1 Samoɛl 3:9 - mzwDBL

⁹ Ate, Eli ŋɔ Samoɛl be ŋɔ, “Berɛ kaa ka chɔ, he baa no kɛ ba dɛ yerɛ jaa, he ŋɔ, ‘N Naa Korowii, bol waa he bonɔɔ be, n dɛ no.’ ” Asɛ Samoɛl berɛ kaa o chɔɔbɔr bela ka chɔ.

1 Samoɛl 3:9 ပူးပေါင်းရင်းမြစ်များ

Kaala 20:19

Anee ba ŋɔ Mosis be ŋɔ, “He ɡbabir bol waa ya be, yaa noo. Bɛ ɡel Korowii bol ásɛ ya ba serewe.”

Aesaya 6:8

Asɛ men Aesaya berɛ no kɛ Korowii aa ŋɔa ŋɔ, “Umee ń tomɔɔ? Umee dɛ́ la tɛ yaɔ?” Anee n sɛh ŋɔ, “Mɛɛ lao, tom mɛ.”

Yela 85:8

N dɛ no waa Korowii aa dɛ bol la, o baɡɛ yaa nyoa ŋɔ, dɛ ya ta berɛ kaa ya ɡɛne we-ɛɛla ta naa, wɛɛ tɛ yaa deŋnesɔɔhnaa.

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

1 Samoɛl 3:8

Korowii yerɔ toorotena, asɛ o berɛ ir la Eli be ŋɔ, “N dɔɔ, he yer mɛ, menee la.” Belaa Eli na kɛŋɔ Korowiirii dɛɛ yerɔ la.

1 Samoɛl 3:10

Korowii berɔ ba che o jwɛh dɛɛ yerɔ kɛ wubwa la ŋɔ, “Samoɛl! Samoɛl!” Asɛ o chaŋe ŋɔ, “N dɔɔ, bol waa he bonɔɔ be, n dɛ no.”

Josua 5:14

Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.