1 Samoɛl 3:18 - mzwDBL

¹⁸ Anomanta, Samoɛl bol waa la bwa baɡlo, o ta bɛlbwa kpɔe sɔɔh. Ate Eli ŋɔ, “Onee Korowii, ɡel o ɛ waa aa too o tea.”

1 Samoɛl 3:18 ပူးပေါင်းရင်းမြစ်များ

Aesaya 39:8

Kooro Hɛsɛkea chaŋe ŋɔ, “Waa haa ɡela n no le Korowii be nɔ wer.” Dɛkalkɛŋɔ, o liiro kɛ wɛɛ dɔ deŋnesɔɔhnaa o kora che kɛrɛdɛ o saŋ.

Job Tɔn 2:10

Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

1 Pita 5:6

Anomanta, hé pwɛr he te dɛɛ no Korowii waa dɔ kpeɡri bwa la wa, ásɛ o ɡɔɔ heyaa ir tɔpere waa wera o be ta.

Sitɔɔla 10:15

Asɛ Israel tena la ŋɔ Korowii be ŋɔ, “Ya ɛ wechɔɡa. Ɛ yaa ɡɛ bɛlbwa haa naa kɛ a wer he be. Kɛ soŋe, dɛ́ lɛ yaa taraken.”

Wiile 3:39

Ɛrɛɛ nɛn ta soɡe le dɛ dɔ deŋnetɛra o wechɔɡa wa aa, wɛɛ naɡre waɔ?

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

Job Tɔn 1:21

dɛ ŋɔ, “Ba lol mɛ mumɡbal, mumɡbal nee n berɛ dɛɛ ba kaala. Korowiirii dɛɛ tɛ, onee dɛɛ lɛ. Hé ɡel ya kpɛɛ o sɔn.”

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Kaala 34:5

Belaa Korowii kpɔ bam ta dɛ ba o ne Mosis che bela. Asɛ Korowii yerɛ o sɔndɛɛɡe waa dɔa la o be kɛ onee Korowii.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

2 Samoɛl 10:12

Dɔ bambile, dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

2 Samoɛl 15:26

Kɛ o sie ta n nɛɛ lɛɛ yaa, ó ɛ ɡɛ bwa aa too o tea.”

2 Koranar 20:19

Kooro Hɛsɛkea chaŋe ŋɔ, “Waa haa ɡela n no le Korowii be nɔ wer.” Dɛkalkɛŋɔ, o liiro kɛ wɛɛ dɔ deŋnesɔɔhna o kora che kɛrɛdɛ o saŋ.

Jeremia 34:6

Belaa men Korowii keame Jeremia bol waa nɔ bwa Juda Kooro Sedekia be Jerusalam,

Jeremia 38:14

Ate, Kooro Sedekia tomɛ ŋɔ bá ka yerɛ men Jeremia ba doonyotooro te waa lɔ Korowii Dea bela la ta, asɛ dɛ ŋɔ n be ŋɔ, “N dɛ ba hen waane bɔɔra, kɛ na kɛŋɔ haa wobɛlbwaa kpɔ sɔɔh mɛ.”

Jeremia 42:4

Anee n chaŋe ŋɔ, “N noɔ, mɛɛ soŋe Korowii yaa dɛ tomɔ ɡɛ haa dɛ soŋe laanee, ásɛ wobɛlbwa waa bol n be la, ń bol he be. Maa wobɛlbwaa kpɔ sɔh heya.”

1 Webena 19:13

Dɔ bambile dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”