa ba Makidoonia harɛ ta habɔɔ kwaraa la, ya bwara ta yaa sɔɔhnɛ. Bobɛlbwa yaa kpɔ la, ya ne wahalaa. Dɛ yoi laa nɛra ɛɛ yo yaa kwara naa, dɛ ya ne bambiwɔrɔbaa.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

2 Kɔrent 1:6

Dɛ ya dɛ na wahala aa, he chae waa yaa naa, ásɛ dɛ won larawe he bwara, ásɛ Korowii won lɛ heya. Dɛ Korowii berɔ larawe ya bwara ɡe aa, dɛ he chae waa o ɛ ɡɛ, ásɛ ya won cha heya, he won lawɛ bambile ɡɛ saŋ haa ba na ya wahala yaa naa la dɔŋ la.

Tɔn Pɔɔl Aa Chwerɛ Rom Tena 4:20

O ta tɔŋlɛ tamaa bɛlbwa kɛŋɔ Korowii aa won ɛ waa waa baɡɔ nyoa laanee. O ta Korowii yaradae ɡelɛ bwa. Dɛ name kwaraa o ta dɔ yarada kohona, dɛɛ jam Korowii.

Matiu 27:22

Belaa o berɛ bɔɔ ba ŋɔ, “Aah ɛrɛɛ he ŋɔ ń ɛ Yeesu nɔ baa dɛ yerɔ Kristo nɔɔ?” Asɛ ba bwa pɛ ŋɔ, “Kpaaro pɛl daɡaɡre ta!”

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Yela 62:1

N soɡo jeih ken, dɛɛ nyiŋi Korowii siwi ta kɛ ó ba lɛɛ mɛ, o ɡbo nɛɛ mɛɛ hwɛɡɛ.

Yela 42:7

He ɡelɔ bɔchuubu nee lɔ dɛɛ kpɔ n nɛ mɛɛ di suna, kɛŋɔ nɛn nee aa sua dɛ kpɔɔ kaa ken.

Sitɔɔla 18:25

Asɛ Dan dea tena la ŋɔ, “Bɛ yaa tɔŋle, ya bini bane baah aa biɡri dii. Ba baah diu waa, baa yo heyaa dɛ́ kpoo he ne he dem tena bwa.”

Mumpar 32:7

Jekɔb aa no ɡɛ la, o ɔmɔ kohona o bwara yɔr, asɛ dɛ bɔne o nɛra la ne peera ne nae, dɛ nyoɡmare la bini bɔre anɛ.

Yela 42:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja. Henee ɛ n Lɛɛ,

2 Samoɛl 17:8

He ɡbabir jemɛ ɡɛ he mɛɛ ne o laa tena aa kpeɡa dɛ won yoi. Ba kpeɡri dɛ do ɔma kɛŋɔ sisire hansɔɔh baa pa o bii kaa ken. He mɛɛ jemɛ yoi waa kɛrɛdɛ, waa sɛh so o ne o laa tena so jwaana beŋkpoŋ ɡba.

2 Koranar 4:27

Haah la aa kaa pu Korowii keame la bwe la ta la, o chole Korowii keame la sie, dɛ lawɛ o nakpale kpoŋe. Asɛ Gehasi ŋɔ o ka taɡɔ ta, anee Korowii keame la ŋɔ, “Gelo, o loo kuu kohona. Korowii kpɔ waa aa puu la sɔɔh mɛ.”

1 Samoɛl 23:16

Asɛ Kooro Sɔɔl bibaa Jonatan la Devid be Hɔrɛs, dɛ ka doo ɡbemba kɛŋɔ Kórowii kpɔ nɔn tɔ o nɛ.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Yela 31:24

Nɛra haa dɛ hwɛɡɛ Korowii nɛɛ bwa, hé lawɛ bambile, dɛ́ che kiŋkiŋ.

Yela 71:4

N Naa Korowii maa dɛ tomɛ, lɛɛ mɛ le nyubinikpeɡ tena, ne wechɔɡ-ɛɛra nɔn ta.

Yela 71:5

Dɛkalkɛ Nemenɛ Korowii, he nɛɛ mɛɛ hwɛɡɛ, n kpɔ n te dawɛ he nɛ, dɛ le n bechale saŋ bwa.

Jona 2:2

O ŋɔ, “N Naa Korowii, maa lɔ wekpeɡa ta dɛ do lɔŋɔ tɛɛ la, he no n wesoŋa. Maa lɔ lalabwɛɛ dɛ do lɔŋɔ tɛɛ la, he no n wii.

Sitɔɔla 20:22

Kɛ Israel tena la do dɔŋa ɡbemba ja, dɛ berɛ ka che bela bɛlbwa fa aa cheɡa loɡla la.

1 Samoɛl 28:15

Samoɛl ŋɔ Kooro Sɔɔl be ŋɔ, “Ɛrɛɛ he ta ɡelɛ n chɔ jeih asɛ he yer mɛ le baŋ nɔɔ?” Anee Kooro Sɔɔl ŋɔ, “N bambile chɔɡɔ kohona. Filisti tena dɛ yoo mɛ, asɛ Korowii berɛ habɔɔ kpo mɛ. Waa Korowii keamere kɛɛ deera ta cheɡɛ dɛɛ chaŋ mɛ kpa. A waa mɛɛ yerɛ he baɡ mɛ ɡɛ maa ɛ.”

Yela 138:3

Maa wia noe la, he noɔ dɛ chaŋ mɛ, he cheɡɛ he kpeɡri ta dɛ tɛ mɛ bokpeɡa.